15Acts 15

1A AKAI me kodido sang Iudäa, ap padaki ong saulang kan: Ma komail sota sirkomsais duen tiak en Moses, komail sota pan kak maurela.Select Acts 15:1

2A irail lao liak toror pasang o akakamai ong Paulus o Parnapas, re ap inauki pena, me Paulus i Parnapas, o pil akai irail en kotidalang Ierusalem ren wanporon o saunkoa kan pweki mepukat.Select Acts 15:2

3Momodisou ap likid ir wei lao ekis wasa. Irail ap weweid nan Pönisien o Samaria o kasokasoiada duen en men liki ar wukila. Irail ari kaperenda melel saulang kan karos.Select Acts 15:3

4Irail lao lel Ierusalem, momodisou o wanporon, o saunkoa kan ap kasamo ir. Irail ap katitiki meakan, me Kot kotin wiaki irail er.Select Acts 15:4

5A akai kisan pwin en Parisär, me saulangalar, me uda indada: Me pung, en sirkomsais ir ala, o kapi ong irail, en wiawia kapung en Moses.Select Acts 15:5

6A wanporon o saunkoa kan pokon pena, pwen kaparok duen met.Select Acts 15:6

7Irail lao kapukapung pena warailar, Petrus ap kotida masani ong irail: Ri ai kan, komail asa, me mas o Kot kotin pil ia dar sang nan pung omail, pwe men liki kan en ronga sang nan au ai masan en rongamau o posonla.Select Acts 15:7

8A Kot me kotin ereki mongiong en aramas, kotin kadede irail o kotiki ong irail Ngen saraui dueta kitail,Select Acts 15:8

9O a sota kotin wiada irair eu nan pung en kitail o irail ni a kotin kamakel mongiong arail ki poson.Select Acts 15:9

10Ari, da me komail kasongesongki Kot, en kidang pon pop en tounpadak kan lopu eu, me sam atail akan o pil kitail sota kak wa.Select Acts 15:10

11A kitail kin kamekamelele, me kitail pan kamaureki mak en Kaun Iesus Kristus dueta irail.Select Acts 15:11

12A pokon o nenenlata o rongerong en Parnapas i Paulus ara katiti duen manaman oko o kilel kai, me Kot kotin wia kidar lim ara nan pung en men liki kan.Select Acts 15:12

13Irail lao nenenlar, Iakopus ap kaparok masanida: Ri ai kan komail rong ia!Select Acts 15:13

14Simon me kasoiada duen en Kot a kotin pwara dong men liki kan ni tapi o pwen pili sang irail kainok eu ong mar a.Select Acts 15:14

15Pwe iduen masan en saukop akan duen a intingidi:Select Acts 15:15

16Murin mepukat I pan puredo o kawiliakapada im en Dawid, me rongki pasanger, o pur ong kauada wasa me olar.Select Acts 15:16

17Pwe luan aramas akan en raparapaki Kaun o, pil men liki kan, me wan ad ai, iei me Kaun o masaniadar, me kin kotin wiawia.Select Acts 15:17

18Mepukat me lolok sang ni tapi o.Select Acts 15:18

19Ari iet me i kasauiada, kitail ender katoutoui irail me wuki ong Kot sang ren men liki kan.Select Acts 15:19

20A sen intinge wong irail, ren liki sang kasaut en kot mal akan, o nenek, o man mopelar akan, o nta.Select Acts 15:20

21Pwe sang mas kokodo saunkawewe en Moses kin mi nan kanim karos, pwe re kin padapadak duen i nan sinakoke kan ni ran en sapat akan karos.Select Acts 15:21

22Wanporon o saunkoa kan, o momodisou ap maukidar, en pilada ol akai sang ar pokon o porone ira wei iang Paulus i Parnapas, en kotila Antiokien: Iudas, me pil ad a Parnapas o Silas, ol pukat, me kaun pan saulang kan.Select Acts 15:22

23A iet eten, me re intingiedier ap kadar wong irail: Iet kit wanporon o saunkoa kan o saulang kan kadar wong komail, ri at akan, me ko sang ren men liki kan nan Antiokien, o Sirien, o Sisilia at ranamau.Select Acts 15:23

24Aki at ronger, me akai, me koiei sang re at, kin kaponepone kin ngen omail ar padak kan ni ar kasapunge komail lar indada: Komail en sirkomsais o kapwaiada kapung o; a se sota ki ong irail kusoned akan.Select Acts 15:24

25Kit ap wiaki eu ni at maukidar en piladar ol akai, ap kadar wong komail iangaki kompoke pat Parnapas o Paulus.Select Acts 15:25

26Ol oko me tonmeteki maur ara ong mar en Kaun Iesus Kristus.Select Acts 15:26

27Kit ari kadar wei Iudas o Silas, me pil pan kasoi ong komail mepukat.Select Acts 15:27

28Pwe Ngen saraui o kit kin kupukupura, me mau, se ender ki ong komail eu lopu; mepukat eta me kasampwal:Select Acts 15:28

29Komail liki sang uduk, me mairong ong kot likam, o nta, o man mopelar, o nenek. Ma komail liki sang mepukat, nan komail kin wiawia me mau. Ran kaselel!Select Acts 15:29

30Irail lao pakadarala, ap kotilang Antiokien, re ap kapokon ir pena, ki ong irail kisin likau o.Select Acts 15:30

31Irail lao wadoker, ap peren kidar kamait parail.Select Acts 15:31

32A Iudas i Silas, me pil saukop oko panaui kin saulang kan kasoi toto o pil katinai ir ada.Select Acts 15:32

33Irail mi wasa o lao ran akai, ap pakadarala popol sang ren saulang kan, pwe ren kola ren me kadar ira ala.Select Acts 15:33

35A Paulus i Parnapas kotikoteta Antiokien, kawewedar o padapadaki masan en Kaun o, o me toto pil iang.Select Acts 15:35

36Kadekadeo murin ran akai Paulus masani on Parnapas: Kita pan purela ren saulang kan, me mi kanim akan, wasa kita padakier duen masan en Kaun o, o kalekalelapok due ’rail.Select Acts 15:36

37A Parnapas men ukada Ioanes, me pil ad a Markus.Select Acts 15:37

38A Paulus kupura, me a sota mau, ira en ukada i, me muei sang ira nan Pampilien o solar iang ira kolang dodok.Select Acts 15:38

39Ira ari akamai pena lao ira muei pasang. Parnapas ari ukada Markus tanga wong Sipern.Select Acts 15:39

40Paulus piladar Silas ap kotila. A saulang kan mueidela ira ni mak en Kot.Select Acts 15:40

41I ari kakan sili nan Sirien o Silisia katinada momodisou kan.Select Acts 15:41