31 Peter 3

1PIL dueta komail li akan, udi ong pein omail warok kan, pwe irail me so poson masan o, en pil dore kila wiawia mau en li akan o arail nenenla.Select 1 Peter 3:1

2Ni arail kilekilang omail wiawia min iangaki lan.Select 1 Peter 3:2

3Arail kapwat ender ni pali liki ni arail ingid pena pit en monga de kapwat ki kold, de diliong nan likau lingan.Select 1 Peter 3:3

4A kapwat me so sansal mi nan mongiong en aramas, me so sor, impai, opampap, iei me kasampwal ren Kot.Select 1 Peter 3:4

5Pwe iduen kapwat en li saraui en kaua kan, me kaporoporeki Kot o duki ong pein arail warok kan.Select 1 Peter 3:5

6Duen Sara, me peiki ong Apraam o kamare kin i: Ai kaun; a komail wiala na seri kan, ma komail pan wiawia mau o sota masak.Select 1 Peter 3:6

7Pil dueta komail ol akan, lelapoki ong omail warok kan, kaka kin irail, pwe koma sosoki pena mak en maur, pwe omail kapakap ender poula.Select 1 Peter 3:7

8A iet imwin mepukat: Komail karos en lamalam ta pot, o pokepok pena, o pok ong ri omail akan, o kadek, o aktikitik.Select 1 Peter 3:8

9Komail der depukki me sued me sued, de lokaia sued lokaia sued, a kapaiada, ap asa, me a kilele ong komail, en sosoki pai kan.Select 1 Peter 3:9

10Pwe me men pok ong maur o inong iong ran mau akan, i en pera sang sued lo a, o kil en au a, pwe re depa kotaue.Select 1 Peter 3:10

11A en muei sang me sued, ap wia me mau, en rapaki popol, ap dadaurata.Select 1 Peter 3:11

12Pwe silang in Kaun o kin pera me pung kan, o karong a me mangi ar kapakap. A silang in Kaun o kin palian irail me wia sued.Select 1 Peter 3:12

13Is i me pan kaokaoe komail, ma komail dadaurata me mau?Select 1 Peter 3:13

14A ma komail kamekameki me pung, komail meid pai; komail der masak irail o der waponda.Select 1 Peter 3:14

15A komail en kasarauiki nan mongiong omail Kaun Kristus. Ansau karos komail en kak sapeng ong amen amen me kalelapok re omail duen kaporopor o, me mi lol omail.Select 1 Peter 3:15

16A mepukat en wiaui nin tiak en opampap, o masak, o insen makelekel, pwe irail, me kinekine likam ong komail ni omail wiawia mau ren Kristus, ren namenokala ni ar karaun kin komail likam.Select 1 Peter 3:16

17Me mau, ma i kupur en Kot, komail kamekameki me mau, sang omail kamekameki me sued.Select 1 Peter 3:17

18Pwe pil Kristus kamekame ki dip pan mepak, me Pung wiliandi me sapung kan; pwen kalua kitail dong Kot. Pali uduk kamekamelar ap kaiasa kida Ngen.Select 1 Peter 3:18

19I me a kotidilang wasa tengeteng, pwen padaki ong ngen akan,Select 1 Peter 3:19

20Me sota peik mas o, ni ansau me Kot kotin auiaui o kanongama ong ir ni muein Noa, ni ansau, me war im wiauier, me malaulau, ir me walemen, maure kila pil o.Select 1 Peter 3:20

21I me pil kin kamaur komail la ansau wet ni paptais a kaidin kaminela pali uduk, pwe inau en insen mau ong Kot eu, ki en Iesus Kristus a iasadar.Select 1 Peter 3:21

22A kotidalang nanlang, kotikot ni pali maun en Kot. Tounlang kan, o lapalap akan, o manaman akan upai ong i.Select 1 Peter 3:22