3John 3

1ARAMAS amen mia, kisan Parsär akan, me mar a Nikodemus, me saumas amen ren Sus akan,Select John 3:1

2Me poto dong i ni pong o, katiti ong i: Rapi, se asa, me komui saunpadak amen, me tapido sang ren Kot, pwe sota, me kak wia kilel akan due me komui kotin wiada, ma Kot so iang.Select John 3:2

3Iesus kotin sapeng masani ong i: Melel, melel I indai ong uk, meamen so ipwi sapal, sota pan kak kilang wein Kot.Select John 3:3

4Nikodemus potoan ong i: Iaduen aramas laud pan kak ipwidi? A pan kak pur ong nan kaped en in a, ipwidi sang?Select John 3:4

5Iesus kotin sapeng: Melel, melel I indai ong uk, meamen so ipwiki pil o ngen, a sota kak pedelong ong nan wein Kot!Select John 3:5

6Me ipwiki uduk, iei uduk, a me ipwiki Ngen, iei ngen.Select John 3:6

7Koe der puriamuiki, me I katitiki ong uk: Komail en ipwi sapal.Select John 3:7

8Ang kin pein ipip sili, o koe kin rong ngil a, a koe sasa, wasa a tapi sang ia o wasa a ko ong ia; iduen amen amen, me ipwiki Ngen.Select John 3:8

9Nikodemus sapeng indai ong i: Iaduen mepukat kak wiaui?Select John 3:9

10Iesus kotin sapeng masani ong i: Saunpadak en Israel amen koe, a koe sasa duen mepukat?Select John 3:10

11Melel, melel I indai ong uk, me se asadar, iei me se kin indada, o me se kilanger, iei me se katitiki, a komail sota kin kamelele at kadede.Select John 3:11

12Ma I katitiki ong komail men pa, a komail ap sota kamelele, a iaduen, komail pan kamelele, ma I katitiki ong komail men nanlang?Select John 3:12

13Sota meamen, me kodala nanlang, i eta, me kodido sang nanlang, Nain aramas, me kin mimieta nanlang.Select John 3:13

14Duen Moses me kauadar serpent amen nan sap tan, iduen Nain aramas pan kakauda.Select John 3:14

15Pwe meamen posonla i, sota pan lokidokila, a en aneki maur soutuk.Select John 3:15

16Pwe iet duen Kot kotin kupura sappa, me a kotikidoki sapwilim a Ieros, pwe karos, me posonla i, ender salongala, a en aneki maur soutuk.Select John 3:16

17Pwe Kot me kotin porone dong sappa sapwilim a Ol, kaidin en kadeikada sappa, a pwe sappa en kamauri kila i.Select John 3:17

18Me poson i, sota pan pakadeikada, a me so poson i, iei pakadeikadar, pweki a sota poson mar en sapwilim en Kot ieros.Select John 3:18

19A iet kadeik o, marain pwara dong sappa, a aramas pok ong rotorot mon marain, pweki ar wiawia kan me sued.Select John 3:19

20Pwe amen amen, me wiawia sued, kin kailongki marain, o sota kin pwara dong marain, pwe a wiawia kan de sansaleda.Select John 3:20

21A me wiawia melel, kin ko dong marain, pwe a wiawia kan en sansaleda, me re tapi sang ren Kot.Select John 3:21

22Murin mepukat Iesus o sapwilim a tounpadak kan kotilang sap en Iudäa ap kotikot ia wia paptais.Select John 3:22

23A Ioanes pil wia paptais Enon koren iong Salim, aki pil toto mi wasa o, irail ari koieila paptaisela.Select John 3:23

24Pwe Ioanes saikenta lokidokilar nan imateng.Select John 3:24

25En Ioanes a tounpadak kan o ol en Sus amen ap akamaiki pena duen kamakelekel.Select John 3:25

26Irail ari ko dong ren Ioanes indang i: Rapi, me kot re omui palilan Iordan, me komui kin kadede, masani, a kin wia paptais o karos kin pwarala re a.Select John 3:26

27Ioanes sapeng masani: Aramas amen sota kak aneki meakot, ma a so aneki sang nanlang.Select John 3:27

28Komail pein kadede kin ia, me i indada: Kaidin Kristus ngai, pwe ngai me pakatarador mo a.Select John 3:28

29Me li amen kisin nin ong, iei ol kamod. A kompoke pan ol kamod kin u rongerong perenki ngil en ol kamod; ari, iei ai peren unsokala.Select John 3:29

30I en kakairida, a ngai en kakairidi.Select John 3:30

31Me kotido sang poa, i me poedi karos, a me kisan sappa, iei men sappa, o a kin kasokasoia duen sappa. A me kotido sang nanlang, me poedi karos,Select John 3:31

32O me a kilangada o rongada, iei me a kin kadedeki, a sota me kamelele a kadede.Select John 3:32

33A me kamelele a kadede, kin kadede, me Kot me melel.Select John 3:33

34Pwe i, me Kot kotin poronedor, kin kida en Kot a masan, pwe Kot sota kotikida Ngen ki men song.Select John 3:34

35Sam me kotin kupura sapwilim a Ol o kotiki onger ni lim a meakaros.Select John 3:35

36Me poson sapwilim a Ol, aneki maur soutuk. A me sota poson sapwilim a Ol, sota pan kilang maur, a ongiong en Kot pan mimieta re a.Select John 3:36