18Acts 18

1MURIN mepukat a kotila sang Aten o kotilang Korint,Select Acts 18:1

2A lao diaradar Sus amen me ad a Akwila me ipwidier Pontus, me apton kodo sang Italien o a paud Prisila, aki Klaudius masani, me Sus oko karos en kokoke sang Rom, i ari kotilang re ’ra.Select Acts 18:2

3O kotikot re ’ra, iang dodok, pwe ira song ta ieu wiada im likau.Select Acts 18:3

4O ni ran en sapat karos a kin kotin padapadak nan sinakoke o kalekalolekonge men Sus o men Krik kan.Select Acts 18:4

5A Silas o Timoteus lao kodido sang Masetonien, Paulus kotin sopisokki kaualap padak o, pwe a kadede ong Sus akan, me Iesus me Kristus.Select Acts 18:5

6A irail lao akamai o lalaue, a ap sipededi sapwilim a likau masani ong irail: Dip omail en kapokon ong pein komail. Ngai me makelekel sang met, i pan kola ren men liki kan.Select Acts 18:6

7I ari kotila sang wasa o ap kotilang nan im en amen me ad a Sust me kin kaudok ong Kot, me im a pat ong sinakoke.Select Acts 18:7

8A Krispus, saumas en sinakoke posonla Kaun o, iangaki karos toun im a; toun Korint me toto lao rongada, ap posonla o paptaisela.Select Acts 18:8

9Kaun o ap kotin masani ong Paulus ni a auramen ni pong: Der masak, padapadak ender nenenla!Select Acts 18:9

10Pwe Ngai iang uk, o sota me pan sair uk, pwen kame uk, pwe nai aramas me toto nan kanim wet.Select Acts 18:10

11I ari kotikot wasa o par eu o saunipong wonu kaweweda masan en Kot nan pung arail.Select Acts 18:11

12Ni muein Kalion kakaundar Akaia, Sus akan ap wiaki eu, saikidi Paulus o wa dong i mon mol en kadeik o,Select Acts 18:12

13Indada: Lap men et kin pitipiti aramas, ren kaudok ong Kot ap palian kapung.Select Acts 18:13

14Paulus lao men masanda, Kalion ap masani ong Sus oko: Komail Sus oko, ma sapung eu de me sued kot, i pan rong komail.Select Acts 18:14

15A ma akamai duen lamalam, o ad akan, o omail kapung, nan pein komail pan wia, pwe ngai sota men saunkapung pan mepukat.Select Acts 18:15

16I ari siken ir wei sang ni mol en kadeik o.Select Acts 18:16

17A karos ap saikidi Sostenes, saumas en sinakoke o woki i mon mol en kadeik o. A Kalion sota insenoki mepukat karos.Select Acts 18:17

18Paulus lao kotikot wasa o ran toto, ap kotin kamurimuri ong saulang kan o iangala sop pot kotilang Sirien; Prisila i Akwila iang i. Mas a kotin kotedar tapwi nan Kenkräa, pwe a inau mia.Select Acts 18:18

19I ari supi ong Episus, pwilikidi ong ira wasa o, a pein i kotilong ong nan sinakoke o kaparok ong Sus oko.Select Acts 18:19

20Irail poeki i, en mimieta re ’rail ansau warai, a sota kotin duki ong.Select Acts 18:20

21O a kotin kamurimuri ong irail masani: I udan iang kamadip kokodo nan Ierusalem. A ma Kot pan kotin mueid ong ia, i pan pure dong komail. A ap kotin masel sang Episus.Select Acts 18:21

22A lao kotin keredi Säsarea, ap kotidala ranamau ong momodisou ap kotilang Antiokien.Select Acts 18:22

23A kotikot wasa o ansau kis, ap kotila kakan sili nan wein Kalatia, o Prikien, kakelada tounpadak kan karos.Select Acts 18:23

24A men Sus amen, me ad a Apolus, me tikidar Aleksandrien, iei ol kadek lokaia, o me ereki kisin likau kan, a ko dong Episus.Select Acts 18:24

25Men et aleer padak ni al en Kaun o, o a kelail ni ngen e, a padapadak o kaweweda mau meakan duen Iesus; a paptais en Ioanes me a asa.Select Acts 18:25

26I ari tapiada aima padapadak nan sinakoke. A Akwila o Prisila lao rong i, ap uke dong ira i, kawewe ong i al en Kot.Select Acts 18:26

27A lao men kola Akaia, saulang kai ap inting wong tounpadak kan, poeki re ’rail, ren kasamo i. I lao pwarado, ap sauasa irail, me poson kilar mak en Kot.Select Acts 18:27

28Pwe a manaman ong Sus akan, kasale ong irail sang kisin likau kan me Iesus me Kristus.Select Acts 18:28