Psalms Psalm 38 Old Public Domain Pohnpeian Bible

Poetry & wisdom · Psalms · Old Public Domain Pohnpeian Bible · 22 verses

Verse layout

Overview of this psalm About Psalms

📝 Overview of this psalm Flow, key verses and people

시편 38편은 죄 때문에 몸과 마음이 병들고 친구들에게 버림받고 원수에게 시달리는 다윗이 하나님께 죄를 고백하며 도움을 구하는 탄식시이다. 일곱 참회 시편 가운데 하나로 꼽힌다.

Jump to verse

1 2 3 4 5 6 7 8 9 10 11 12 13 14 15 16 17 18 19 20 21 22

38Psalms · Old Public Domain Pohnpeian Bible

¹MAING, der kotin kaloke ia ni omui kupur sued, o der kame ia ni omui ongiong.

²Pwe sapwilim omui kanangan kasik katieu lel dong ia, o lim omui katoutou ia.

³Sota mau kot ni pali war ai pweki omui ongiong, o sota moleilei nan kokon ai kan pweki dip ai

⁴Pwe dip ai kin kadupaledi mong ai, re kin katoutou ia dueta meakot me toutou melel.

⁵Ai ola kan posuedela o nanan pweki ai pweipwei.

⁶I kin kos pena o pairok wei alialu, i kin insensued ansau karos,

⁷Pwe longelong ai mongedier melel, o sota mau kot ni pali war ai.

⁸Ngai luetalar melel o i wokiwok pasanger. I kin sangesang, pweki mongiong i sota kak moleilei.

⁹Maing, kom kotin mangi ai inong karos, o ai sangesang sota rir sang komui.

¹⁰Mongiong i rerer, ai kelail ko sanger re i, o marain en mas ai pil rotorotala.

¹¹Kompoke pai o ai warok kan kin doowei sang ia, o suedeki ai kalokolok, o sau i kan kin doo sang ia.

¹²O me kin inong iong kame ia la, kin masamasan ia, o me men wia sued ong ia, kin indinda duen ar pan wiada dodok sued, o re kin widiwiding ansau karos.

¹³A ngai dueta me salongepon amen, me sota rong wasa, o dueta me lotong, me sota kak sar pasang au a.

¹⁴Ngai dueta ol amen me solar rong wasa, o sota depuk en lokaia mi nan au ai.

¹⁵A i kin auiaui komui, Maing. Komui Maing ai Kot pan kotin sapeng ia.

¹⁶Pwe i men, ren der peren kin ia. Ma nä i pan krisedi, re pan peren kida melel.

¹⁷Pwe i koren iong pupedi, o ai kalokolok kin koren iong ia ansau karos.

¹⁸Pwe i weokada dip ai kan o suedeki dip ai.

¹⁹A ai imwintiti kan memaureta o irail me kelail; me kailong kin ia ni sota karepa me toto.

²⁰O me kin depukki ai me mau me sued, kin palian ia, pweki ai dadaurata me mau.

²¹Ieowa ai Kot, kom der muei sang ia o der doowei sang ia!

²²Kom kotin madang dong ia, Maing sauas pa i.

Old Public Domain Pohnpeian Bible
Tap a verse to copy, share, highlight or add a note. Dotted words link to encyclopedia articles.

22 verses in this psalm

38 / 150 psalms

The text is Old Public Domain Pohnpeian Bible(폰페이어) — From getbible.net (CrossWire SWORD module) · license: 공개 도메인 (Public Domain) Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

Psalms Psalm 38 Old Public Domain Pohnpeian Bible

More