2Revelation 2

1INTING wong tounlang en momodisou en Episus: Iet masan en i, me kolekoleta ni lim a pali maun usu isu, o me kin weweid nan pung en lamp kold isu.Select Revelation 2:1

2I asa om wiawia kan, o om dodok, o om dadaurata, o duen om sota kin mauki me sued akan, o koe kasaui ir adar, me akawanporon, a me so, ap diar ir ada me likam.Select Revelation 2:2

3O koe kin kanongama ong o kadokeki mar ai, ap sota pangadar.Select Revelation 2:3

4A iet me I suedeki re om: Koe muei sanger tapin om limpok.Select Revelation 2:4

5Koe ari tamanda, me koe pupe wei sanger, o kalula, o kapwaiada wiawia en mas o; a ma so, I pan ko dong uk, kasau wei sang om lamp sang ni deu a, ma koe sota kalula.Select Revelation 2:5

6A iet me koe kin wia, koe kin suedeki wiawia en nain Nikolaus akan, me I pil kin suedeki.Select Revelation 2:6

7Me salong a mia, i en rong, me Ngen o masani ong momodisou kan! Me dadaurata, I pan ki ong i, en tungole sang tuka en kamaur, me mi nan paradis en Kot.Select Revelation 2:7

8Inting wong tounlang en momodisou en Smirna: Iet masan en men mas o men mur, me melar ap mauredar.Select Revelation 2:8

9I asa om kamekam, o om samama ari so, koe me kapwapwa, o lalaue en ir, me kin inda, dene irail men Sus, a kaidin irail men Sus, pwe pwin en Satan eu.Select Revelation 2:9

10Koe der masak, me koe pan kalokolokki. Kilang, tewil o pan kaselong ong nan imateng akai komail, pwe komail en kasongesong, o komail pan kalokolok ran eisok. Dadaurata lel mela. I ap pan ki ong uk mar en maur soutuk.Select Revelation 2:10

11Me salong a mia, i en rong, me Ngen o masani ong momodisou kan! Me dadaurata, sota pan kamekam kila mela kariau.Select Revelation 2:11

12Inting wong tounlang en momodisou en Perkamus: Iet masan en me na kodlas kong o au riau mia:Select Revelation 2:12

13I asa, wasa koe kauson ia, ni wasan mol en Satan, o koe kin podidi ong mar ai, o koe sota kamama kida om poson ia pil so ni ran oko, me Antipas, ai saunkadede melel men, kamekamelar nan pung omail, wasa Satan kin kauson ia.Select Revelation 2:13

14A ekis tikitik ta, me I suedeki re om: Akai mi re om, me kin apwali lamalam en Pileam, me padaki ong Palak, en kasedi ong mon kadaudok en Israel kasapung par, ren tungole kisin man, me olu onger dikedik en ani kan, o ren nenek.Select Revelation 2:14

15O pil akai mi re om, me pil apwali lamalam en nain Nikolaus akan.Select Revelation 2:15

16Ari, kalula! A ma so, I pan madang wong uk o pepei ong irail ki kodlas en au ai.Select Revelation 2:16

17Me salong a mia, i en rong, me Ngen o masani ong momodisou kan! Me dadaurata, I pan ki ong i mana sosansal, o I pan ki ong i takai puetepuet eu o nan takai mar kap intingidier, sota amen me dedeki, i eta, me pan ale.Select Revelation 2:17

18Inting wong tounlang en momodisou en Tiatira: Iet masan en me Sapwilim en Kot, me silang i rasong umpul en kisiniai o aluwilu a rasong pras lingan.Select Revelation 2:18

19I asa om wiawia kan, o om limpok, o om poson, o om papa, o om kanongama, o duen om wiawia men mur, me toto sang men mas.Select Revelation 2:19

20A iet me I suedeki re om: Koe kin mueid ong li Isepel, me kin inda duen pein i, dene i saukop amen, me kin padaki o kotaue nai ladu kan, ren nenek, o ren tungole, me olu ong dikedik en ani.Select Revelation 2:20

21O I ki ong i er ansau en kalula, a a kang kalukila a nenek.Select Revelation 2:21

22Kilang, I pan kasedi i nan los, o irail me kin kamal re a, nan kamekam lapalap, ma re sota pan kalukila wiawia en Isepel akan.Select Revelation 2:22

23O I pan kamekila na seri kan kamekam eu. Ari, momodisou karos pan asaki, me ngai i, me kin irerong nan mudilik o mongiong kan, o I pan ki ong amen amen komail iran omail wiawia kan.Select Revelation 2:23

24A I indai ong komail tei kan, me mi Tiatira, karos me sota apwali lamalam wet, me so dedeki widing en Satan, duen ar lokaia. I sota pan ki ong komail eu katoutou pa ’mail.Select Revelation 2:24

25A me mi re omail, kolekoleta, I lao pwarado.Select Revelation 2:25

26O me dadaurata o me kanekid ai wiawia kan lel imwi, i me I pan kasapwilada pon wei kan.Select Revelation 2:26

27A pan kaun kida ir sokon mata, due dal en saupal kin ola kaualap, o due I pil aleer mana sang ren Sam ai,Select Revelation 2:27

28I ap pan ki ong i usu ran.Select Revelation 2:28

29Me salong a mia, i en rong me Ngen o masani ong momodisou kan!Select Revelation 2:29