19Acts 19

1A ni ansau Apolus mi Korint, Paulus kotin kakan sili sap en pali poa kan, ap lele dong Episus wasa a diarada tounpadak kai.Select Acts 19:1

2A kotin masani ong irail: Komail aleer Ngen saraui ni omail posonlar? Irail potoan ong i: Se sota man rong, me Ngen saraui mia.Select Acts 19:2

3A ap kotin masani: A is, me komail paptais ong? Irail inda: Ong paptais en Ioanes.Select Acts 19:3

4Paulus masani: Ioanes paptais ki paptais en kalula, ni a masani ong aramas akan, me ren poson i me pan pwarado mur i, i Iesus.Select Acts 19:4

5Irail lao rongadar met, re ap paptais ong mar en Kaun Iesus.Select Acts 19:5

6Paulus lao kotin pwil po ’rail lim a kan, Ngen saraui ap kotidi po ’rail, irail ari lokaia ngil toror pasang o deideikop.Select Acts 19:6

7A ir ol oko me ekriamen.Select Acts 19:7

8I ari kotin purepure nan sinakoke o aima padapadak saunipong silu, kapakaparok o kawewedar meakan duen wein Kot.Select Acts 19:8

9A akai lao kapitakailar, o so poson, o lokelokaia sued ong aramas akan duen lamalam, a ap saupei sang irail o katorela tounpadak kan, o padapadaki ong irail nan im en padak en TiranusSelect Acts 19:9

10Mepukat wiauier saunpar riau; toun Asien karos ari rongada masan en Kaun o, men Sus o men Krik karos.Select Acts 19:10

11O Kot me kotin wia kida lim en Paulus manaman kapuriamui akan.Select Acts 19:11

12Re pil aleer lim en pudo o likau moa sang pali war a, pwilikidi ong me somau kan, somau o ap sare sang, o ngen sued akan keredi sang.Select Acts 19:12

13Men Sus widingok kai, me kin koko sili kati ani, ap song sakaraki dong irail, me tanwar en ngen sued kai, mar en Kaun Iesus, indada: Kit kaukilang komail Iesus, me Paulus kin padapadak due.Select Acts 19:13

14A ol isimen mia nain samaro lapalap Skepas, ol en Sus amen, me wiadar mepukat.Select Acts 19:14

15A ngen sued sapeng irail indada: I asa Iesus, o i asa duen Paulus, a komail, is komail?Select Acts 19:15

16A aramas o, me ngen sued mi poa, ap luse dong irail o kaloe irail edi. Ir ari tanga sang nan im o kiliso o kili olar.Select Acts 19:16

17A met lok sili ren men Sus o Krik akan, me kauson Episus. O masak kipa irail edi, o mar en Kaun Iesus me lomuinlar kaualap.Select Acts 19:17

18O me iang posonlar me toto kodo weokadar o kasaledar arail wiawia kan.Select Acts 19:18

19O pil me toto, me kati ani, wa pena nairail puk o isik ir ada mon karos; ir ari wadok pwain ar o diar, me a dok ong moni limenen.Select Acts 19:19

20Masan en Kaun ari pwaidar kaualap.Select Acts 19:20

21Murin mepukat Paulus ap kotin inong iong ni ngen e kakan sili wein Masetonien o Akaia, ap kotilang Ierusalem masanidar: I lao milar wasa o, i pil pan kilang Rom.Select Acts 19:21

22I ari kadarala Masetonien riamen, kisan me papa i: Timoteus o Erastus. A pein i kotikoteta mas nan Asien.Select Acts 19:22

23I ansau me moromorong laud wiauier pweki lamalam.Select Acts 19:23

24Pwe amen, me ad a Demetrius, saunmata amen, me kin wiada im en kaudok silper kan ong Diana, me kare ong irail, me kin wiawiada, moni toto.Select Acts 19:24

25I ap kapokon irail pena o toun dodok en song ota indada: Maing ko, komail asa, me dodok wet meid kadepa ong kitail, pwe i me kitail kapwapwaki.Select Acts 19:25

26A komail kilekilang o rongerong, me Paulus men et kin kaloedi o kawukila aramas toto a kaidin nan Episus eta, pwe pil koren iong nan Asien pon, ni a kin padaki ong aramas akan, me dene kaidin irail kot akan, me wiaui pan pa en aramas akan.Select Acts 19:26

27Mepukat meid apwal ong kitail. Pwe kaidin atail dodok eta me pan kamala, pwe pil im kaudok en kot Diana lapalap o a lingan, me toun Asien o sappa karos kin kaudoki ong pan sorela.Select Acts 19:27

28Irail lao ronger mepukat, re ap makara kida kaualap o weriweradar indada: Meid lapalap Diana en men Episus!Select Acts 19:28

29A karos toun kanim o ap pingidar, wiaki eu, tangalang im en madong, tangaki Kaios o Aristarkus men Masetonien, me waroki ong Paulus oko.Select Acts 19:29

30A Paulus lao pan kotilong nan pokon o, tounpadak kan ap sota mueid ong i.Select Acts 19:30

31O saumas en Asien kai, me kompokepa kan, ilake dong i, panaui i, ender kotilang im en madong o.Select Acts 19:31

32Ari, akai wia eu song en lokaia, a akai eu, pwe pokon o pingidar. A me toto re ’rail sasa karep en ar pokon pena.Select Acts 19:32

33Irail sikon sang nan pokon o Aleksander; Sus oko me sikonla i. A Aleksander olol ong irail, ap men sapeng pokon o.Select Acts 19:33

34Irail lao asa, me i kisan Sus oko, re ap wiaki eu weriwerada auer riau: Meid lapalap Diana en men Episus!Select Acts 19:34

35A sauninting en kanim o lao kadukiedi pokon o, ap indada: Komail ol oko en Episus, is aramas, me sasa, me kanim en men Episus kin kaukaudoki ong Diana lapalap o dikedik, me pupedi sang nanlang?Select Acts 19:35

36A ma sota, me pan kak kalikame mepukat, komail en nenenla o der wiada me sapung!Select Acts 19:36

37Pwe komail ukedo ol pukat, me sota kin kuliada im en kaudok o, pil sota lalaue omail kot li.Select Acts 19:37

38A ma Demetrius o iang a kan mauki meakot ren amen, kapung ap pan wiaui, pwe saunkapung kai mia, ren kapukapung re ’rail.Select Acts 19:38

39A ma komail mauki eu song toror, i me pan kapungala nan kapung o.Select Acts 19:39

40Pwe kitail pan pukoki morong en ran wet, pwe sota karepen, me kitail en kapungki pokon wet ar tangatang pena.Select Acts 19:40

41A lao masani ong irail mepukat, ap kadar pasang pokon o.Select Acts 19:41