2John 2

1A NI kasilu en ran kamadip en kapapaud wiaui Kana nan Kaliläa; a in en Iesus kot wasa o.Select John 2:1

2Iesus o sapwilim a tounpadak kan me pil luke dong kamadip o.Select John 2:2

3Arail wain lao roselar, in en Iesus ap masani ong i: Solar arail wain.Select John 2:3

4Iesus kotin masani ong i: Li, menda re om? Ai ansau saikenta leler.Select John 2:4

5In a ap masani ong papa kan: Komail wiada meakaros, me a pan kotin masani ong komail.Select John 2:5

6Ari, potel takai wonu mi wasa o, en Sus akan ar men dopedop lole. Eu me laude ong metreten riau de silu.Select John 2:6

7Iesus kotin masani ong irail: Komail idip ong pil en potel akan! Irail ari kodiada lel au ar.Select John 2:7

8A ap kotin masani ong irail: Deukada, wala ren me kaun en konot: Irail ap wala.Select John 2:8

9Kaun en konot lao song kis pil, me wia wain la, o so asa, a idipi sang ia, a papa kan, me idip pil da, asa. Kaun en konot ap ekeredo ol kamod o,Select John 2:9

10Indang i: Aramas karos kin kida mas wain mau, toun kamadip lao medilar, re kin kida, me sota non mau. A komui kin nekinekid wain mau lel met.Select John 2:10

11I met tapidan kilel akan, me Iesus kotin wiadar Kana nan Kaliläa, o kotin kasaleda a lingan, o sapwilim a tounpadak kan posonla i.Select John 2:11

12A murin met a kotidilang Kapernaum, i o in a, o ri a ol akan, o sapwilim a tounpadak kan, ari, sota non ran toto, me re kotikot wasa o.Select John 2:12

13A pasa en Sus akan me korendor, a Iesus kotidalang Ierusalem.Select John 2:13

14A kotin masani nan im en kaudok men netinet en kau, o sip, o muroi, o men wiliandi moni me momod ia.Select John 2:14

15Ap kotin wiakida men wokiwok sal akai, ap woki ir sang nan im en kaudok iangaki sip o kau akan, o moni en saunwiliandi a kotin kasapokela o kotin wukedidi tepel akan.Select John 2:15

16Ap kotin masani ong men netinet en muroi kan: Wawei sang met met akan, o der wiakidar tanpas en Sam ai im en net eu!Select John 2:16

17A sapwilim a tounpadak kan tamanda me intingidier: Limpok ong tanpas omui me kasor ia dier.Select John 2:17

18Sus oko ap sapeng indang i: Kilel da, me kom kadedeki ong kit, me komui manaman ong, en wiada mepukat?Select John 2:18

19Iesus kotin sapeng masani ong irail: Palanga pasang im en kaudok wet, a pong sili pong I pan kauada.Select John 2:19

20Sus oko ap indada: Par ngaulwonu me im en kaudok wet wiaui kidar, a pong sili pong komui pan kaua kida?Select John 2:20

21Ari, tanpas en pali war a, me a kotin masanie kida.Select John 2:21

22A lao iasadar sang a matalar, sapwilim a tounpadak kan ap tamandar, me a kotin masanier mepukat. Irail ari poson kisin likau kan o masan, me Iesus kotin masaniadar.Select John 2:22

23Ni a kotikot Ierusalem ni pasa, ni kamadip o, me toto posonla mar a, ni ar kilanger kilel akan, me a kotin wiadar.Select John 2:23

24A Iesus sota kotin liki ong ir pein i, pwe a kotin mangi irail karos.Select John 2:24

25O a sota mau ong, meamen en kadede ong i aramas amen, pwe pein i kotin mangi lol en aramas.Select John 2:25