2Hebrews 2

1I ME kitail en nantiong madamadaua, duen me kitail rongadar, pwe kitail ender so konoti.Select Hebrews 2:1

2Pwe ma masan o, me pousa sang ren tounlang kan, me inen o kaopa karos o katiwo karos kalokoloker duen kapung o,Select Hebrews 2:2

3Iaduen atail pan kak pitila, ma kitail mamaleki kamaurpa lapalap wet, me tapida ni a kalok sang ren Kaun o ap pil sang ren me rongorong i kan!Select Hebrews 2:3

4A pil Kot, me kotin kadedeki ni kilel akan, o manaman akan, o song en wiawia kelail akan, o kisakis en Ngen saraui, duen pein kupur a.Select Hebrews 2:4

5Pwe a sota kotiki ong tounlang kan, en koaki sappa kokodo, duen me se indinda.Select Hebrews 2:5

6A amen me kadede o inda ekis wasa: Dakot aramas o, pwe komui kin kotin kupura i, de nain aramas amen, pwe komui kotin apwali i?Select Hebrews 2:6

7Komui kotin kasapwilidi i ansau kis pan tounlang kan, ap kotin nine kin i lingan o wau.Select Hebrews 2:7

8Kom kotin kaloedier karos pan aluwilu a kan. A ni a kotin kaloedi ong i meakaros, solar, me sota lodi ong i. A met kitail saikenta kilang, me karos lodi ong i.Select Hebrews 2:8

9A kitail kilang Iesus, me kasapwilidi ansau kis pan tounlang kan, pweki a kalokolok ong kamatala, ap nine kida lingan o wau, pwen mata kila amen amen duen mak en Kot.Select Hebrews 2:9

10Pwe me mau ong i, me dipisou kan karos wiaui onger o wiaui kidar, ni a kotin kalua wong lingan seri toto, en kaunsokala Tapin maur arail ki kamekam,Select Hebrews 2:10

11Pwe i, me kin kasaraui, o irail, me pan kasarauila, karos tapi sang me ta men, i me a sota kotin namenokki riane kin irail,Select Hebrews 2:11

12Duen a kotin masani: I pan padaki ong ri ai kan mar omui, o nan pung en momodisou i pan kaul kaping ong komui.Select Hebrews 2:12

13O pil eu: I pan liki i. O pil eu: Masani, iet ngai o seri kan, me Kot kotiki ong ia er.Select Hebrews 2:13

14A duen seri kan, me kisan pali nta o uduk, i me a pil kotin ale ong pein i mepukat, pwe ni a matala i en kaloedi i, me kaun en mela, iei tewil o,Select Hebrews 2:14

15O kotin lapwada irail karos, me lodi ong masak mela, ap lidulidu arain arail maur.Select Hebrews 2:15

16Pwe kaidin tounlang kan, me a kotin apapwali, pwe a kotin apapwali kadaudok en Apraam.Select Hebrews 2:16

17I me a kotin udan duela ri a kan ni meakaros, pwen kalangan o wiala samero lapalap melel amen, mon Kot, pwen tomki dip en aramas akan,Select Hebrews 2:17

18Pwe duen pein i kanaudokalar o songesong, a kotin mangi duen sauasa irail, me songesonger.Select Hebrews 2:18