12John 12

1PONG wonu pong mon pasa Iesus kotilang Petanien, wasa Lasarus me melar, kauson ia, me Iesus kotin kamauredar sang ren me melar akan.Select John 12:1

2Irail ari kaonopada konot, pwe a en kotin kasipong re ’rail; Marta papa, a Lasarus amen irail me iang I kotikot ni tepel.Select John 12:2

3Maria ap wado paun en men kei eu, udan pil en narde, me kasampwalia, keiedi ong ni aluwilu en Iesus o limwieki a pwilipeipei aluwilu a; a im o me dir kila po en men kei.Select John 12:3

4Iudas Iskariot, amen ren sapwilim a tounpadak kan, nain Simon, me pan pangala i, ap indada:Select John 12:4

5Da men kei wet sota netilar, kareda denar silepuki, ap nek ong samama kan?Select John 12:5

6Kaidik a pok ong me samama kan, me a idokki met, a pweki lipirap amen i, o saunkanikid en moni, wewa moni, me aramas kidar.Select John 12:6

7Iesus ap kotin masani: Der mokidi ong i! Pwe a kaonopadang ran en ai pan saredi.Select John 12:7

8Pwe me samma kan kin potopot re omail, a ngai sota sota kin potopot re omail.Select John 12:8

9Sus oko me toto ari asaer, me a kot wasa o, irail ari kodo pweki Iesus o pil, pwen kilang Lasarus, me a kotin kamauredar sang ren me melar akan.Select John 12:9

10Samero lapalap akan pil raparapaki, en pil kamela Lasarus.Select John 12:10

11Pwe Sus oko toto kola o poson Iesus pweki i.Select John 12:11

12Mandan ran o aramas toto, me toun iang kamadip o, lao rong, me Iesus pan kotilang Ierusalem,Select John 12:12

13Ap paledi ran tuka kan o koieila tu ong i, ngisingisida: Osiana! Meid iasanai me kotido ni mar en Kaun o Nanmarki en Israel!Select John 12:13

14A Iesus lao kotin masani esel pul amen, ap kaipokedi poa, duen a intingidier:Select John 12:14

15Der masak nain Sion seripein! Kilang om Nanmarki kotido, kaipokedi pon nain esel amen.Select John 12:15

16A sapwilim a tounpadak kan sota madang weweki mepukat. A Iesus lao linganlar, irail ap tamanda mepukat, me indingidier duen i, o me ir wiai ong i mepukat.Select John 12:16

17A pokon o, me iang i ni a kotin molipei Lasarus sang nan sousou o, ni a kotin kamauredar i sang ren me melar akan, kadede i!Select John 12:17

18Iei me aramas kokiieilang i, pwe irail rongadar, me a kotin wiadar kilel wet.Select John 12:18

19Parisär oko ap indada nan pung ar: Komail kilang, me komail sota kak wia meakot. Kilang, toun sap akan idauenla i.Select John 12:19

20Akai men Krik iang irail, me koda dong kamadip o, pwen kaudok.Select John 12:20

21Mepukat ko dong Pilipus, men Petsaida en Kaliläa, poeki re a indada: Maing, se men udial Iesus.Select John 12:21

22Pilipus ap kodo kaireki Andreas, a Andreas o Pilipus kaireki Iesus.Select John 12:22

23A Iesus kotin sapeng irail masani: Ansau leler, me Nain aramas pan kalinganla.Select John 12:23

24Melel, melel I indai ong komail, ma wan korn so moredi ong nan pwel o mela, a pan kelepata, a ma a pan mela, a pan kaparapar wa toto.Select John 12:24

25Me pokepoke maur i, pan salongala; a me tounmeteki maur i pali pa, pan diarada maur soutuk.Select John 12:25

26Meamen papa ia, i en idauen ia! A wasa I mi ia, i wasa me papa ia, pan pil mi ia. Ma meamen papa ia, i me Sam o pan kasapwilada.Select John 12:26

27I ap lol olar, a da me I en inda? Sam kamaio wei sang ia ansau wet, ari so, i me I koki dong ansau wet.Select John 12:27

28Sam, kalinganada mar omui! Ngil eu ap peidido sang nanlang indada: I kalinganadaer, o I pan pil kalinganada.Select John 12:28

29A aramas akan me u sili me rongadar, indada: A nansapwe. A akai indada: Tounlang amen me kasoia ong i.Select John 12:29

30Iesus kotin sapeng masani: Kaidik pweki ngai, me ngil wet wiauikier a pweki komail.Select John 12:30

31Met ansau en kadeik en sappa wet. Met kaun en sappa et pan lokidokila.Select John 12:31

32A ngai lao langada sang sappa, I pan kainonga dong ia karos.Select John 12:32

33I me a kotin kokop kidar duen a pan kamatala.Select John 12:33

34Aramas akan sapeng i: Se rongadar sang nan kapung o, me Kristus pan potopoteta, a iaduen, kom kasoiada, me Nain aramas en kakauda. Is Nain aramas men et?Select John 12:34

35Iesus ap kotin masani ong irail: Marain mi re omail ansau kis. Weweid, ni ansau marain mi re omail, pwe rotorot ender kono komail edi. Pwe me kin weweid nan rotorot, kin sasa wasa, me a ko ong ia.Select John 12:35

36Poson marain, ni a mimi re omail, pwe komail en seri en marainla. Iesus kotin masani mepukat, ap kotila karukila pein i sang irail.Select John 12:36

37A i me kotin wiadar kilel toto mo ’rail, ari so, irail sota poson i,Select John 12:37

38Pwe kokop en saukop Iesaia en pwaida, me a masani: Kaun o, is me poson at kasoi? O is me lim en Kaun kasansal ong?Select John 12:38

39Irail ari sota kak poson, pwe Iesaia pil katitiki:Select John 12:39

40A kotin karotongala mas arail o kakekaluakala mongiong arail, pwe ren so kilangki mas arail, o asaki mongiong arail, o wukila, o I en kakel ir ada.Select John 12:40

41Mepukat Iesaia masanier, ni a kilanger a lingan o katitiki i.Select John 12:41

42Ari ren saumas lapalap me toto, me poson i, a pweki Parisär akan re sota ponasa i, pwe ren der lokidokila sang nan sinakoke.Select John 12:42

43Pwe re mauki konekon ren aramas akan mon konekon ren Kot.Select John 12:43

44Iesus kotin kapitie laudeda masani: Me poson ia, kaidin ngai, me a kin poson, a me kadar ia dor.Select John 12:44

45A me kilang ia, a pil kilang, me kadar ia dor.Select John 12:45

46I kodon kamaraini sappa, pwe amen amen me poson ia, ender mimieta nan rotorot.Select John 12:46

47A ma meamen rong ai padak kan, ap sota apapwali, I sota kin kadeikada i, pwe I sota kodon kadeikada sappa, a pwen kamaurida sappa.Select John 12:47

48Me kase ia la o so oke ai padak kan, nan kadeikapa mia: Ai padak, me I kida, i me pan kadeikada i ni ran nik o.Select John 12:48

49Pwe I sota padaki wei sang pein ngai. A Sam, me kadar ia dor, i me ki ong ia er kusoned eu, me I en inda o padakieki.Select John 12:49

50O I asa, maur soutuk a kusoned o. Ari, karos me I padaki wei, I kin padaki duen Sam masani ong ia.Select John 12:50