17John 17

1IESUS kotin masani wei mepukat, ap kotin masanda nanlang masani: Sam ai, ansau o leler, en kalinganada sapwilim omui Ol, pwe sapwilim omui Ol en pil kalinganada komui.Select John 17:1

2Duen komui kotiki ong i er manaman, en poedi uduk karos, pwe a en ki ong karos, me komui ki ong i er, maur soutuk.Select John 17:2

3A iet maur soutuk: Ren asa komui la, me komui ta Kot melel, o Iesus Kristus, me komui kadarador.Select John 17:3

4I kalingana komui dar nin sappa, I kanikialar dodok, me komui kotiki dong ia, I en wiada.Select John 17:4

5A met Sam ai, kom kotin kalingana kin ia pein omui lingan, me I linganakier, ni ai mi re omui, ni sappa saikenta mia.Select John 17:5

6I kasansale ong aramas akan mar omui, me komui ki ong ia er sang nin sappa. Irail udan noumui, a komui ki ong ia er irail; a re kin kapwaiada omui masan.Select John 17:6

7A met re asalar, me karos, me komui ki ong ia er, pwili sang komui.Select John 17:7

8A masan akan, me komui ki ong ia er, i me I ki ong irail er, o irail aleer o wewekilar melel, me I pwarado sang komui, o re posonlar, me komui kadar ia dor.Select John 17:8

9I kin kapakapa kin ir, I sota kin kapakapa kin sappa, a irail, me komui ki ong ia er, pwe noumui irail.Select John 17:9

10Pwe karos me ai, iei noumui; a karos me noumui, iei ai o I lingan kin irail lar.Select John 17:10

11I solar mi sappa, a mepukat mi sappa. I kola re omui. Sam ai saraui, kanikid irail ni mar omui, me komui ki ong ia er, pwe irail en me ta men dueta kita.Select John 17:11

12Ni ai mi re irail, I nikid irail er ni mar omui, me komui ki ong ia er; I nikid irail er; sota amen ir salongalar, seri salongala eta, pwe kisin likau en pwaida.Select John 17:12

13A met I koko wei re omui. I padaki wei mepukat nan sappa, pwe ai peren unsok en mi re ’rail.Select John 17:13

14I ki ong irail er omui masan, o sappa kailong kin irail er, pwe irail kaidin kisan sappa, dueta, ngai kaidin kisan sappa.Select John 17:14

15I sota kin poeki, komui en wa irail sang nin sappa, a pwe komui en pera wei sang irail me sued.Select John 17:15

16Irail kaidin kisan sappa, dueta ngai kaidin kisan sappa.Select John 17:16

17Kasaraui kin ir ala melel, pwe me melel omui masan.Select John 17:17

18Duen komui kadar ia dong sappa, iduen I kadar ir alang sappa.Select John 17:18

19I kasarauila pein ngai pweki irail, pwe irail kasaraui kila melel.Select John 17:19

20A kaidin mepukat eta, me I kapakapaki, a pil irail, me pan poson ia pweki arail padak.Select John 17:20

21Pwe irail karos en me ta men, duen komui Sam podidi ong ia o ngai ong komui, pwe irail en pil me ta men re ata, pwe sappa en poson, me komui kadar ia dor.Select John 17:21

22A lingan, me komui ki ong ia er, I ki ong irail er, pwe irail en me ta men, dueta kita me ta men.Select John 17:22

23Ngai ong irail, o komui ong ia, pwe re en song laieu, pwe sappa en asa, me komui kadar ia dor, o pok ong irail, dueta komui pok ong ia er.Select John 17:23

24Sam, I men, irail, me komui ki ong ia er, en pil mi wasa, me I kin mi ia, pwe ren ududial ai lingan, me komui ki ong ia er, pwe komui pok ong ia er mon sappa a tapidar.Select John 17:24

25Sam ai pung, sappa sasa komui, a ngai me asa komui, a mepukat asaer, me komui kadar ia dor.Select John 17:25

26O I kasale ong irail er mar omui. O I pan pil kasaleda i, pwe limpok ota, me komui poke kin ia er, en podidi ong ir o ngai ong irail.Select John 17:26