14John 14

1MONGIONG omail der padau! Komail kin poson Kot; en pil poson ia!Select John 14:1

2Nan tanpas en Sam ai pera toto mia. Ma so I pan indai ong komail. Pwe I kokolan kaonopada deu ’mail,Select John 14:2

3Ma I kola kaonopada deu ’mail, I pan puredo, uk komail dong ia. Pwe wasa I kin mi ia, komail en pil mi ia.Select John 14:3

4A komail asa, wasa I kola ia, o komail asa al o.Select John 14:4

5Tomas potoan ong i: Maing, se sasa, wasa re pan kotila ia, o pala se pan asa al o?Select John 14:5

6Iesus kotin masani ong i: Ngai me al, o melel, o maur, sota me kak kodong Sam, ma so ngai.Select John 14:6

7Ma komail asa ia er, komail pil asa Sam ai. A komail asa i sang ansau wet kokolata o kilangadar i.Select John 14:7

8Pilipus potoan ong i: Maing, kotin kasale dong kit Sam, kit ap pan nenenla!Select John 14:8

9Iesus kotin masani ong i: Pilipus, I ieiang komail er ansau warai, a koe so wewe kin ia? Me kilang ia er i me kilangadar Sam. A iaduen om indada: Kasale ong kit Sam?Select John 14:9

10Koe so kamelele, me ngai podidi ong Sam o Sam podidi ong ia? A padak kan, me I ki ong komail, kaidin pein ai, a en Sam, me mi re i, i me kin wiawia dodok pukat.Select John 14:10

11Kamelele ia, ngai podidi ong Sam, o Sam kin podidi ong ia; a ma so, komail kamelele ia pweki ai wiawia kan.Select John 14:11

12Melel, melel I indai ong komail, meamen poson ia, a pil pan wiawia dodok kan me I kin wiawia, o a pan wiada, me lapa sang mepukat, pweki I kokola ren Sam.Select John 14:12

13A meakot komail pan poeki ni ad ai, iei me I pan wia, pwe Sam en lingana kida Na.Select John 14:13

14Ma komail pan poeki maekot ni ad ai, I pan wia.Select John 14:14

15Ma komail pok ong ia, en kapwaiada ai kusoned akan!Select John 14:15

16A I pan poeki ren Sam, a i me pan porone dong komail amen saunkamait, pwen mi re omail kokolata.Select John 14:16

17Ngen en melel, me sappa so kak ale, pwe re sota kilang i pil sota asa i. A komail asa i pwe a kin mi re omail, o a pan mi lol omail.Select John 14:17

18I sota pan mueid ong komail, en sapoupou, I pan ko dong komail.Select John 14:18

19Ansau kis sappa solar pan kilang ia, a komail kin kilang ia. Ngai me maur, o i me komail pil pan memaureki.Select John 14:19

20Ni ran o komail pan asa, me ngai podidi ong Sam ai o komail podidi ong ia o ngai ong komail.Select John 14:20

21Me aleer ai kusoned akan o kapwaiada, iei me kin pok ong ia, a me kin pok ong ia, kin konekon ren Sam ai, a I pan pok ong i, o kasansale ong i pein ngai.Select John 14:21

22Iudas, kaidik Iskariot, potoan ong i: Maing, iaduen re pan kotin kasansale ong kit pein ir, a ong sappa so?Select John 14:22

23Iesus kotin sapeng masani ong i: Ma meamen pok ong ia, a pan kapwaiada ai padak kan, a Sam ai pan pok ong i, a se pan ko ong re a kaukauson re a.Select John 14:23

24A me so pok ong ia, sota kin kapwaiada ai padak kan. A kaidik ai padak, me komail kin rong, a en Sam o, me kadar ia dor.Select John 14:24

25Mepukat I padaki ong komail er ni ai mi re omail.Select John 14:25

26A saunkamait, Ngen saraui, me Sam o pan poronedo ni ad ai, i me pan kawewe ong komail meakaros o kataman kin komail me I padaki ong komail er.Select John 14:26

27I mueid ong komail popol. Ai popol me I ki ong komail, kaidin duen sappa kikida, me I ki ong komail. Mongiong omail der patau, pil der masak.Select John 14:27

28Komail rongadar, me I indai ong komail er, I koko wei o pan pure dong komail. Ma komail pok ong ia, komail pan perenki, me I kokola ren Sam, pwe Sam o me lapa sang ia.Select John 14:28

29Ansau wet I indai ong komail er mepukat, mon a pan wiaui, pwe a lao wiaui, komail en poson.Select John 14:29

30I solar pan kasokasoi toto ong komail, pwe kaun en sappa o kokodo, a sota a meakot re i.Select John 14:30

31A pwe sappa en asa, me I kin pok ong Sam, o me I kin wiawia duen me Sam masani ong ia er, kitail en uda kokowei!Select John 14:31