7John 7

1MURIN mepukat Iesus kotin kakan sili Kaliläa, pwe a solar men kakan sili Iudäa, pweki Sus oko masamasan kamatala i.Select John 7:1

2A ran lapalap en Sus oko; iei ran en im en tan tuka korendor.Select John 7:2

3Ri a ol akan ap indai ong i: Kom kotiwei kotilang Iudäa, pwe omui tounpadak kan en pil udial omui wiawia kan, me kom kin wiawia.Select John 7:3

4Pwe sota me kin wiada meakot wasa rir, ma a men indand sili. Ma komui wia mepukat, en kasansale ong sappa.Select John 7:4

5Pwe ri a ol akan pil sota poson i.Select John 7:5

6Iesus ap kotin masani ong irail: Ai ansau saikenta leler, a omail ansau mia ansau karos.Select John 7:6

7Sappa sota kak kailongki komail, a ngai me a kin kailongki, aki I kin kadede, me a wiawia kan me sued.Select John 7:7

8Komail kodalang kamadip et, I sota pan kodalang kamadip et, pwe ai ansau saikenta leler.Select John 7:8

9A kotin masani ong irail mepukat, ap kotikotita Kaliläa.Select John 7:9

10A ri a ol akan lao samalar, i ap pil kotidalang kamadip, ap so sansal a duen me rir.Select John 7:10

11Sus akan ari rapaki i ni kamadip o indada: Ari, ia wasa a kotikot ia?Select John 7:11

12A aramas akan lokolokaia toto duen i, pwe akai indada: Me mau men. A akai me indada: Kaidin, pwe a kin kaweid sapung aramas.Select John 7:12

13Sota me lokaia sansal duen i, pweki ar masak Sus oko.Select John 7:13

14Lao lel ailepan kamadip o, Iesus ap kotin kodalang im en kaudok o kaukaweweda.Select John 7:14

15A Sus akan ap puriamui kila indada: Da duen men et asa wewe en kisin likau, pwe a sota iang padakki.Select John 7:15

16Iesus ap kotin sapeng irail masani: Kaidin ai padak, me I kin kida a en me kadar ia do.Select John 7:16

17Meamen wiawia kupur a, pan weweki ai padak, ma a ren Kot, de sang ren pein ngai.Select John 7:17

18Me kin padapadak sang ni pein i, kin rapaki pein wau i, a me kin rapaki wau en me kadarala i, iei me melel o sota man sued kot pit.Select John 7:18

19Kaidin Moses, me ki ong komail kapung o, a sota amen komail kin kapwaiada kapung o? A da me komail rapakiki kame ia la?Select John 7:19

20Aramas oko sapeng indada: Koe me tanwar en tewil, is me rapaki kame uk ala?Select John 7:20

21Iesus kotin sapeng masani ong irail: Dok taieu, me I wiadar, a komail puriamui kila.Select John 7:21

22Moses ki ong komail er sirkomsais, a kaidin tapi sang ren Moses, pwe sang ren sam akan, a komail kin sirkomsais aramas ni ran en sapat.Select John 7:22

23Ari ma aramas amen ale sirkomsais ni ran en sapat, pwe kapung en Moses ender sapungala, a komail kin suede kin ia, pweki ai kakelailada aramas pon ni ran en sapat?Select John 7:23

24Der kadeikada duen pali liki, a komail kasaui nin tiak en kadeik pung.Select John 7:24

25Men Ierusalem kai ap inda: Kaidin i, me re raparapaki en kamela?Select John 7:25

26A kilang, a padapadak sansal, a re sota man lokaia ong i, de muein saumas akan asaer mau, me i Kristus?Select John 7:26

27Ari, se asaer, wasa men et ko sang ia, a Kristus lao kotido sota me pan asa wasa, me a pwarado sang ia.Select John 7:27

28Iesus ap kotin kapitie laudeda kawewe nan im en kaudok masani: Komail asa ia o wasa I ko sang ia. Ari, kaidin pein ngai, me I kokido, a me kadar ia dor, me melel, me komail sasa.Select John 7:28

29A I asa i, pwe I kodo sang re a, o i me kadar ia dor.Select John 7:29

30Irail ap song saikidi i, a sota me sair i, pwe a ansau kaikenta leler,Select John 7:30

31Aramas toto sang nan pokon o posonla i indada: Iaduen, Kristus lao pwarado, a pan wia kilel toto sang mepukat, me men et wiadar?Select John 7:31

32Parisär akan rongadar, me aramas akan lokelokaia mepukat duen i. Samero lapalap o Parisär akan ap kadarala papa kan, en saikidi i.Select John 7:32

33Iesus ap kotin masani: I pan mi re omail ansau motomot. I ap pan kola ren me kadar ia do.Select John 7:33

34Komail pan rapakin ia, ap sota diar, a wasa, me I pan mi ia, komail sota pan kak ong.Select John 7:34

35Sus oko ap inda nan pung arail: A pan kola ia, pwe sen solar diar i? A pan kola ren me salongalar ren men Krik kan, kaukawewe ong men Krik?Select John 7:35

36Iaduen masan en, me a indada: Komail pan rapakin ia, ap sota diar, a wasa, me I pan mi ia, komail sota pan kak ong?Select John 7:36

37Ni ran en kamadip a nikilar, ni ran lapalap o, Iesus kotida, kapitie laudeda masani: Meamen men nim piladar, i en ko dong ia nim.Select John 7:37

38Me poson ia, duen kisin likau kan indada, sang nan war a pil memaur pan pwilipwili sang ia.Select John 7:38

39Mepukat a kotin masani duen Ngen, me irail, me poson i, en tungole; pwe Ngen saikenta pakadarado, aki Iesus saikenta linganlar.Select John 7:39

40Ari, akai sang nan pokon o ni ar rongadar masan pukat ap indada: Melel Saukop o.Select John 7:40

41A akai indada: Kristus men et! A akai indada: Da, Kristus pan pwarado sang Kaliläa?Select John 7:41

42Kaidin kisin likau me inda, me Kristus pan wan Dawid o kisan men Petleem, kanim o, me Dawid kotikot ia?Select John 7:42

43Irail ap liak toror pasang pweki i.Select John 7:43

44A akai men saikidi i, a sota me sair i.Select John 7:44

45A papa ko ap pure dong ren samero lapalap o Parisär akan. Irail ari idok re irail: Da me komail sota wakido?Select John 7:45

46A papa ko sapeng: Sota man aramas amen padapadak duen men et.Select John 7:46

47Parisär oko ap sapeng irail: Komail pil pakodauelar?Select John 7:47

48Iaduen saumas de Parisär amen posonla i?Select John 7:48

49A aramas pukat, me so asa kapung o, re rialar.Select John 7:49

50Nikodemus kis arail ap indang irail:Select John 7:50

51Iaduen, atail kapung pil kin kadeikada aramas amen mon a rong o asa sang pein i duen a wiawia?Select John 7:51

52Irail sapeng indang i: Iaduen, komui pil kisan men Kaliläa? Rapaki o kilang, me sota saukop amen ko sang Kaliläa.Select John 7:52

53Amen amen ap purelang deu a.Select John 7:53