32 Corinthians 3

1A IADUEN kit pil kaindandeki pein kit? De ngai me mau ong kisin likau en kaping ong komail de sang komail?Select 2 Corinthians 3:1

2At kisin likau komail, me intingidi ong nan mongiong it, me aramas akan karos kin asa o wadok.Select 2 Corinthians 3:2

3Pwe komail sansaleda, me komail kisin likau en Kristus, me wiauier re at ni at papa, me kaidin intingidier ki ingk, a Ngen en Kot ieias; pil kaidin pon slet takai, pwe slet uduken en mongiong akan.Select 2 Corinthians 3:3

4Iei atail kaporoporeki Kristus mon Kot.Select 2 Corinthians 3:4

5Pwe kaidin udan at koiok, me se kak lamelameki meakot, me tapi sang pein kit, pwe at koiok tapi sang ren Kot,Select 2 Corinthians 3:5

6Me pil kotin kaiane kin kit, en papa en inau kap kaidin inau, me intingidier, a inau en ngen. Pwe inting kin kamela, a ngen kin kotin kamaureda.Select 2 Corinthians 3:6

7A ma dodok en mela, me intingidier nan pali en takai, me lingan, pwe seri en Israel akan sota kak kilang silang en Moses, pweki lingan en silang i, a lingan wet eu, me pan soredi,Select 2 Corinthians 3:7

8Daduen, dodok en ngen a sota pan lingan sikida sang?Select 2 Corinthians 3:8

9Ari, ma dodok en kadeik o me lingan, nan melel kaualap, dodok en pung me lingan melel.Select 2 Corinthians 3:9

10Pwe men moa me kalinganadar sota kak paroki ong lingan wet.Select 2 Corinthians 3:10

11A ma lingan mia ren me pan sorela, iaduen wan lingan en me pan mimieta!Select 2 Corinthians 3:11

12Ni at kaporoporeki mepukat, kit kin aima melel.Select 2 Corinthians 3:12

13O kaidin dueta Moses, me pera kila likau eu silang i, pwe seri en Israel akan ender kilang imwi en me pan nikila.Select 2 Corinthians 3:13

14A mongiong arail me kapitakailar. Pwe lao lel ran wet pera o mimieta ansaun ar wadawadok inau maring; ari, pera o me saroka sanger ren Kristus.Select 2 Corinthians 3:14

15A lao lel ran wet ni arail wadawadok Moses, pera mimieta mon mongiong arail.Select 2 Corinthians 3:15

16A ma re pan wuki ong Kaun o, pera o pan saroka san.Select 2 Corinthians 3:16

17Kaun o iei Ngen, a wasa me Ngen en Kaun kotikot ia, nan i wasan maio.Select 2 Corinthians 3:17

18A kitail karos, me mas atail so perapa, kin ududial lingan en Kaun o, ap wuki ong ni mom ota o kakairida ni lingan pweki Kaun iei Ngen.Select 2 Corinthians 3:18