2James 2

1RI ai ko, komail poson atail Kaun Iesus Kriitus en lingan, der lipiliki aramas amen.Select James 2:1

2Pwe ma ol amen pan iang omail saraui, me kapwateki ring kold likau lingan, o pil samama amen, me a tuken likau o sakanekan pan pedelong,Select James 2:2

3A ma komail pan kilekilang me mi nan likau lingan, o komail pan indang i: Re kotido kaipokedi met, wasa mau, ap indang me samama: Koe en uda mo, de met impan utipa!Select James 2:3

4Iaduen komail lipilipil nan pung omail, o komail wiala saunkapung kan ni omail lamalam sued?Select James 2:4

5Ri ai kompok kan, komail rong! Kot sota kotin piladar me samama nan sappa et, me kapwapwaki poson, o me pan sosoki wei, me a kotin inauki ong irail, me pok ong i?Select James 2:5

6A komail mamaleki me samama o. Kaidin me kapwapwa kan kin wia sued ong komail o pangalang komail mol en kadeik kan?Select James 2:6

7Irail sota kin lalaue mar isou, me komail maranekier?Select James 2:7

8Ma komail kapwaiada kapung isou duen masan o: Koe en pok ong men imp om dueta pein uk, nan komail wia me mau.Select James 2:8

9A ma komail pan lipilipiliki aramas, komail kin wia dip, o kapung pan kadiarok ong komail, me komail me dipan.Select James 2:9

10Pwe meamen kapwaiada kapung pon, ap kawela kusoned eu, nan i me tiakedi karos.Select James 2:10

11Pwe me kotin masanier: Koe der kamal, i me pil masanier: Koe der kamela aramas! Ari, ma koe sota kamal, a ma koe kamela aramas, nan koe me tiakedier kapung o.Select James 2:11

12Komail ari lokaia o wiawia duen irail, me pan pakadeikada ren kapung en kamaio.Select James 2:12

13A me sota kin kadek, pan lodi ong kadeik apwal, a me kadek, kin suaiki kadeik o.Select James 2:13

14Ri ai ko, da katepan aramas amen, me pan inda, me a poson mia, ap sota a wiawia mau kan? Iaduen poson pan kak dorela i?Select James 2:14

15Ma ri atail ol de li amen mia, me solar a likau, o solar kan ar kisin manga kaukaule,Select James 2:15

16A ma amen komail pan indang i: Kola popol rangerang o mangamanga! Ap sota, me komail pan ki ong i, me mau ong pali war a, da katepa?Select James 2:16

17Iduen poson, ma a kelep o sota wiawia iang, nan a melar.Select James 2:17

18A ele amen pan inda: Om poson mia, a ai wiawia kan mia; kasale ong ia om poson, me sota wiawia kan mia, a ngai pan kasale ong uk ai poson ni ai wiawia kan.Select James 2:18

19Koe kamelele me Kot me ta men mia, me mau, nan tewil akan pil kin kamelele ap masakada.Select James 2:19

20A koe aramas aklapalap, ma koe men dedeki, me poson me mal kot, ma sota wiawia kan iang?Select James 2:20

21Iaduen sam atail Apraam? A sota pung kila a wiawia kan, ni a pan mairongki sapwilim a kisin putak Isaak pon pei saraui?Select James 2:21

22I me koe kilang, me poson sauasa a wiawia kan, o poson unsok kilar a wiawia kan.Select James 2:22

23Ari masan o pwaidar: Apraam poson Kot, o i me a pung kilar o a maraneki: Kompoke pan Kot.Select James 2:23

24Komail ari kilanger, me aramas amen pan pung kila a wiawia kan a kaidin poson ta.Select James 2:24

25Pil dueta Raap, li sued amen, kaidin a wiawia kan, me a pung kilar, ni a kasamo men en kadar, o kadar ir ala ni apot al toror?Select James 2:25

26Pwe duen pali war mela, ma sota ngen, iduen poson a mela, ma sota wiawia kan iang.Select James 2:26