8John 8

1IESUS ap kotidala pon dol Oliwe.Select John 8:1

2A nin soran a kotin pure dong ong nan im en kaudok. Aramas karos ap pokon dong i. I ari kaipokedi kaukawewe ong irail.Select John 8:2

3A saunkawewe o Parisär akan wa dong i li amen, me diarokadar ni a kamal. Irail kidang i nan pung arail.Select John 8:3

4Ap indang i: Saunpadak, li men et diarokadar ni a kamal.Select John 8:4

5A Moses masani ong kitail nan kapung o, sen kate song en. A komui, da me komui masani?Select John 8:5

6A mepukat re indang i, pwen kasongesong i, pwe ren kak impimpaiki i meakot. A Iesus kotin idiokidi, intingiekidi ong nani pwel sondin lim a.Select John 8:6

7A ni ar poden kalekalelapok re a, a ap kotin dengida masani ong irail: Ari, me sota dip a nan pung omail, a pan tapiada kate i.Select John 8:7

8A pil kotin idiokidi intingiedi ong nan pwel.Select John 8:8

9Irail lao rongadar met, rap mulikidar tentelwei, me laud mas lel me tikitik o. A Iesus kelepela, li eta, me mi re a.Select John 8:9

10Iesus lao kotin dengida o sota masani meamen, li eta, ap masani ong i: Ia me karaun uk edi kan? Sota me kadeik uk ada?Select John 8:10

11A potoan ong: Sota Maing. Iesus ap kotin masani ong i: I sota pil pan kadeik uk ada. Kowei, koe der pil wiada dip!Select John 8:11

12Iesus ap pil kotin padaki ong irail masani: Ngai marain en sappa. A me kin idauen ia, sota pan weid ni rotorot, pwe marain en maur pan mi re a.Select John 8:12

13Parisär oko ap indai ong i: Komui kadede pein komui; ari, omui kadede sota melel.Select John 8:13

14Iesus kotin sapeng masani ong irail: Ma I kadede pein ngai, ari melel ai kadede, pwe I asa, wasa I kodo sang ia o wasa I koko ong ia, a komail sasa, wasa I ko sang ia o wasa I koko ong ia.Select John 8:14

15Komail kin kadeikada duen pali uduk, a sota meamen, me I kin kadeikada.Select John 8:15

16Ari so ma I kadeikada, ai kadeik pan melel, pwe I sota kin kelep, pwe ngai o Sam, me kadar ia dor.Select John 8:16

17A pil intingidier nan omail kapung, me kadede en aramas riamen me melel.Select John 8:17

18Ngai me kin kadede pein ngai o Sam, me kadar ia dor, kin kadede ia.Select John 8:18

19Irail ap indai ong i: Ia Sam omui? Iesus kotin sapeng: Komail sota asa ngai, pil sota Sam ai. Ma komail asa ia, komail pil pan asa Sam ai.Select John 8:19

20Masan pukat Iesus kotikida nan pera en moni, ni a kotin kaukawewedar nan im en kaudok o. A sota me koledi i, pwe a ansau saikenta leler.Select John 8:20

21Iesus pil kotin masani ong irail: I kokola, a komail pan rapakin ia o mela ni omail dip akan, a wasa, me I pan kola ia, komail sota pan kak ong.Select John 8:21

22Sus oko ap indada: A pan kamela pein i, pweki a inda: A wasa, me I pan kola ia, komail sota pan kak ong?Select John 8:22

23A kotin masani ong irail: Komail kisan men pa, a ngai kisan men poa. Komail kisan sappa et, a ngai kaidin kisan sappa et.Select John 8:23

24Iei me I indaki ong komail, komail pan mela ni omail dip akan, pwe ma komail sota kamelele ia, komail pan mela ni omail dip akan.Select John 8:24

25Irail ap indai ong i: Is koe? Iesus kotin masani ong irail: Me I indawei mas o, i eta.Select John 8:25

26Me toto I men padaki ong komail o kadeikada, ari so, me kadar ia do me melel. A I kin kasoia ong komail, me I rongadar re a.Select John 8:26

27Irail ari sasa, me a kotin kasoia ong irail duen Sam a.Select John 8:27

28Iesus ap kotin masani ong irail: Komail lao kauadar Nain aramas, komail ap pan asa, me ngai i, o me I sota wia meakot sang pein ngai. A duen Sam, me padaki ong ia er, iduen I kin kasoia wei.Select John 8:28

29Me kadar ia do, kin ieiang ia, a sota lokit ia la, pwe I kin potin wia, me a kupura mauki.Select John 8:29

30Ni a kotin masani mepukat, me toto ap posonla i.Select John 8:30

31Iesus ap kotin masani ong Sus oko, me poson i: Ma komail pan podidi ong ai padak, nan ai tounpadak melel komail.Select John 8:31

32O komail pan asala melel, o melel pan kamaio komail da.Select John 8:32

33Irail sapeng i: Wan Apraam kit, sota me se lidui sang mas kokodo. A iaduen, komui indada: Komail pan maioda?Select John 8:33

34Iesus kotin sapeng irail masani: Melel, melel I indai ong komail, meamen; me wiawia dip, i me ladun dip.Select John 8:34

35A ladu o sota pan mimieta nan im o, na eta pan mimieta.Select John 8:35

36Ari, ma Na pan kamaio komail da, komail pan maioda melel.Select John 8:36

37I asa, me wan Apraam komail, a komail kin rapaki, en kame ia la, pwe ai padak sota kin podidi ong komail.Select John 8:37

38Me I kilang ren Sam ai, iei me I inda wei, a komail kin wiawia, me komail rongada ren sam omail.Select John 8:38

39Irail sapeng indang i: Sam at Apraam. Iesus kotin masani ong irail: Ma komail nain Apraam, seri kan, komail pan wia duen en Apraam a wiawia kan.Select John 8:39

40Ari, met komail kin rapaki kame ia la, aramas amen, me kasoi ong komail melel, me I rongadar ren Kot, i me Apraam sota wiadar.Select John 8:40

41Komail kin kapwaiada wiawia kan en sam omail. Irail ap indang i: Kaidik kit ipwin nenek. Sam at me ta men Kot.Select John 8:41

42Iesus kotin masani ong irail: Ma Kot Sam omail, komail pan pok ong ia, pwe I kodo sang ren Kot, kaidik sang pein ngai, me I kokido, pwe i me kadar ia do.Select John 8:42

43Da me komail sota weweki ai padak? Pweki omail sota kak rong ai padak.Select John 8:43

44Komail tapi sang ren sam omail tewil, o inong en sam omail, me komail men wiada. Nan i men kamela men sang ni tapi o, o a sota dadaurata melel, pwe sota man melel mi re a, ni a lalal likam, a kin kida sang pein audepa, pwe i me likam men o sam en likam o.Select John 8:44

45A komail sota kamelele ia, pweki I padaki ong komail melel.Select John 8:45

46Is re omail, me kak indang ia, me dip ai mia? A ma I kasoi melel, menda komail so poson?Select John 8:46

47Men ren Kot kin rong en Kot a masan akan. Komail ari sota rong, pwe kaidin me ren Kot komail.Select John 8:47

48Sus oko sapeng indang i: Kaidik meid melel, koe men Samaria amen o tanwar en tewil.Select John 8:48

49Iesus kotin masani: Kaidik tanwar en tewil ngai, pwe I wauneki Sam ai, a komail kin kisang ia wau i.Select John 8:49

50I sota kin rapaki pein wau i, amen mia, me kin raparapaki o kadeikada.Select John 8:50

51Melel, melel I indai ong komail, meamen kapwaiada ai padak, sota pan mela kokolata.Select John 8:51

52Sus oko ap indai ong i: Se ap asaer, me koe tanwar en tewil. Apraam melar, pil saukop akan, a koe me inda: Meamen kapwaiada ai padak, sota pan mela kokolata,Select John 8:52

53Da, komui me lapa sang sam at Apraam, me matalar, pil saukop akan, me matalar? Is me komui pein wia kin uk?Select John 8:53

54Iesus kotin sapeng: Ma I pein kaka kin ia, ai kaka me mal. A Sam ai, me kaka kin ia, me komail kin inda: I atail Kot.Select John 8:54

55Komail ari kaikenta asa i, a I asa i, a ma I inda, me I sasa i, I pan me likam amen dueta komail. A I asa i o kapwaiada a masan akan.Select John 8:55

56Sam omail Apraam peren kida, me a pan kilang ai ran. I ari kilanger ap peren kidar,Select John 8:56

57Sus oko ap indang i: Par limeisok kaik dau po ’mui, a kom kilanger Apraam?Select John 8:57

58Iesus kotin masani ong irail: Melel, melel I indai ong komail, I mier mon Apraam.Select John 8:58

59Irail ap rik takai, pwen kasuk i, i ap kotin oki sang irail pein i, kotila sang nan im en kaudok o.Select John 8:59