13John 13

1MON kamadip en pasa Iesus lao kotin mangier, me ansaun a pan kotila sang sappa, kotila ren Sam a korendor, duen a kotin kupuramauki sapwilim a kan, me mi sappa, iduen a kotin kupura irail lel imwi,Select John 13:1

2Ni ar kotin kasipong ansau me tewil ki ong er nan mongiong en Iudas Iskariot nain Simon, en pangala i.Select John 13:2

3Iesus lao kotin mangier, me Sam kotiki onger ni lim a kan meakaros, o me a kotido sang ren Kot, o me a pan kotila ren Kot,Select John 13:3

4Ap kotida sang ni kasipong, kotikidi sapwilim a likau en liki ap ale dauel eu pirakidi pein i,Select John 13:4

5A wutoki pil nan dal, ap pikikidi widen nä en sapwilim a tounpadak kan, o limwieki dauel, me a piraki pena.Select John 13:5

6A lao kotin lel Simon Petrus, a ap potoan ong i: Maing, re pan kotin widen nä i kat?Select John 13:6

7Iesus kotin sapeng masani ong i: Koe kin sasa, me I wia metet, a mur koe pan asala.Select John 13:7

8Petrus potoan ong i: Re sota pan kotin widen nä i kat kokolata. Iesus kotin sapeng i: Ma I sota widen uk, nan sota pwais om re i.Select John 13:8

9Simon Petrus ap potoan ong i: Maing, kaidin nä eta, a pil pa o mong ai!Select John 13:9

10Iesus kotin masani ong i: Me duduer, solar mau ong omiom o opinok, pwe a makelekeler, a nä eta, me pan wideut; komail me makelekel, a kaidin karos.Select John 13:10

11Pwe a kotin mangi, me pan pangala i; i me a kotin masanieki: Kaidin komail karos me makelelkel.Select John 13:11

12A lao kotin widener nä ar akan, a kotin pur ong sapwilim a likau en liki. A pil kaipokedi ni tepel masani ong irail: Komail asaer me I wiai ong komail er?Select John 13:12

13Komail kin adane kin ia Saunpadak o Kaun, ari me pung, pwe iei ngai.Select John 13:13

14Ari, ma ngai, Kaun o Saunpadak widen nä omail, komail ari pil widen nä omail pena.Select John 13:14

15Pwe I ki ong komail er sansal mau eu, pwe komail en kaalemongi ia, o wia, duen I wiai ong komail.Select John 13:15

16Melel, melel I indai ong komail, ladu me sota laude sang a saumas, de me pakadarado me sota laude sang me kadarado i.Select John 13:16

17Ma komail asa mepukat, komail meid pai, ma komail wiada.Select John 13:17

18Kaidin komail karos, me I indinda. I asa, me I piladar. A pwe kisin likau en pwaida: Me iang ia kangkang prot, kin tiaki ia di.Select John 13:18

19Ansau wet I indai ong komail mepukat mon a pan wiaui, pwe a lao wiaui, komail en poson, me ngai i.Select John 13:19

20Melel, melel I indai ong komail, meamen me kasamo, me I kadar wei, kin kasamo ia, a me kin kasamo ia, kin kasamo, me kadar ia do.Select John 13:20

21Iesus lao kotin masani wei mepukat, ap kupurola kadede masani: Melel, melel I indai ong komail, amen komail pan pang ia la.Select John 13:21

22Sapwilim a tounpadak kan ap soupei pena o sasa, is i, me a kotin masanieki.Select John 13:22

23A amen sapwilim a tounpadak kan, me Iesus kotin kupura mauki, momod ni tepel impan Iesus.Select John 13:23

24Simon Petrus ap olol ong i, en idok, is i me a kotin masani.Select John 13:24

25I ap kai ong pan kupur en Iesus potoan ong i: Maing, is i?Select John 13:25

26Iesus kotin sapeng: Iei i, me I pan ki ong kisin prot i lao kaduedier nan dal o. A lao kotin kaduedier kisin prot o, a kotiki ong Iudas Iskariot nain Simon.Select John 13:26

27A lao tungole kisin prot o, Satan ap tilong lole. Iesus ap kotin masani ong i: Wiada madang, me koe pan wiada!Select John 13:27

28A sota, ren me momod ni tepel, asa, da me a kotin masanieki ong i met.Select John 13:28

29Pwe akai kiki ong, me Iesus kotin masani ong i: Netie dong kitail kapwa en kamadip o, de a en ki ong me samama ko meakot, pwe a kin wewa ed en moni.Select John 13:29

30A lao tungoler kisin prot, ap madang pedoi wei, a wasa pongier.Select John 13:30

31A lao pedoi sanger, Iesus ap kotin masani: Nain aramas ari linganlar, o Kot me lingana kilar i.Select John 13:31

32Ma Kot lingan kilar i, Kot ap pan pil kalinganaki pein i. A pan madang kalinganada i.Select John 13:32

33Seri ko, I pan ieiang komail ansau kis, komail pan rapa kin ia, a duen I indai ong Sus akan: Wasa me I pan kola ia, komail sota pan kak ong. Iei duen I pil indai ong komail ansau wet.Select John 13:33

34I ki ong komail kusoned kap eu, pwe komail en poke pena, duen I pok ong komail er, iei duen komail en poke pena!Select John 13:34

35Pwe i me karos pan asaki, me komail ai tounpadak kan, ma komail limpok pena.Select John 13:35

36Simon Petrus potoan ong i: Maing, re pan kotila ia? Iesus kotin sapeng i: Wasa me I pan kola ia, koe sota kak idauen ia ansau wet, a koe pan idauen ia eu ran.Select John 13:36

37Petrus potoan ong i: Maing, da me i so kak idauen ir ki met? I pan kasela maur i pweki komui.Select John 13:37

38Iesus kotin masani ong i: Koe pan kasela maur om pweki ngai? Melel, melel I indai ong uk, mon malek pan kakorot, koe pan kamam kin ia pan me sili pak.Select John 13:38