5John 5

1MURIN mepukat ran lapalap eu en Sus oko pwaida; Iesus ap kotilang Ierusalem.Select John 5:1

2Len pil eu mi Ierusalem impan im en sip, me ad a Petesda ni lokaia en Ipru; im limau mi impa,Select John 5:2

3Me somau toto mi lole: Me maskun, o me dangidang, o me motor mia, auiaui lao pil o pan mokimokid.Select John 5:3

4Pwe akai ansau tounlang amen kin koti dong le o kamokideda pil o, a meamen me madang tiong mas nan pil o ni a mokimokid, iei me kin maureda sang a somau kan karos, me mi re a.Select John 5:4

5A aramas amen mia, me somauki par sileisokwalu.Select John 5:5

6Iesus lao kotin masani men et a wonon, ap kotin mangi, me a wonon ansau warai, ap kotin masani ong i: Koe so men kelailada?Select John 5:6

7Ol somau potoan ong i: Maing, sota nai aramas, me pan wa ia di wong ni pil o ansaun a mokideda. Pwe ni ai kokodi, amen kin madang mo i.Select John 5:7

8Iesus ap kotin masani ong i: Uda, ale ki om, kokowei!Select John 5:8

9Aramas o ap madang kelailadar, kida ki e, alu wei, a ran o ran en sapat.Select John 5:9

10Sus oko ap indai ong me kelailadar: Ran wet ran en sapat. A sota pung koe en wewa sili ki om.Select John 5:10

11A sapeng irail: Me kakela ia da, masani ong ia: Ale ki om koko wei!Select John 5:11

12Irail ap kalelapok re a: Is aramas o me indai ong uk: Ale ki om kokowei?Select John 5:12

13A me kelailadar sasa i, pwe Iesus kotila sanger, pwe pokon mi wasa o.Select John 5:13

14Kadekadeo Iesus kotin diaradar i nan im en kaudok o ap kotin masani ong i: Kilang, koe kelailadar, koe der pil wia dip, pwe me sued kot sang mas de ko dong uk!Select John 5:14

15Aramas o ap koieila, kaireki Sus oko, me Iesus kakeladar i.Select John 5:15

16I me Sus oko ap raparapaki Iesus, o masamasan, pwen kamela i, pweki a kotin wiadar meakan ni ran en sapat.Select John 5:16

17Iesus kotin sapeng irail: Sam ai kin dodok kokodo, a ngai pil iang dodok.Select John 5:17

18I me Sus oko ap masamasan melel, en kamatala i, pweki a kotin kawela ran en sapat o pil masani, me dene Kot Sam a, o a kaparoki ong pein i Kot.Select John 5:18

19Iesus ap kotin sapeng masani ong irail: Melel melel I indai ong komail, a sota kak, Na en pein wia meakot, pwe i eta, me a kilang ren Sam, me a wiada. Pwe me a kin wiada, iei me Na pil kin wiada.Select John 5:19

20Pwe sam pok ong Na o kasansale ong i karos, me pein i kin wiada. O a pan kasale ong i wiawia kan, me lapa sang met akan, pwe komail en puriamui kila.Select John 5:20

21Pwe duen Sam kin kapikapirida me melar akan, kamaur ir ada, iduen Na pil kamaureda me a mauki.Select John 5:21

22Pwe sota me Sam kin kadeikada, pwe a kotiki ong Na kadeik o.Select John 5:22

23Pwe karos en wauneki Na, dueta ar wauneki Sam. Me sota wauneki Na, sota kin wauneki Sam, me kadar i dor.Select John 5:23

24Melel, melel I indai ong komail, meamen rong ai padak o poson, me kadar ia do, a aneki maur soutuk. A a sota pan pangalang kadeik o, pwe a sapale sang mela sapal ong maur.Select John 5:24

25Melel, melel I indai ong komail, ansau kokodo, iei a leler, me melar akan pan rongada ngil en Nain Kot, a me rongadar pan maureda.Select John 5:25

26Pwe duen Sam a udan maur, iduen a ki ong Na, en pil udan maur.Select John 5:26

27O a kotiki ong i manaman, en kaunda kadeik o, pweki Nain aramas i.Select John 5:27

28Der puriamuiki met, pwe ansau kokodo me irail, me mi nan sousou kan, pan rong ngil a.Select John 5:28

29Irail ap pan pwarada: Me wiadar me mau, en maureda, pwen memaur, a me wiadar mesued, en maureda, pwen pangalang kadeik o.Select John 5:29

30Sota me I kak wiada sang pein ngai, duen me I kin rong, iduen I kin kadeikada, o ai kadeik me pung, pwe I sota kin rapaki insen ai, pwe kupur en i, me kadar ia do.Select John 5:30

31Ma I kadede pein ngai, ai kadede sota melel.Select John 5:31

32Amen me kadede ia, a I asa melel, me a kadede ia me melel.Select John 5:32

33Komail me ilakilang Ioanes, i ari me kadede melel.Select John 5:33

34A I sota kin ale kadede ren aramas, a iet me I indawei, pwe komail en dorola.Select John 5:34

35I me ser umpul o marain eu, a komail men perenki a marain ansau kis.Select John 5:35

36A ai kadede me lapa sang en Ioanes. Pwe dodok kan, me Sam o kotiki ong ia, I en kapwaiada, iei dodok kan, me I kin wiawia, me kadede ia, me Sam kadar ia dor.Select John 5:36

37A Sam, me kadar ia dor, pein i kadede ia. Komail sota rongadar ngil a, o sota kilang mom a.Select John 5:37

38O a masan sota kin kot re omail, pwe komail sota poson, me a kadarador.Select John 5:38

39Komail kin kalelapok nan kisin likau kan, pwe komail lamelame, me maur soutuk mi lole. Ari, iei irail, me kin kadede ia.Select John 5:39

40A komail kang ko dong ia, pwe komail en aneki maur.Select John 5:40

41I sota kin mauki ale wau ren aramas akan.Select John 5:41

42I asa komail, limpok en Kot sota kin mi re omail.Select John 5:42

43I kodo ni mar en Sam ai, a komail sota kin kasamo ia. A ma amen pan kokido pein ad a, komail pan kasamo i.Select John 5:43

44Pala komail kak poson ni omail ngongongki wau ren aramas, ap sota rapaki wau sang ren Kot.Select John 5:44

45Der kiki ong, me I pan mpäkin komail ren Sam, amen me kin mpäkin komail: Moses, me komail kin kaporoporeki.Select John 5:45

46Pwe ma komail posonla Moses, komail pan poson ia, pwe i me intingiedier duen ngai.Select John 5:46

47A ma komail so kamelele a inting kan, pala komail pan kamelele ai padak kan?Select John 5:47