6Acts 6

1A TOUNPADAK kan lao totolar ni ran pukat men Krik kai ap lipaned ong men Ipru, aki sota me apwali ar li odi kan ni ar dodok en ran akan.Select Acts 6:1

2Ekriamen oko ap molipe pena tounpadak kan masani: A sota mau ong, sen muei sang masan en Kot, pwen papa ni tepel.Select Acts 6:2

3Ari ri (at) akan, rapaki sang nan pung omail ol isimen, me kalok mau, me dir en Ngen (saraui) o lolekong, me sen kasapwiladang dok wet!Select Acts 6:3

4A kit pan apapwalita kapakap o dodok pan masan o.Select Acts 6:4

5Pokon o ari peren kida kaparok pot et. Re ap piladar Stepanus, ol amen, me dir en poson o Ngen saraui, pil Pilipus, o Prokorus, o Nikanor, o Timon, o Parmenas, o Nikolaus, proselite sang Antiokien amen.Select Acts 6:5

6Re kidang irail mon wanporon akan. Re lao kapakaper ap kidang po ’rail lim ar.Select Acts 6:6

7Masan en Kot ari pwaida kaualap, o tounpadak kan madang totolar nan Ierusalem, o samero toto pil iang lamalam o.Select Acts 6:7

8A Stepanus, me dir en poson o kelail, ap wiadar manaman o kilel laud kai nan pung en aramas akan.Select Acts 6:8

9A akai me udar, me kisan sinakoke en Liperti o men Kirene, o men Aleksandrien, o men Silisia, o Asien akamai ong Stepanus.Select Acts 6:9

10A re sota kak palian en Stepanus a kupurokong o Ngen o, me audeda i.Select Acts 6:10

11Irail ari pwain ong ol akai, pwen katiti: Se ronger, me a lalaue moses o Kot.Select Acts 6:11

12Irail pil kamakarada aramas, o saumas akai, o saunkawewe, re ap saikidi i o koledi, re ap wa dong i mod en kadeik o,Select Acts 6:12

13O kapwareda saunkadede likam akai, me katitiki: Aramas men et sota kin dukedi sang a lalaue wasa saraui et o kapung.Select Acts 6:13

14Pwe se ronger, me a katitiki, me Iesus en Nasaret pan kawela wasa et o kawilianla lamalam kan, me Moses kotiki ong kitail er.Select Acts 6:14

15A karos, me iang mod ong kapung o, kangkakil i, kasauiada, me silang a dueta silang en tounlang amen.Select Acts 6:15