5James 5

1A KOMAIL kapwapwa kan, sangesangki o weriwereki, kampamail pan lel ong komail!Select James 5:1

2Omail kapwa kan olar, o man en mot kangalar omail likau kan.Select James 5:2

3Omail kold o silper mirelar, ari, ar mir me pan kadede ong komail, o pan ngar pasang uduk omail due kisiniai. Nan komail nakier kapwa ni imwin ran akan.Select James 5:3

4Komail ngar, pwain en toun dodok, me kop penaer dipisou en sap omail, me komail kulia sanger, kin weriwer; o likwir en saundolung akan lel ong karonga en Kaun Sepaot.Select James 5:4

5Komail ipuepuarok kier me sued nin sappa, dender ong, komail kamue matier mongiong omail rasong man wi, me pan kamela.Select James 5:5

6Komail kadeikada o kamela me pung o, a a sota palian komail er.Select James 5:6

7Ari ri ai ko, komail kanongama lao lel en atail Kaun a pan kotin pwarado. Kilang, saumat amen kin auiaui wa mau en sap o, o a kin kanongama lao katau en mas o mur moredier.Select James 5:7

8Komail ari pil kanongama eta, katenge mongiong omail, pwe en atail Kaun a pwarado me korendor.Select James 5:8

9Ri ai ko, komail der pilipil en pan moli ki amen amen, pwe komail ender pakadeikada. Kilang, saunkadeik o mi pan wanim.Select James 5:9

10Ri ai ko, ni omail kalokolok o kanongama komail alale sang saukop akan, me kokopeki ni mar en Kaun o.Select James 5:10

11Kilang, kitail kin kapinga me dadauratar. Komail ronger duen kanongama en Iop, o kilanger imwin Kaun O, pwe Kaun o kin kupukupura o kapunglol kaualap.Select James 5:11

12Ri ai ko, komail kalaka, pwe komail der kaula; der kaukila lang de sappa, o der wia eu song en kaula; a omail sapeng en ei ta, o omail so en so, pwe komail de lodi ong kadeik o.Select James 5:12

13Ma amen re omail kamekam, a en kapakap, a ma amen insenemau, a en kauleki psalm.Select James 5:13

14Ma amen mi re omail me somau, en ukado saunkoa en momodisou kan, pwe irail en kapakapa kin i, murin ar keie kin i le ni mar en Kaun o.Select James 5:14

15Ari, kapakap poson pan kamaureda me somau o, o Kaun o pan kakelada i, o ma a wiaer dip kai, re pan sapedokalar sang.Select James 5:15

16I me komail en weok pena dip omail o kapakapaki amen amen, pwe komail en kelail la. Kapakap melel en me pung amen kin kareda me toto.Select James 5:16

17Elias aramas amen dueta kitail, a kapakapaki katau ender moredi, ari solar katau moredi ong sappa ni par silu o saunipong wonu.Select James 5:17

18O a kotin pur ong kapakap, nanlang ap kamoredier katau, o sap kapareda wa kan.Select James 5:18

19Ri ai ko, meamen mi re omail, me salongala ni melel, o amen kasapaledo i,Select James 5:19

20I en asa, me kasapaledo me dipan amen sang ni a salongala, a kamaureda sang mela ngen eu, me a pan pwain kidi dip toto.Select James 5:20