21 John 2

1SAMA ko, mepukat i inting wong komail, pwe komail de wia dip, a ma amen wia dip, sauasa patail mia ren Sam, Iesus Kristus, me pung.Select 1 John 2:1

2Iei me tom en dip atail, a kaidin atail ta, pwe pil en toun sappa karos.Select 1 John 2:2

3I me kitail dedeki, me kitail asaer i, ma kitail kapwaiada kusoned akan.Select 1 John 2:3

4Me inda: I asa i, ap sota kapwaiada a kusoned akan, i me likam amen, melel sota mi re a.Select 1 John 2:4

5A me kapwaiada a masan, i me limpok en Kot unsokelar re a, i me kitail asaki, me kitail udan sapwilim a.Select 1 John 2:5

6Me kin inda: I potopot re a, mak eta, i en weweid wei dueta a kotin weweidier.Select 1 John 2:6

7Kompok kan, kaidin kusoned kap eu, me i inting wong komail, a kusoned en mas o, me mi re omail sang ni tapi o. Kusoned en mas, iei masan o, me komail ronger.Select 1 John 2:7

8Pil eu kusoned kap, me i inting wong komail, me melel re a o re omail, pwe rotorot mur tikitikla, a marain melel ap dakadar.Select 1 John 2:8

9Me inda, me a mi ni marain, ap kailong kin ri a, nan a mimieta ni rotorot lel met.Select 1 John 2:9

10Me kin pok ong ri a, pan mimieta ni marain, ap solar men kamakar mi re a.Select 1 John 2:10

11A me kin tataki ri a, mier ni rotorot, o weweid ni rotorot, ap kin sasa, wasa a kin ko ong ia, pwe rotorot karotongala mas a kan.Select 1 John 2:11

12I inting wong komail, sama ko, pwe dip omail lapwadar ki mar a.Select 1 John 2:12

13I inting wong komail, sam akan, pwe komail asa i, me kotikot eta sang ni tapi o. I inting wong komail manakap akan, pwe komail kaloedier me sued o. I inting wong komail er, sama ko, pwe komail asaer Sam.Select 1 John 2:13

14I inting wong komail er, sam akan, pwe komail asa i, me kotikot sang ni tapi o. I inting wong komail er, manakap akan, pwe komail me kelail, o masan en Kot en mimieta re omail, o komail kaloedier me sued o.Select 1 John 2:14

15Der pok ong sappa, de dipisou mimi sappa. Ma amen pok ong sappa, limpok en Sam me sota mi re a.Select 1 John 2:15

16Pwe meakaros mi sappa, inong en ni uduk, o inong en ni mas oko, o lingan mal en maur, a sota tapida sang ren Sam, a sang ni sappa.Select 1 John 2:16

17A sappa pan sorola o a me sued akan, a me wia kupur en Kot, pan mimieta kokolata.Select 1 John 2:17

18Sama ko, metet imwin auer o, o duen omail ronger, me kristus likam pan pwarado, nan ansau wet kristus likam me toto, me pwaradar, i me kitail asaki, met imwin auer leler.Select 1 John 2:18

19Irail me kola sang kitail, a kaidin kis atail, pwe ma irail kis atail, re pan mimieta re atail. A irail kola sang kitail, pwen sansal, me kaidin irail karos kis atail.Select 1 John 2:19

20A komail keidier ren me saraui, o komail asaer meakaros.Select 1 John 2:20

21I sota inting wong komail er, dene sota asa duen melel, a pwe komail asa, o likam so tapida sang ni melel.Select 1 John 2:21

22Is me likam amen? Kaidin i, me kamamada me Iesus udan Kristus. I me kristus likam, me kamama kida Sam o Na.Select 1 John 2:22

23Amen amen, me kamam kida Na, nan Sam pil sota mi re a, a me ponasa Na, i me pil sapwilim en Sam.Select 1 John 2:23

24Me komail ronger sang ni tapi o, en potopoteta re omail. Ma a pan mimi re omail, me komail ronger sang ni tapi o, komail ap pil pan potopot ren Na o Sam.Select 1 John 2:24

25A iet inau o, me a kotin inauki ong kitail er: Maur soutuk.Select 1 John 2:25

26Mepukat me i inting wong komail er duen irail, me kasapunge komail.Select 1 John 2:26

27A omail kei, me komail aleer re a, pan mimieta re omail. Komail ap solar mau ong, amen en padaki ong komail. A duen kei wet kin padaki ong komail meakaros, iduen me melel, a kaidin likam pot, o duen a padaki ong komail er, iduen komail en dadaurata.Select 1 John 2:27

28Ari sama ko, podidi ong i, pwe ni a pan kotin pwarado, kitail en aima, a so namenok mo a, ni a kotin pwarado.Select 1 John 2:28

29Ma komail asa, me i me pung, komail en pil asa, meamen, me wia me pung, me ipwi sang i er.Select 1 John 2:29