112 Corinthians 11

1I mauki, komail en mueid ong ia kisin pweipwei, iei ta komail pan mueid ong ia.Select 2 Corinthians 11:1

2Pwe ngai me per kin komail dueta Kot, pwe ngai me kileledier komail ong ol amen, pwe i en kasale komail ong Kristus duen seripein makelekel amen.Select 2 Corinthians 11:2

3A i masak serpent widingok, me kotaue Ewa, ma a sota pan pil kawela omail lamelam sang ni opampap en Kristus.Select 2 Corinthians 11:3

4Pwe ma amen pan pwarado, me kin padaki duen amen Iesus, me se sota padaki, de ma komail pan ale eu ngen, me komail sota aleer, de eu rongamau, me komail sota wuki ong, kaidin komail pan peren kida?Select 2 Corinthians 11:4

5Pwe i lamelame, me ngai kaidin tikitik sang wanporon lapalap akan.Select 2 Corinthians 11:5

6A ma i sota koiok ong lokaia a kaidin ni ai dedeki, pwe kit sansal ong komail ni song o wasa karos.Select 2 Corinthians 11:6

7De ngai me wiadar dip eu ni ai akmalkila pein ngai? Pwe komail en indandala ki ai padaki ong komail rongamau en Kot so pwaipwai.Select 2 Corinthians 11:7

8I atia sang momotisou tei kan ni ai aleer pwain en dodok, pwe i en kak dodok ong komail.Select 2 Corinthians 11:8

9O ni ai mimi re omail o lao samamala, kaidin amen, me i uki pa meakot, pwe ni ai solar ai meakot, ri atail akan me kodo sang Masetonien me kisa dong ia; ngai ari sota katoutoui komail ni meakot, o i pil pan due!Select 2 Corinthians 11:9

10A duen melel en Kristus mimi lol i, iduen i sota pan mueid ong amen, en kawela kaping wet nan sap en Akaia kan.Select 2 Corinthians 11:10

11Pwekida? Pweki ai so pok ong komail? Kot me kotin mangier.Select 2 Corinthians 11:11

12A me i kin wia, i me i pan wiada, pwen kawela karep en akai me inong iong karep en ar suaiki dene irail dueta kit, sota lipilipil is i.Select 2 Corinthians 11:12

13Pwe wanporon likam pukat o toun dodok likam akan irail, kin kawukilang wanporon akan en Kristus pein irail.Select 2 Corinthians 11:13

14A kaidin kapuriamui eu, pwe iduen Satan kin kawukila pein i, wuki ong tounlang en marain amen.Select 2 Corinthians 11:14

15I me kaidin kapuriamui eu, ma nä papa kan pil pan wukilang papa en pung kan; a imwilar pan duen ar wiawia kan.Select 2 Corinthians 11:15

16I purong indada, sota amen en akpweipwei kin ia, a ma iei, komail ap maki ong ia ai pweipwei, pwe i en suai kin ia ekis.Select 2 Corinthians 11:16

17A me i inda, kaidin Kaun o me i pwili sang, pwe a tapi sang ni tiak en pweipwei, pwe i suaiki pein ngai;Select 2 Corinthians 11:17

18Pwe me toto kin suaiki ni pali uduk, i pil pan suaiki pein ngai.Select 2 Corinthians 11:18

19Pwe komail kin mauki me lolepon kan, pweki komail me lolekong.Select 2 Corinthians 11:19

20Pwe komail kin mueid ong amen, en wia kin komail ladu kan, de ma amen kaloke komail, de ma amen kuli komail edi, de ma amen aklapalap, de ma amen pikir komail.Select 2 Corinthians 11:20

21Mepukat i indang komail, pwen kanamenok ki komail, dene kit luetalar. A ma meamen aima, ngai pil aima, i kin lokaia nin tiak en pweipwei.Select 2 Corinthians 11:21

22Irail men Ipru, pil ngai; irail men Israel, pil ngai; irail kadaudok en Apraam, pil ngai;Select 2 Corinthians 11:22

23Irail me papan Kristus, i kin lokaia dueta me iak amen, ngai me lapa sang; ai dodok laud sang, i kalokolok laud sang; i salidier toto sang, i koren iong mela pan pak toto.Select 2 Corinthians 11:23

24Pan me limpak Sus oko ki ong ia wok paeisok, eu katoror sang,Select 2 Corinthians 11:24

25A pan me silepak re woki kin ia sokon; pan mepak me i pakasuk; pan me silepak takepa i sop olar; pong o ran, me i pepe sili nan madau.Select 2 Corinthians 11:25

26Ai sailok me toto; i diar ai apwal nan pilap akan; i diar ai apwal ren lolap akan; i diar ai apwal ren ai kainok; i diar ai apwal nan sap tan; i diar ai apwal nan madau; i diar ai apwal ren saulang likam akan;Select 2 Corinthians 11:26

27Ni dodok apwal, ni songsongemas, ni men mangadar o men nim piladar, ni isesol pan pak toto, ni pou o so kidi pa;Select 2 Corinthians 11:27

28O me pil kin lel ong ia ni ran karos, o ai apapwali momodisou akan karos.Select 2 Corinthians 11:28

29Is me luet, a ngai sota pan luet? Is me kin kamakar, a ngai so?Select 2 Corinthians 11:29

30Ma i en suaiki, i pan suaiki ai luet.Select 2 Corinthians 11:30

31Kot o Sam en Kaun Iesus, me iasanai kokolata, kin mangi, me i sota kin likam.Select 2 Corinthians 11:31

32Nan Damaskus nain nanmarki Aretas kopina amen sinsila kanim en men Damaskus ni a inong iong saik ia di.Select 2 Corinthians 11:32

33I ap apikidi kopou eu sang ni wanim tuk en kel o, ap piti sang ni pa a kan.Select 2 Corinthians 11:33