41 Peter 4

1ARI, pweki Kristus kamekame ki kitail ni pali uduk a, i me komail en pil ale ong komail lamelam ota, pwe me kin kamekame ni pali uduk, muei sanger dip.Select 1 Peter 4:1

2Pwe a der poden dadaurata inong sued en aramas akan, a dadaurata kupur en Kot arain a memaur ni uduk.Select 1 Peter 4:2

3Pwe a itarer, omail wiawia en mas duen lamalam en men liki kan, ni omail kekeid ni tiak sued, o inong sued, o sokolar, o kaped en manga, o kamom soko, o kaudoki ong ani sakanekan.Select 1 Peter 4:3

4I me re puriamuiki, me komail solar kin iang irail ni ar wia sued o kaped en manga, o lalaue.Select 1 Peter 4:4

5A re pan weokadang i, me pan kadeikada me maur o me melar akan.Select 1 Peter 4:5

6Pwe i me rongamau pil loloki ong me melar akan, pwe irail en maurela. Ari so, ni pali war arail re lodi onger kadeik o duen a kin wiaui ren aramas akan, a ni pali ngen arail re memaur duen kupur en Kot.Select 1 Peter 4:6

7A imwin meakaros me korendor, komail ari masamasan o nantiong kapakap.Select 1 Peter 4:7

8A met eta, komail dadaurata omail poke pena, pwe limpok kin pwaindi dip toto.Select 1 Peter 4:8

9Komail apapwali men kairu o der lipalipaned.Select 1 Peter 4:9

10Duen omail aleer omail pai en mak kan, iduen omail papa pena duen saunkoa mau en mak en Kot.Select 1 Peter 4:10

11Ma amen pan wiada padak, a en wiada duen masan en Kot, o ma amen kin papa, a en papa duen Kot kotin kupurai ong i a mana, pwe kaping en ko ong Kot ni meakan karos, ren Iesus Kristus, me wau o manaman en ko ong kokolata soutuk! Amen.Select 1 Peter 4:11

12Kompok kan, komail der puriamuiki songapa ’mail karakar, me pan lel ong komail, pwen kasongesong komail, der lamelame, me komail ta lel ong mepukat.Select 1 Peter 4:12

13A komail peren kida, pwe komail pwaisaneki en Kristus a kamekam, pwe ni a lingan sansaldo, komail pil pan perenda kaualapia.Select 1 Peter 4:13

14Komail meid pai, ma aramas pan kaurur kin komail pweki mar en Kristus! Pwe Ngen en lingan o en Kot kotikot re omail.Select 1 Peter 4:14

15A sota amen re omail en kamekameki kamela aramas, de lipirap, de me wia sued, de kauntenkoma en aramas a wiawia kan.Select 1 Peter 4:15

16A ma a kamekameki a saulang, a ender namenokki; a en kapinga Kot ni mepukat.Select 1 Peter 4:16

17Pwe a leler ansaun kamekam, me pan tapida sang ni tanpas en Kot; a ma a tapida re ’tail, ia pan imwi en me sota poson rongamau en Kot?Select 1 Peter 4:17

18A ma me apwal, en kamaureda me pung o, a ia wasa, me san Kot o me dipan akan pan pwaralang ia?Select 1 Peter 4:18

19Ari, irail me kamekam pan kupur en Kot, ren liki ong Kot melel ngen arail, ni arail wiawia mau.Select 1 Peter 4:19