81 Corinthians 8

1A kitail asaer duen mairong ong ani mal, pwe kitail karos me lolekong. A lolekong eta kin kaaklapalapiela, a limpok kin kamauiela.Select 1 Corinthians 8:1

2A ma amen aklapalapaki a lolekong, nan a sota non dedeki duen me itar ong en asa.Select 1 Corinthians 8:2

3A ma amen pok ong Kot, nan Kot me mangi i.Select 1 Corinthians 8:3

4A kitail dedekier duen manga uduk en mairong ong ani mal akan, pwe ani mal amen sota katepa nin sappa, o sota amen Kot, pwe i me ta men.Select 1 Corinthians 8:4

5Pwe ma akai mia, me adaneki kot, me kin mimi nanlang de nin sappa, pwe kot toto o monsap toto mia;Select 1 Corinthians 8:5

6A atail Kot me ta men, me Sam, me dipisou karos tapi sang re a, o me kitail wiaui ong. O atail Kaun me ta men: Iesus Kristus, me wiadar meakaros, o me kitail pil wiaui kidar i.Select 1 Corinthians 8:6

7A kaidin karos me asa mepukat, pwe akai mia, me lamelame, me ani mal meakot, ap kangkang uduk en mairong ong ani mal, o iei insen luet arail kin samin kila.Select 1 Corinthians 8:7

8A kisin manga sota kin sauasa kitail ren Kot. Ma kitail sota pan manga, kitail sota pan sued kila, a ma kitail pan manga, kitail sota pan mau kila.Select 1 Corinthians 8:8

9A kalaka komail, pwe omail saladokalar ender kadipikelekel ong me luet akan!Select 1 Corinthians 8:9

10Pwe ma koe, me asa tiak, ap mangamanga nan im en ani mal o, a me luet amen pan kilang om mangamanga, ap aima kida nan insen a, ap iang mangamanga mairong en ani mal akan,Select 1 Corinthians 8:10

11Iduen ri atail luet amen, me Kristus mata kilar, pan mekila om saladok.Select 1 Corinthians 8:11

12A ma iduen omail dip iong ri atail akan, me kin kawela insen luet arail, nan komail kin wia dip iong Kristus.Select 1 Corinthians 8:12

13Ari ma kisin manga kamakar ri ai, i solar pan manga uduk kokolata, pwe i de kamakar ri ai.Select 1 Corinthians 8:13