Psalms Psalm 72 Old Public Domain Pohnpeian Bible

Poetry & wisdom · Psalms · Old Public Domain Pohnpeian Bible · 20 verses

Verse layout

Overview of this psalm About Psalms

📝 Overview of this psalm Flow, key verses and people

시편 72편은 하나님께 왕이 의와 공의로 다스리게 해 달라고 구하는 왕을 위한 기도시이다. 끝의 송영과 "다윗의 기도가 필하다"라는 맺음말로 시편 제2권(42~72편)을 마무리한다.

Jump to verse

1 2 3 4 5 6 7 8 9 10 11 12 13 14 15 16 17 18 19 20

72Psalms · Old Public Domain Pohnpeian Bible

¹MAING Kot, kom kotiki ong nanmarki en kapung, o kotiki ong nain nanmarki ol omui pung.

²Pwen kaunda sapwilim omui aramas akan nin tiak pung, o dorela sapwilim omui me luet akan.

³Nana kan en kare dong aramas akan popol o dol akan me pung.

⁴A pan sauasa pung en me luet ren aramas akan; a pan dorela nain me samama kan, o pan tiakedi me morsued o.

⁵Aramas pan masak komui sang eu kainok lel eu kainok, arain katipin o saunipong mia.

⁶A pan kotidi dueta katau ong mat kap, dueta katau me kawusokesok sap o.

⁷Me pung o pan memaurata ni a ran akan, o muei mau pan pwaida, lao saunipong solar mia.

⁸A pan kotin kaunda sang eu madau lel wong eu, o sang pilap o lel ni imwin sappa.

⁹Me kaukauson nan sap tan, pan dairukedi ong mo a, o a imwintiti kan pan kangala pwel par.

¹⁰Nanmarki en Tarsis o me mi nan dake kan, pan wa dong i ar kisakis; nanmarki en Arapia o Sepa pan wia nopwei.

¹¹Nanmarki kan karos pan kaudoki ong i, men liki kan karos pan upa ong i.

¹²Pwe a pan dorela me samama o, me kin weriwer, o me luet, me sota sauas pa.

¹³A pan kupura me tikitik o samama, o pan kotin sauasa ngen en me samama kan.

¹⁴A pan kotin dorela ngen arail sang ren me morsued o weit, o nt’ arail me kasampwal mon silang i.

¹⁵A pan ieiasata o kold sang wein Arapia pan wisik wong i, o aramas akan pan kapakapaki i ansau karos, a pan kapaida ni ansau karos.

¹⁶Wantuka kan pan pwaida mau nin sappa o pon nana kan, korn pan momand dueta Lipanon; o aramas akan pan wosada nan kanim akan dueta rä nan sap o.

¹⁷Mar a pan duedueta kokolata; arain katipin a pan mimieta, iduen warai en mar a, o re pan kapaikida i; men liki kan karos pan kapinga i.

¹⁸Kaping ong Kot Ieowa, Kot en Israel, i eta, me kin wiada manaman akan.

¹⁹O kaping ong mar a lingan kokolata, o sap karos en direki a wau! Amen, amen!

²⁰Iet imwilan kapakap en Dawid nain Isai.

Old Public Domain Pohnpeian Bible
Tap a verse to copy, share, highlight or add a note. Dotted words link to encyclopedia articles.

20 verses in this psalm

72 / 150 psalms

The text is Old Public Domain Pohnpeian Bible(폰페이어) — From getbible.net (CrossWire SWORD module) · license: 공개 도메인 (Public Domain) Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

Psalms Psalm 72 Old Public Domain Pohnpeian Bible

Articles mentioning this psalm

More