31 John 3

1KILANG song en limpok lapalap, me Sam kotiki dong kitail er, pwe kitail en adane kila seri en Kot, ari, iei kitail. I me sappa sasa kin kitail, pwe re kin sasa i.Select 1 John 3:1

2Kompok kan, kitail ari seri en Kot, ap saikenta sansal, da me kitail pan wiala. Ari so, kitail asa, ni a pwarado, kitail pan duäla i, pwe kitail pan kilang i ni udan mom a.Select 1 John 3:2

3O amen amen, me kaporopor due met, a en kamakelekele pein i duen i me makelekel.Select 1 John 3:3

4Amen amen me kin wia dip, pil kin palian kapung, pwe iei dip palian kapung.Select 1 John 3:4

5O komail asa, i me a pwarado, pwen lapwada dip akan. A dip sota kin mi re a.Select 1 John 3:5

6Meamen, me pot re a, sota kin wia dip; meamen wia dip, sota kilang i o sota dedeki.Select 1 John 3:6

7Sama ko, kalaka, pwe amen de kasapunga komail. Me kin wia pung, nan i me pung amen, due i me pung.Select 1 John 3:7

8Me kin wia dip, i nain tewil, pwe tewil me wia dip sang ni tapi o. I me Sapwilim en Kot kotin pwarado, pwen kawela wiawia en tewil.Select 1 John 3:8

9Meamen me ipwi sang Kot, sota kin wia dip, pwe war a mi re a, o a so kak wia dip, pwe a ipwi sang ren Kot.Select 1 John 3:9

10I me seri en Kot o seri en tewil sansale kida, me so wia me pung, i me so sang ren Kot, o me so pok ong ri a.Select 1 John 3:10

11Pwe iet padak, me komail ronger sang ni tapi o, kitail en pokepoke pena.Select 1 John 3:11

12Kaidin due Kain, me udan me sued amen, ap kamela ri a. Ari, menda a kamela i? Aki a wiawia me sued, a en ri a me pung.Select 1 John 3:12

13Ri ai ko, der puriamuiki, ma men sappa kin tata kin komail.Select 1 John 3:13

14Kitail asa, me kitail daulier mela, ap ko ong maur, pwe kitail kin pok ong ri atail akan. Ari, me so limpok, pan mimieta nan mela.Select 1 John 3:14

15Meamen, me kin tata ki ri a, nan i me kamela men. A komail asa, maur soutuk sota kin mi ren me kamela men.Select 1 John 3:15

16I me kitail diar kida limpok. A kotiki wei maur pweki kitail; kitail ari pwaipwandeki maur atail ong ri atail akan.Select 1 John 3:16

17Meamen me muei met ap kilang ri a dupokala, ap sota sauasa i, iaduen limpok en Kot pan kak mi re a?Select 1 John 3:17

18Sama ko, kitail der pok pena ni lokaia ta o lo, a ni wiawia o melel pot.Select 1 John 3:18

19I me kitail pan asaki, me kitail kisan melel, o kainsenemauiela mongiong atail re a,Select 1 John 3:19

20Pwe ma mongiong atail kadeikada kitail, nan Kot me lapa sang mongiong atail o lelapokki meakan karos.Select 1 John 3:20

21Kompok kan, ma mongiong atail so kadeikada kitail, nan kitail aima ong Kot.Select 1 John 3:21

22O meakot kitail poeki re a, kitail pan tungole sang i, pwe kitail nekinekid a kusoned akan, o wiada meakan, me a kin pole kila.Select 1 John 3:22

23Ietet a kusoned: Kitail en poson mar en sapwilim a Ol Iesus Kristus, o poke pena, duen a kotiki ong kitail kusoned o.Select 1 John 3:23

24A me kin nekinekid a kusoned akan, pan pot re a, o i pan kotikot re a; o iet me kitail asaki, a kotikot re atail: Ngen o, me a kupurai dong kitail er.Select 1 John 3:24