13Acts 13

1NAN momodisou en Antiokien saukop o saunpadak kai mia. Iet akan: Parnapas, o Simeon me pil ad a Niker, o Lusius men Kirene, o Manaen, me iang monsap Erodes apwalidar, o Saulus.Select Acts 13:1

2A ni arail papa ong Kaun o, o kaisesol, Ngen saraui ap kotin masani: Katorore sang ong ia Parnapas o Saulus, pwen wia dok eu, me I ki ong ira er!Select Acts 13:2

3Irail ap kaisesol o kapakap o kidang po ’ra pa ar, re ap kadar ira wei.Select Acts 13:3

4Ira ari me pakadara kila Ngen saraui ap kotila Seloisia, wasa ira kereda pon sop pot tangalang Sipern.Select Acts 13:4

5Ira lao mi Salamis, ap padaki duen masan en Kot nan sinakoke en Sus akan. A Ioanes papa men pil iang ira.Select Acts 13:5

6Irail lao kakan sili nan dake lel kanim Papos, rap diaradar ol amen, me kin kati ani, saukop likam amen, kisan men Sus, ad a Par Iesus,Select Acts 13:6

7Me kin mi ren Serkius Paulus ol lelapok amen. I me ekere dong i Parnapas o Saulus, pwe a men rongerong masan en Kot.Select Acts 13:7

8A Elimas widingak (pwe i wewe en ad a) palian ira, pwen kapure sang saumas ni poson o.Select Acts 13:8

9Saulus, me pil adaneki Paulus, dir en Ngen saraui, kangkakil i,Select Acts 13:9

10Indada: Koe meid dir en widing o mesued, o nain tewil o me kailongki me pung karos. Koe sota pan dukedi sang palian al inen en Kaun akan.Select Acts 13:10

11A kilang met, lim en Kaun o mi po om. A koe pan maskun, ap solar kilang katipin ansau kis. Ari, a madang ediedelar o rotalar; i ap raparapaki sili men ale pa a, en kaweid i.Select Acts 13:11

12Saumas lao masani me wiauier, ap posonlar, pwe a puriamuiki padak en Kaun o.Select Acts 13:12

13Paulus o a warok kai ap kotila sang Papos tangatang ko dong Perke nan wein Pampilia. A Ioanes muei sang ira, purelang Ierusalem.Select Acts 13:13

14A ira masalewei sang Perke o kotilang Antiokien en Pisidien o kotilong ong nan sinakoke ni ran en sapat kaipokedi.Select Acts 13:14

15A lao nikier ar dondoropwe kapung o saukop akan saumas en sinakoke kai ap ilakilang ira masani: Ri (at) oko ma masan en panau pot ong aramas pukat mi re oma, koma ari kida!Select Acts 13:15

16Paulus ap kotida ololeki lim a masani: Ol en Israel komail o me kin masak Kot, komail en rong!Select Acts 13:16

17Kot en men Israel pukat, me kotin piladar sam atail akan o kapakapaiada aramas oko ni ar kakairu sili Äkipten, o lim a manaman, me a kotin kalua kin irail sang wasa o.Select Acts 13:17

18A impan saunpar paeisok a kotin apapwali irail nan sap tan.Select Acts 13:18

19Kadekadeo a lao kotin koko sang wei isu nan Kanaan, ap kotin nek ong irail sap arail.Select Acts 13:19

20O murin met a kotiki ong irail saunkapung kan irerokedo par papuki limeisok lel ong saukop Samuel.Select Acts 13:20

21A sang ni ansau o re inong iong nanmarki amen. Kot ap kotiki ong ir Saul nain Kis, ol en kadaudok en Peniamin amen, saunpar paeisok.Select Acts 13:21

22A lao kasapokelar, ap kotiki ong irail Dawid, pwen nanmarki, me a pil kotin kileledier masani: I diaradar Dawid nain Iese, ol amen duen inong en mongiong i, me pan wiada insen ai karos.Select Acts 13:22

23Sang nan kadaudok a Kot kotikido Iesus, pwen Saunkamaur pan men Israel, duen sapwilim a inau.Select Acts 13:23

24Murin Ioanes a kotin padaki ong men Israel karos duen paptais en kalula mon a kotido.Select Acts 13:24

25A Ioanes lao kapwaiada sapwilim a dodok, ap kotin masani: Is me komail lamelame me ngai? Kaidin ngai i. A kilang amen kotido, kisin sal en sapwilim a sut i sowar en lapwada.Select Acts 13:25

26Komail ol o ri ai kan, komail kadaudok en Apraam, o meamen me masak Kot re omail, padak en kamaur pot et pakadara dong komail.Select Acts 13:26

27Pwe me kaukauson Ierusalem o ar saumas akan kapwaiada kokop en saukop akan, me kin wadawad ni sapat akan karos ni ar kadeikada i, pweki re sasa i.Select Acts 13:27

28A sota me re diaradar, me a kak kamata kila. Ari so, re poeki ren Pilatus, me a en kamatala i.Select Acts 13:28

29Irail lao kapwaiada karos, me intingkidi i, re ap kidi sang i nin tuka o kidi i nan sousou o.Select Acts 13:29

30A Kot me kotin kaiasada i sang ren me melar akan.Select Acts 13:30

31O ran toto me a kotin pwara dong me iang i kotilang Ierusalem sang Kaliläa, me sapwilim a saunkadede ong aramas akan.Select Acts 13:31

32A kit padaki ong komail rongamau duen inau ong sam atail akan,Select Acts 13:32

33Me Kot kotin kapwai ong kitail nairail seri kan, ni a kotin kaiasadar Iesus duen a intingidier nan psalm kariau: Koe nai Ol, I kanaitik uk adar ran wet.Select Acts 13:33

34A duen a kotin kaiasada i sang ren me melar akan, pwen der mor pasang, i me a kotin masanieki met: I pan ki ong komail pai melel en Dawid akan.Select Acts 13:34

35I me a pil masanieki ekis wasa: Re sota pan kotin mueid ong, sapwilim ar Saraui o pan mor pasang.Select Acts 13:35

36Pwe Dawid lao kapwaiada a papa ong kupur en Kot ni a ansau, ap saimokelar, a saredier impan sam a ko, ap mor pasang.Select Acts 13:36

37A i me Kot kotin kaiasadar, nan a sota kotin mor pasang.Select Acts 13:37

38Ari ri ai kan, komail asa, me lapwa pan dip akan ren men et kin kaloki ong komail.Select Acts 13:38

39A me pan poson i, nan i me pungalar sang meakaros, me komail sota kak pung kila kapung en Moses.Select Acts 13:39

40Ari, komail kalaka, pwe a depa pwai ong komail, me saukop akan masanier:Select Acts 13:40

41Kilang, komail me kin lalaue, puriamuiki o soredi, pwe I pan wia dodok eu ni omail ansau, me komail sota pan kamelele, ma amen pan kasokasoi ong komail due.Select Acts 13:41

42Irail lao pedoi sang ap poekipoeki, kasoi pukat en kalok ong irail ni ran en sapat kokodo.Select Acts 13:42

43A saraui lao nikier, men Sus o Proselit lelapok toto idauenla Paulus o Parnapas, me mamasani ong irail o panaui irail, ren podidi ong mak en Kot.Select Acts 13:43

44A ni sapat kokodo karos toun kanim o pokon pena, pwen rong masan en Kot.Select Acts 13:44

45A Sus akan lao kilanger pokon o, ap pepeirinki o lidere meakan, me Paulus kaweweda; re palian o lalaue.Select Acts 13:45

46A Paulus o Parnapas ap so masak katitiki: Masan en Kot en loki dong komail mas, a pweki omail kase sang, o wia kin komail sowar ong maur soutuk, kilang, se sope wei ong men liki kan.Select Acts 13:46

47Pwe iet duen me Kaun o kotin masani ong kit: Ngai me kasapwil uk adar, pwen marain pan men liki kan, pwe koe en kamaur sili lel sap karos.Select Acts 13:47

48Men liki kan lao rongadar met, ap peren kidar, o kapinga masan en Kot o karos, me kileledi ong maur soutuk, posonlar.Select Acts 13:48

49A masan en Kaun o lolok sili nan wei kan karos.Select Acts 13:49

50A Sus oko kamakarada li saupeidi lelapok o saumas en kanim kan, o kapei ong Paulus o Parnapas aramas o kasapoke ir sang nan sap arail,Select Acts 13:50

51A ira sipede sang ni aluwilu ar pwel, pwen kadede ong irail, ap kotilan Ikonien.Select Acts 13:51

52A tounpadak kan me dir kila peren o Ngen saraui.Select Acts 13:52