14Acts 14

1A IET me wiauier nan Ikonien: Ira karos kotilong ong nan sinakoke en Sus oko, ap padapadak kelail, lao kisan men Sus o Krik toto posonla.Select Acts 14:1

2A Sus oko, me so poson, kamokimokid men liki kai o kalolap irail ong saulang kan.Select Acts 14:2

3A ira mimieta warai wasa o, o aima padapadak duen kupur en Kaun o, me kotin kapwaiada masan en kupur a, ni a kotin kasaleda kilel o manaman akan ki lim ara.Select Acts 14:3

4A toun kanim liak toror pasang. Akai me iang Sus oko, a akai iang wanporon akan.Select Acts 14:4

5A moromorong lao wiauier sang ren men liki kan o pil Sus oko iangaki ar saumas akan, pwen kame o kate ira,Select Acts 14:5

6Ira lao mangier, ap pitilang kanim Likaonien, o Listra, o Derpe, o sap me mi imp a,Select Acts 14:6

7Wasa o ira padapadak rongamau.Select Acts 14:7

8A ol amen momod Listra, me pat en nä luet o kokon dangidang sang ni a tikitik, me saikenta alu.Select Acts 14:8

9I me kin rongerong en Paulus a padak. A lao masani i, ap kotin kasauiada, me a poson itar ong en kakelailada,Select Acts 14:9

10Ap kotin kapitie laudeda masani: Ukida nä om! I ari masiokadar o aluwei.Select Acts 14:10

11Aramas lao kilanger, me Paulus kotin wiadar, rap ngilada kapitiki nin lokaia en Liakonien: Kot akan wia aramasala ap koti dong kitail.Select Acts 14:11

12Irail ari ki ong mar en Parnapas Iupiter, a Paulus Merkurius, pweki a kaunda kaparok.Select Acts 14:12

13A samero en Iupiter, me kin mi mon kanim o, ap wado kau ol o al en tuka kai mon kanim o, ap men iang pokon o wia mairong isis.Select Acts 14:13

14A wanporon oko Parnapas i Paulus lao mangi mepukat, ira ap ter pasang ara likau o tang wong nan pung en aramas akan likelikwir:Select Acts 14:14

15Maing ko, da me komail wiawiaki mepukat? Kit aramas dueta komail, ap padaki ong komail, pwe komail en wuki sang kot mal pukat, wuki ong Kot ieias, me kotin kapikadar lang, o sappa, o sed, o audepa ’rail karos.Select Acts 14:15

16Me kotin mueid ong toun sap karos en wia pein insen ar mas o.Select Acts 14:16

17Ari so, a sota kotin okila pein i, pwe a kotin wiawia mau o kotiki ong komail katau sang nanlang o rak o, o kadireki nan mongiong omail manga o peren.Select Acts 14:17

18Ira kotin masani mepukat, a ekis ta, ira sota kak katukiedi en pokon o ar pan mairong ong ira.Select Acts 14:18

19A Sus oko ap kodo sang Antiokien o Ikonien, kamakarada aramas. Ir ari kate Paulus o uradokilang likin kanim o, re ap kiki ong, me a matalar.Select Acts 14:19

20A ni en tounpadak kan ar kapil pena i, a kotida ap kolong ong nan kanim o, a manda a iang Parnapas koieila Derpe.Select Acts 14:20

21Ira lao padapadak rongamau nan kanim o, o kasaulangalar me toto, ira ap purela Listra, o Ikonien, o Antiokien.Select Acts 14:21

22Ira kakelada ngen en tounpadak kan o panaui irail, me ren dadaurata poson, o me kitail en leleki wein Kot kamekam toto.Select Acts 14:22

23Ira lao kasapwilada saunkoa kai nan momodisou karos, ap kapakap o kaisesol, ap kapakapa ki irail ren Kaun o me re posonlar.Select Acts 14:23

24Ira kakan sili Pisidien ap lel ong Pampilien.Select Acts 14:24

25Ira lao padaki duen masan o nan Perke, ap kotilang Atalien.Select Acts 14:25

26A sang ni wasa o ira tangalang Antiokien, wasa ira sapwile kidar mak en Kot ong dodok o me ira kapwaiadar.Select Acts 14:26

27Ira lao pwarador, ap kapokon pena momodisou, rap kotin kasoia ong irail duen en Kot a kotin wiaki ira, o duen a kotin ritingada wanim en poson en men liki kan.Select Acts 14:27

28Ira ap kotikot warai ren tounpadak kan.Select Acts 14:28