51 Peter 5

1I panaui saunkoa kan, me mi nan pung omail, pwe ngai pil kisan saunkoa kan o saunkadede en kamekam en Kristus, o pil iang pwaisaneki lingan, me pan kasansaleda.Select 1 Peter 5:1

2Komail kamanga pwin isou en Kot, me mi re omail, a kaidin mansairen, pwe ni insenemau ni omail ariri Kot, kaidin pweki moni, a ni peren o limpok.Select 1 Peter 5:2

3O kaidin akasaupeidi ong momodisou, a men kaalemongi, pwe pwin isou en ale sang.Select 1 Peter 5:3

4Ari, ni en silepa lapalap a pan pwarado, komail pan ale mar en lingan, me sota pan mongela.Select 1 Peter 5:4

5Pil dueta komail me pulepul akan, peiki ong me laud akan. Komail karos upa pena o tengedi ong opampap. Pwe Kot kin kotin palian me aklapalap akan, ap kotin maki ong me karakarak kan.Select 1 Peter 5:5

6Komail ari karakarak pan lim en Kot manaman, pwe a en kotin kasapwil komail ada, ni eu ansau me kon ong.Select 1 Peter 5:6

7Kadakadar ong i omail inong karos, pwe a kin kotin kupuro kin komail.Select 1 Peter 5:7

8Komail lelapok o masamasan, pwe omail imwintiti tewil koko sili dueta laien weriwer amen o raparapaki, me a pan katalala.Select 1 Peter 5:8

9Komail ari kelail palian i o tengeteng ni poson, o asa, me kamekam ota kin lel ong ri omail akan nin sappa,Select 1 Peter 5:9

10A Kot en mak karos, me kotin molipe komail wong a lingan soutuk, ren Kristus, pan kotin kaunsokala, o kakelada, o kamanada, o pasonedi, me pan kalokolok ansau motomot.Select 1 Peter 5:10

11I me udan manaman potopoteta! Amen.Select 1 Peter 5:11

12I inting wong komail kisin likau kis et ren Silwanus ri omail melel, duen me i kin lamelame, pwe i men panaui komail o katiti ong komail, me i eta mak melel en Kot, me komail en keleki.Select 1 Peter 5:12

13Irail, me iang komail pilipildar nan Papilon o nai ol Markus ara ranamau wong komail.Select 1 Peter 5:13

14Komail ranamauiki pena metik en limpok. Popol en mi re omail karos, me warok ki ong er Kristus! Amen.Select 1 Peter 5:14