10Hebrews 10

1PWE kapung o iei motan dipisou en mur, a kaidin pein mom en dipisou, a sota kak kaunsok kilar mairong ota irail, me kin wia ir ada ni par karos.Select Hebrews 10:1

2A ma iei, arail mairong pan dukedi, pwe solar kataman pan dip en irail, me apwali mairong;Select Hebrews 10:2

3Pwe mepukat kin wiaui, pwen katamanda dip ni par karos.Select Hebrews 10:3

4Pwe ntan kau ol o kut sota kak wa sang dip akan.Select Hebrews 10:4

5Ari, ni a kotin pwara dong sappa, masani: Mairong o kisakis komui sota kotin mauki, a komui kotiki ong ia er pali war ai.Select Hebrews 10:5

6Kom sota peren kida mairong isis o mairong men tom.Select Hebrews 10:6

7I ap inda: Kilang, I kokodo, nan puk o me intingidier duen ngai, pwen kapwaiada kupur omui, Maing Kot.Select Hebrews 10:7

8Mas a masanier: Mairong, o kisakis, o mairong isis, o mairong men tom, kom sota kotin mauki, o kom sota kupur peren ki mepukat, me wiauier duen kapung o.Select Hebrews 10:8

9Ap pil masanier: Kilang, I pwara don kapwaiada kupur omui. A kotiki sang men mas, pwen kapwaiada men mur.Select Hebrews 10:9

10Ni kupur wet kitail kasarauilar ki mairong en war en Iesus Kristus pan me pak.Select Hebrews 10:10

11Samero karos me kasapwiladar, pwen apwali dodok ni ran karos o purepure mairong ota, me so kak lapwada dip akan.Select Hebrews 10:11

12A men et, me kotin mairongki pan mepak dip akan, ap kaipokedi ni pali maun en Kot kokolata.Select Hebrews 10:12

13O a kotin auiaui, lao a imwintiti pan wiala utipan aluwilu a kan.Select Hebrews 10:13

14Pwe a kotin kaunsokila tom ta ieu karos, me pan kasarauila.Select Hebrews 10:14

15Ngen saraui pil kotin kadede ong kitail duen mepukat, pwe murin a kotin masanier:Select Hebrews 10:15

16Iet inau, me I pan wiai ong irail murin ran pukat, me Kaun o kotin masanier: I pan ki ong mongiong arail ai kapung, o I pan intingiedi ong nan ngen arail.Select Hebrews 10:16

17Dip arail, o arail sapung kan I solar pan tamanda.Select Hebrews 10:17

18A ma re lapwadar, ap solar mairong en dip pan wiaui.Select Hebrews 10:18

19Ari ri ai kan, ma a muei ong kitail er, en pedelong ong nan pera saraui ki ntan Iesus,Select Hebrews 10:19

20Pwe a kotin wiai ong kitail er al en maur kap pot et lel pali lan likau ki uduk a.Select Hebrews 10:20

21A ma atail samero kasampwal en tanpas en Kot mia.Select Hebrews 10:21

22Kitail ap pan pwaralang i ni melel en mongiong atail, o poson melel, o usupeki mongiong atail, o maio sang insen sued, o widenki pil makelekel war atail,Select Hebrews 10:22

23O kitail en tengedi ong atail kadede en kaporopor o der wukiwuk sili, pwe i me melel, me kotikida inau o.Select Hebrews 10:23

24O kitail en apwali nan pung atail ni atail kainong iong limpok o wiawia mau kan.Select Hebrews 10:24

25O kitail ender dukedi sang atail mod ong kaudok pena, duen me kin wiaui ren akai. A kitail en nantiong panau pena, pwe komail kilang, me ran o me korendor.Select Hebrews 10:25

26Pwe ma kitail inong iong wia dip, murin atail marainiki melel, solar mairong men tom ki dip atail,Select Hebrews 10:26

27A kitail pan mimieta ni atail masak kadeik apwalia o ongiong en kisiniai, me pan karosela imwintiti kan.Select Hebrews 10:27

28Ma amen pan tiakedi kapung en Moses, a sota pan diar mak, pwe a pan kamela, ma saunkadede riamen de silimen mia.Select Hebrews 10:28

29Ari, da me komail lamelame, duen me pan tiakedi Sapwilim en Kot, o kasaminela ntan inau kap, me a kasarauilar o lalaue Ngen en mak, a so pan kalokolok laud sang irail?Select Hebrews 10:29

30Pwe kitail asa i, me masanier: Ikepa ai dok, I pan depuki ong. O pil eu: Kaun o pan kotin kapung ong sapwilim a aramas akan.Select Hebrews 10:30

31Nan meid kalom, en lodi ong ni lim en Kot ieias.Select Hebrews 10:31

32A komail tamanda ran en mas oko murin omail marainlar, ap dadaurata ni omail kalokolok laud.Select Hebrews 10:32

33Ni omail kenkaurur sansal o pan kidau o kamekam, o ni omail riane kin ir, me pil lel mesued.Select Hebrews 10:33

34Pwe komail iangaki me salidi kan ni ar kalokolok, o komail pil pereperen ni omail kapwa kan kulia wei sang, pwe komail asa, me komail aneki dipisou en lang, me mau sang o me sota pan sorela.Select Hebrews 10:34

35Komail ari der kasela omail liki, me pan kareda katingpa lapalap.Select Hebrews 10:35

36Pwe kanongama me mau ong komai, pwen kapwaiada kupur en Kot o konodi inau o.Select Hebrews 10:36

37Ansau tar kis, me onoper pan pwarado, a sota pan pwand.Select Hebrews 10:37

38A me pung o pan maureki poson, a ngen i sota pan peren kida, ma a pan pure wei sang.Select Hebrews 10:38

39A kitail sota kisan ir, me pure wei sang, ap lokidokila, a kisan irail, me kin poson ap kamaur ngen arail.Select Hebrews 10:39