1John 1

1MASAN kotier ni tapi o, a masan kotier ren Kot, a masan me udan Kot.Select John 1:1

2I me kotikot ren Kot ni tapi o.Select John 1:2

3I me dipisou karos tapi kidar, o sota man meakot mia, me kaidin i kotin wiadar.Select John 1:3

4Maur mi re a; o iei maur o marain en aramas.Select John 1:4

5A marain o me dakarada rotorot, a rotorot sota lingan kila.Select John 1:5

6Aramas amen me pakadarador sang ren Kot ad a Ioanes!Select John 1:6

7I me pwara dong kadede, pwen kadede marain o pwe karos en poson pweki i.Select John 1:7

8Kaidin i me marain o, a a kin kadede marain o.Select John 1:8

9Iei marain melel, me pwara dong sappa, ap kamaraini aramas karos.Select John 1:9

10I me kotier sappa, o i me sappa tapi kidar, a sappa sasa i.Select John 1:10

11A koti dong udan sapwilim a, a sapwilim a kan me san i.Select John 1:11

12Karos, me kasamo i, a kotiki ong ir manaman, en wiala seri en Kot, ir, me poson mar a,Select John 1:12

13Me kaidin ipwidi sang nta, de inong en uduk, de inong en ol o, pwe ipwidier sang ren Kot.Select John 1:13

14Masan me wia uduk ala o kotikot re atail, o kitail kilanger a lingan, lingan dueta lingan en Ieros eu sang ren Sam o, me dir en mak melel.Select John 1:14

15Ioanes me kadede i ngil laudeda indada: Iei i, me i padaki wei: Me pan kotido mur i, iei me mier mo i, pwe a kotikotier mo i.Select John 1:15

16Pwe kitail karos ale sang nan audepa a mak sapan potopot.Select John 1:16

17Pwe kapung me kokido sang Moses, a mak o melel sang Iesus Kristus.Select John 1:17

18Sota me kilanger Kot kokodo, Ol ieros ta, me kin kotikot pan kupur en Sam o, i me kotin kasaledar i.Select John 1:18

19A met en Ioanes a kadede, ni men Sus kadarala sang Ierusalem samero o lepit oko, pwen idok re a: Is koe?Select John 1:19

20I ari kotin kadede; a sota likam; a kotin kadede: Kaidin Kristus ngai.Select John 1:20

21Irail idok re a: A is? Elias komui? A masani: Kaidin ngai i. Komui saukop o? A sapeng: Kaidin.Select John 1:21

22Irail ap indang i: A is komui? Pwe sen sapeng irail me kadar kit dor. Da me komui kadedeki pein komui?Select John 1:22

23A masani: Ngai ngil eu, me likelikwir sili nan sap tan: Kaineneda al en Kaun o, duen saukop Iesaia masanier!Select John 1:23

24A irail pakadaradoer sang ren Parisär akan.Select John 1:24

25Irail ap idok re a indada: Da me komui wia paptaisiki, ma komui kaidin Kristus, o kaidin Elias, o pil kaidin saukop o?Select John 1:25

26Ioanes sapeng irail masani: Ngai me paptaisiki pil, a amen kin kotikot nan pung omail, me komail sasa.Select John 1:26

27Iei i me kotido mur i, me ngai sowar ong, en lapwada sal en sapwilim a sut.Select John 1:27

28Mepukat wiauier Petapara palilan Iordan, wasa Ioanes kin wia paptais ia.Select John 1:28

29Mandan ran o a masani Iesus a koti dong i ap masani: Kilang Sippul en Kot, me kin wawei dip en sappa!Select John 1:29

30Iei i, me i padaki wei: Ol amen pan kotido mur i iei, me mier mo i, pwe a kotikotier mo i.Select John 1:30

31A ngai so asa i, a pwe i en sansal dong Israel, iei me i kokido paptaisiki pil.Select John 1:31

32A Ioanes kadede masani: I kilanger Ngen o kotidido sang nanlang ni mom en muroi kotikot re a.Select John 1:32

33A ngai so asa i, a me porone ia don wia paptaisiki pil, iei me kotin masani ong ia: Me koe pan kilang. Ngen piridi sok poa, o kotikoteta re a, iei i, me kin wia paptaisiki Ngen saraui.Select John 1:33

34A i kilangadar ap kadedeki, me iei Sapwilim en Kot.Select John 1:34

35Mandan ran o Ioanes pil kotida wasa o, o na tounpadak riamen iang i.Select John 1:35

36A ni a udial Iesus kotikot kokodo, ap masani: Kilang Sippul en Kot!Select John 1:36

37A tounpadak riamen rongadar a masan, ap idauen wei Iesus.Select John 1:37

38Iesus ap kotin saupeido masani ara idedauen, ap kotin masani ong ira: Da me koma rapaki? Ira potoan ong: Rapi (iet wewe: Saunpadak), ia wasa re kin kotikot ia?Select John 1:38

39A kotin masani ong ira: Kodo kilang! Ira ap poto dong kilanger wasa, me a kotikot ia, ap mimieta re a ni ran o. Mepukat wiauier impan auer kaeisok.Select John 1:39

40Andreas, ri en Simon Petrus amen re ra, me rongadar sang ren Ioanes ap idedauen i.Select John 1:40

41I me diaradar mas udan ri a Simon, indai ong i: Se diaradar Mesias (iet wewe: Kristus).Select John 1:41

42I ap kalualang i ren Iesus. A Iesus lao masani i, ap masani: Simon, koe nain Iona, koe nok adaneki Kepas (iet wewe: Paip).Select John 1:42

43Mandan ran o a pan kotilang Kaliläa, Iesus ap kotin diaradar Pilipus, masani ong i: Idauen ia do!Select John 1:43

44Pilipus men Petsaida, kanim en Andreas o Petrus.Select John 1:44

45Pilipus diaradar Natanael, ap indang i: Se diaradar i, duen me Moses intingiedier nan puk en kapung o saukop akan: Iesus men Nasaret, sapwilim en Iosep.Select John 1:45

46A Natanael indai ong i: Pala maukot pan kak pwarada sang Nasaret? Pilipus indang i: Kodo kilang!Select John 1:46

47Iesus kotin masani Natanael koko dong i, ap masani duen i: Kilang, ol melel en Israel amen, me sota kin widing.Select John 1:47

48Natanael potoan ong i: Re kotin mangi ia sang ia? Iesus kotin sapeng masani ong i: Mon Pilipus a eker uk edo, ni om mod pan tuka pik o, I kilang uk ada.Select John 1:48

49Natanael sapeng potoan ong i: Rapi, ir me Sapwilim en Kot, ir me Nanmarki en Israel.Select John 1:49

50Iesus kotin sapeng masani ong i: Pweki I indai ong uk, me I kilang uk ada pan tuka pik o, iei me koe posonki, a koe nok kilang me lapa sang mepukat.Select John 1:50

51A kotin masani ong i: Melel, melel I indai ong komail, sang met komail pan kilang nanlang a ritida o tounlang en Kot akan dauda o daudi pwarado ren Nain aramas.Select John 1:51