Psalms Psalm 55 Old Public Domain Pohnpeian Bible

Poetry & wisdom · Psalms · Old Public Domain Pohnpeian Bible · 23 verses

Verse layout

Overview of this psalm About Psalms

📝 Overview of this psalm Flow, key verses and people

시편 55편은 가까운 친구에게 배신당한 사람이 원수의 압제와 죽음의 두려움 속에서 하나님께 부르짖고, 마침내 "네 짐을 여호와께 맡겨 버리라"는 신뢰 고백에 이르는 다윗의 탄식시이다.

Jump to verse

1 2 3 4 5 6 7 8 9 10 11 12 13 14 15 16 17 18 19 20 21 22 23

55Psalms · Old Public Domain Pohnpeian Bible

¹MAING Kot, kom kotin ereki ai kapakap, o kom der rirwei sang mon ai ngidingid.

²Kom kotin mangi ia o kotin sapeng ia. Pwe i kin sansalong sili o sangesangki,

³Pwe ngil en ai imwintiti kin kainsensued ia o me doo sang Kot akan kin pakipaki ia; pwe re kin men wia sued ong ia, o re kin kailong kin ia.

⁴Mongiong i masapwekada nan kaped i, o masak en mela lel ong ia.

⁵Masak o rerer lel dong ia; wapon kadupal ia di.

⁶I ap indada: O ma pa i kat dueta pa en muroi, pwen pirwei o mi ekis wasa.

⁷I ap pan pirla wasa doo, o kaukauson sap tan. Sela.

⁸I pan madanglang wasan moleilei mon melimel o katau.

⁹Maing Ieowa, kom kotin kawuk pasang lo arail, o kotin kasore ir ala, pwe i kilekilang, me toun kanim o kin weit o akamai pena.

¹⁰Mepukat kin wiaui ni ran o ni pong pon arail kel takai, o a dir en apwal o dodok kan.

¹¹Me sued akan kin kaunda kanim o; o tou a kan sota kin muei sang likam o kotaue.

¹²Ma ai imwintiti pan wia sued ong ia, i sota pan insenoki, o ma me kailong kin ia pan pei ong ia, i pan ruki sang mo a.

¹³A koe, ai warok, o kompole pa i o kis ai.

¹⁴Pwe kitail minimin penaer nan pung atail. Kitail wiaki eu nan pung en pokon nan tanpas en Kot.

¹⁵Mela en madang lel wong irail, pwe ren lokidokila nan wasan mela ni ar memaur; pwe im arail o lol arail me dir en morsued.

¹⁶A i pan likwir ong Kot, o Ieowa pan kotin sauasa ia.

¹⁷Nin sautik, o ni mansang, o nin sauas i pan sangesang o weriwer, a ap pan kotin mangi ngil ai.

¹⁸A pan kotin dorela ngen i sang ren me men palian ia, o pan kotin kamoleilei ia; pwe ir me toto, me u ong ia.

¹⁹Kot pan kotin ereki o kanamenok ir ala, pwe a kotikot eta sang tapin kaua. Sela. Pwe re sota pan wukila, o re sota masak Kot.

²⁰A saikidi sapwilim a popol akan, o a kawela a inau.

²¹Au a me kitentel sang wi, ap lamelame duen mauin, a lokaia me muterok sang le, ap rasong kodlas kong, me onopa dang pei.

²²Mueid ong Ieowa, me koe inong iong, a pan apwali uk ada, a sota pan kotin mueid ong me pung kan en wukiwuk sili.

²³Maing Kot, kom pan kotin kase ir long ong nan por lol en me sued o; me inong iong nta o likam kan sota pan lel ong apali en maur arail. A i pan kaporoporeki komui.

Old Public Domain Pohnpeian Bible
Tap a verse to copy, share, highlight or add a note. Dotted words link to encyclopedia articles.

23 verses in this psalm

55 / 150 psalms

The text is Old Public Domain Pohnpeian Bible(폰페이어) — From getbible.net (CrossWire SWORD module) · license: 공개 도메인 (Public Domain) Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

Psalms Psalm 55 Old Public Domain Pohnpeian Bible

Articles mentioning this psalm

More