6Hebrews 6

1I me kitail pan muei sang tapin padak en Kristus, ap kakairida o unsokela, a kaidin pur ong wia pason ni at kalukila wiawia en mela kan, de poson Kot,Select Hebrews 6:1

2De padak duen paptais, o pokada pa kan poa, o duen en me melar akan ar pan maureda, o duen kadeik soutuk.Select Hebrews 6:2

3A i me kitail pan wiada, ma Kot pan kotin mueid ong.Select Hebrews 6:3

4Pwe a so kak pa ’rail, me marainlar, o me wewekier kisakis sang lang, o audaudkier Ngen saraui,Select Hebrews 6:4

5O lolekong kilar masan en Kot mau, o manaman en muei mau kokodo,Select Hebrews 6:5

6Ma irail pan pup wei sang, re solar pan kak pur ong kalula, pwe irail pein kalopuela Sapwilim en Kot o kanamenokalar i.Select Hebrews 6:6

7Pwe sap me lamelamur ki katau, me kin purepure moredi ong, o me kawosadang irail, me kin wia sapasap kapwa mau, iei sap o me kin ale pai ren Kot.Select Hebrews 6:7

8A ma a kin kawosada tuka teketek o dip, iei me sued o mau ong kariala o ni imwi a pan karongala.Select Hebrews 6:8

9A kompoke pat akan, se asa, me komail sota kin duota ni meakan me kareda maur, ari so, iduen at kin padapadak.Select Hebrews 6:9

10Pwe Kot sota sapung, o a sota kak maliela omail wiawia kan o omail dodok limpok, me komail kasansale ong mar a ni omail papaer me saraui kan, o ni omail kin papa.Select Hebrews 6:10

11A kit kin inong iong, amen amen komail en nantiong duedueta kasansaleda kaporo por melel lao lel imwi.Select Hebrews 6:11

12Pwe komail der tangangala, a komail alale sang irail, me poson o kanongama ap sosoki inau kan.Select Hebrews 6:12

13Pwe ni en Kot a kotin inauki ong Apraam, a kotin kaukila pein i, pwe sota me lap sang en kau kila,Select Hebrews 6:13

14Masani: Melel I pan kapai uk ala o kangeder uk ala.Select Hebrews 6:14

15I ari auiauieta ni kanongama ap pwaida inau o.Select Hebrews 6:15

16Pwe aramas akan kin kaukila me lapa sang ir, o kaula kin kaimwisokala akamai karos.Select Hebrews 6:16

17I me Kot pil kotin kaukila, pwen kasale ong irail, me pan sosoki pai en a inau o, me a inau sota kak wukila.Select Hebrews 6:17

18Pwe song riau me so kak wuk, pwe Kot sota kak likam, en kamait kit ala melel, pwe kitail en tang wong kaporopor, me mi mo atail.Select Hebrews 6:18

19Kaporopor wet me rasong paipong en ngen atail, me melel o teng, me kak lel wong nan pera saraui.Select Hebrews 6:19

20Iei wasa atail saunkair kotila ia pweki kitail, Iesus, me wiala samero lapalap ni al en Melkisedek kokolata.Select Hebrews 6:20