11 Timothy 1

1PAULUS wanporon en Iesus Kristus amen pan kusoned en Kot Saunkamaur patail o Kristus Iesus, me kitail kaporoporeki,Select 1 Timothy 1:1

2Ong Timoteus nai seri melel ni poson mak o limpok, o popol sang ren Kot Sam o Kristus Iesus atail Kaun.Select 1 Timothy 1:2

3Duen ai poeki re om, en mimieta Episus ni ai pan kola Masetonien, pwe koe en kapung ong akai, ren der wia padak toror.Select 1 Timothy 1:3

4Pil der kamelele kasoi mal o padok en di toto, me kareda akamai ap sota sauasa koa dodok en Kot, me tapi sang poson.Select 1 Timothy 1:4

5Pwe aude pan kusoned limpok sang nan mongiong makelekel, o insen mau, o poson melel.Select 1 Timothy 1:5

6Sang mepukat akai muei sanger, rap wuki ong poupoulap.Select 1 Timothy 1:6

7Re men wiala saunpadak en kapung, ap so weweki, me re inda, o me re kin men padaki kaualap.Select 1 Timothy 1:7

8A kitail asa, kapung me mau, ma amen so kasapunge.Select 1 Timothy 1:8

9O se asa, me sota kapung en wiaui ong me pung amen, a ong me sapung kan, o katiwo kan, o me doo sang Kot akan, o me dipan akan, o me so saraui kan, o me san Kot akan, o me kin kaloke sam ar in ar, o me kamela aramas akan.Select 1 Timothy 1:9

10O me nenek kan, o me madong saut ong ol oko, o me kin pirap aramas akan, o me likam kan, o me kaula likam akan, o ma pil meakot mia, me so kon ong padak en kamour.Select 1 Timothy 1:10

11Duen rongamau en lingan en Kot iasanai me pang dong ia.Select 1 Timothy 1:11

12I ap danke Kristus Iesus atail Kaun, me kotin kamana ia da o kamelel ia ni a kotin kasapwil ia dang dodok.Select 1 Timothy 1:12

13Pwe mas o ngai lalaue amen, o kaloke saulang kan, o lolap amen, ari so i diaradar mak o, pwe i wiadar mepukat ap sasa o ni ai soposon.Select 1 Timothy 1:13

14A mak en atail Kaun me lapalap alar kaualap ni poson o limpok, me mi ren Kristus Iesus.Select 1 Timothy 1:14

15Melel lepen kasoi lep, o me mau ong kamelele: Kristus Iesus pwara dong sappa, pwen dorela me dipan akan; a ngai me sued sang karos.Select 1 Timothy 1:15

16Ari so, i diaradar mak o, pwe Iesus Kristus en kotin kasaleda a kanongama lapalap re i, pwe men kaalemongi ong me pan poson, pwen maur soutuk.Select 1 Timothy 1:16

17A Nanmarki potopot, me so kak mor pasang, o so sansal, i Kot eta. Wau o lingan en ko ong i potopoteta! Amen.Select 1 Timothy 1:17

18Kusoned wet i men pang ong uk, nai seri Timoteus, duen deideikop akan, me wiaui ong uk er, pwe ren sauasu uk, en wia pei mau eu,Select 1 Timothy 1:18

19Ni om dadaurata poson o kanakanai ong insen om mau, me akai pein kase sang irail, ap peila sang nin poson.Select 1 Timothy 1:19

20Amen irail Imenäus o amen Aleksander, me pangalang Satan, pwe ren lelapok ki kalokolok, ap solar lalaue.Select 1 Timothy 1:20