Skip to content
Church.wiki

Ephesians Chapter 5 Old Public Domain Pohnpeian Bible

Pauline epistles · Ephesians · Old Public Domain Pohnpeian Bible · 33 verses

Verse layout
Overview of this chapterAbout Ephesians
📝 Overview of this chapter Flow, key verses and people

에베소서 5장은 하나님을 본받아 사랑과 빛 가운데 살라는 권면, 성령 충만과 감사의 삶, 그리고 그리스도와 교회의 관계에 빗대어 아내와 남편의 관계를 다루는 장이다.

Jump to verse

123456789101112131415161718192021222324252627282930313233
5Ephesians · Old Public Domain Pohnpeian Bible
1KOMAIL kaalemongi Kot dueta seri kompok kan.
2O kekeid ni limpok dueta Kristus, me kotin, pok ong kitail, ap kotin sokonpaude kin kitail, pwen wiala kisakis o mairong eu, me kin pomau ong Kot.
3A nenek, o song en saut karos, o norok kapwa ender man pwaida re omail, duen me kon ong saraui kan.
4Pil der lokaia sued, o kaman, o lokaia mal, me sota kon ong, a iet: Komail en danke.
5Mepukat komail en asa o dedeki, me sota me nenek, de samin, de me norok kapwa, me pongi ani tikitik, pan kak sosoki wein Kristus o Kot. Notes
6Sota amen en kotau ki komail lokaia mal, pwe mepukat kin kareda ongiong en Kot ong seri sopeik kan.
7Komail ender kis arail.
8Pwe mas o komail me rotorot, a met komail marainlar ren Kaun o; weweid wei duen seri en marain akan.
9Pwe wan marain mepukat: Kamau, o pung o melel.
10O kasauiada, me kin kaperenda kupur en Kaun o.
11O der waroki ong wiawia sued en me rotorot akan, a mak eta, en kapung ong irail.
12Pwe me re kin wiada wasa rir, me sued o sota mau ong, en inda.
13A karos me pan kasansaleda, pan kadiarok kida marain, pwe marain kin kasansaleda meakaros.
14I me a kotin masani: Pirida koe me mamair, o paurida sang ren me melar akan, a Kristus pan kamarain uk ada.
15Kalaka, pwe komail en keid ineneweita, kaidin duen me lolepon a duen me lolekong kan.
16Audaud ansau mau, pweki ran akan me sued.
17Komail ari ender lamponla, a en lolekong, pwe i duen kupur en Kaun.
18Ender kamom wain, pwe a kin kareda tiak sued, a komail en direki Ngen. Notes
19O sauas pena ki psalm, o kaul en kaping, o kaul ngenin; komail kaul o kasang ong Kaun o nan mongiong omail. Notes
20Danke kaukaule Kot o Sam ni mar en atail Kaun Iesus Kristus.
21O papa komail pena amen amen ni masak dol en Kristus. Notes
22Komail li akan, udi ong pein omail warok kan dueta ong Kaun. Notes
23Pwe ol o me tapwin a paud, dueta Kristus me tapwin momodisou, o i me Saunkamaur pan war a.
24A duen momodisou kin udi ong Kristus, iduen li akan en udi ong ar warok kan ni meakaros.
25Komail ol akan pok ong pein omail warok kan, dueta Kristus kotin pok ong momodisou o kotiki dong i pein i.
26Pwen kasarauiala i, o kamakelekeleda i ki pil o, iei a masan.
27Pwen kasansale dong pein i momodisou lingan, me sota topala o omrok ape, a me saraui o so kaopa kot.
28Nan iduen ol akan en pok ong ar warok kan dueta pein war arail akan. Me kin pok ong a warok, kin pok ong pein i.
29Sota amen kin suedeki pein uduk a; pwe a kin kamanga o kanainai eta, dueta Kristus kin kotin apwali momodisou.
30Pwe kitail me kasang en war a, o uduk a, o a kokon akan.
31I me aramas o pan muei sang sam a o in a, ap muei ong a paud, ira ari pan uduk ta ieu la. Notes
32Meid kaponepon lapalap eu; a ngai kaparokki duen Kristus a warokeki ong momodisou.
33Pil dueta komail, amen amen komail en pok ong a warok dueta pein i, a li o en kakaki a warok.

Old Public Domain Pohnpeian Bible
Tap a verse to copy, share, highlight or add a note. Dotted words link to encyclopedia articles.

33 verses in this chapter
5 / 6 chapters

The text is Old Public Domain Pohnpeian Bible(폰페이어) — From getbible.net (CrossWire SWORD module) · license: 공개 도메인 (Public Domain) Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

Verse commentaries for this chapter 6

Articles mentioning this chapter

More