Psalms Psalm 116 Old Public Domain Pohnpeian Bible

Poetry & wisdom · Psalms · Old Public Domain Pohnpeian Bible · 19 verses

Verse layout

Overview of this psalm About Psalms

📝 Overview of this psalm Flow, key verses and people

시편 116편은 죽음의 위기에서 기도 응답으로 건짐받은 한 사람이 여호와께 감사하고, 성전에서 백성 앞에 서원을 갚겠다고 다짐하는 개인 감사시이다.

Jump to verse

1 2 3 4 5 6 7 8 9 10 11 12 13 14 15 16 17 18 19

116Psalms · Old Public Domain Pohnpeian Bible

¹I KIN pok ong Ieowa, pwe a kotin ereki ngil ai o ai ngidingid.

²Pwe a kotin kapaike dong ia karong a, i me i pan likwir wong i arain maur i.

³Sal en mela sali ia dier, o kamasak en pased lel ong ia, i lel onger kalokolok o mamauk.

⁴I ap likwir wong mar en Ieowa: Maing Ieowa, kom kotin dorela maur i!

⁵Ieowa me dir en mak o pung, o atail Kot me dir en kalangan.

⁶Ieowa kin kotin apapwali me opampap akan; ngai luetalar, i ap kotin dore ia lar.

⁷Ngen i pur ong om moleilei, pwe Ieowa kotin sauasa uk mau.

⁸Pwe kom me kotin dorelar maur i sang nan mela, o por en mas ai sang sangesang, o nä i sang a pan krisedi.

⁹I pan weweid mon Ieowa nan sap en me maur akan.

¹⁰I liki, o i karepen ai padapadak; a i kin kalokolok laud.

¹¹I indinda ni ai insensued: Aramas karos me likam!

¹²Iaduen i pan kak depuk ong Ieowa a kapai ia kan?

¹³I pan ale dal en kamaur, o likwir ong mar en Ieowa.

¹⁴I pan kapwai ong Ieowa ai inau sansal mon sapwilim a aramas akan karos.

¹⁵Meid kasampwal ren Ieowa melan sapwilim a lelapok kan.

¹⁶O Maing Ieowa, ngai sapwilim omui ladu men, ngai sapwilim omui ladu, nain omui lidu; kom kotin kamueit pasang ai sal akan.

¹⁷I pan mairongki ong komui danke, o likwir ong mar en Ieowa.

¹⁸I pan kapwai ong Ieowa ai inau sansal mon sapwilim a aramas akan karos,

¹⁹Mon pera en tanpas omui im saraui, nan warong en Ierusalem. Aleluia!

Old Public Domain Pohnpeian Bible
Tap a verse to copy, share, highlight or add a note. Dotted words link to encyclopedia articles.

19 verses in this psalm

116 / 150 psalms

The text is Old Public Domain Pohnpeian Bible(폰페이어) — From getbible.net (CrossWire SWORD module) · license: 공개 도메인 (Public Domain) Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

Psalms Psalm 116 Old Public Domain Pohnpeian Bible

More