20Acts 20

1MORONG lao dukedier, Paulus ap molipe pena tounpadak kan, ap kotin kamurimuri ong irail o kotila, pwen sailokelang Masetonien.Select Acts 20:1

2A lao kakan sili sap oko, o panapanaui irail kaualap, ap kotilang wein Krik.Select Acts 20:2

3A lao kotikot wasa o saunipong silu, ap men kotilang Sirien, ari so, a kotin pure dong Masetonien, pwe Sus oko masamasan i.Select Acts 20:3

4A iet akan, me likid i lel Asien: Sopater nain Pirus men Peröa, a Aristarkus o Sekundus men Tesalonik, a Kaius men Derpe, o Timoteus, o Tikikus, o Tropimus men Asien.Select Acts 20:4

5Mepukat tiong mas ap aui kit nan Troas.Select Acts 20:5

6Murin kamadip en prot somut se serok wei sang Pilipi, tangatangki ran limau kokola re ’rail Troas, wasa se mimi ia ran isu.Select Acts 20:6

7A ni ran kaieu en wik, ni at pokon pena, pwen pilitiki pena prot, Paulus ap kotin padaki ong irail. A mandan ran o a pan samala. A kotin kawarailar a padak lao lel ailep en pong.Select Acts 20:7

8A lamp toto mi nan kokon poa, wasa se pokon pena ia.Select Acts 20:8

9A manakap amen, me ad a Eutikus, me momod nan wanimtuk, me mair kalikala. A ni en Paulus a padak warai, i ari mair kalikala melel, ap pupedi sang ni kasilu en kokon poa, o re pokada, a melar.Select Acts 20:9

10A Paulus me kotidi kipedi ong poa o polodi i masani: Komail der mauk, pwe a memaur!Select Acts 20:10

11I lao kotidala o pilitiki pena prot, o konoter, o padapadak warai lao lel wasa ran, ap kotilar.Select Acts 20:11

12A irail wado manakap memaur ap pereperen kaualap.Select Acts 20:12

13A kit me madang iang sop o, tangatang kolang Asos, wasa se pan uk ia Paulus, pwe i me a kakalik ong kit. A pein i pan sapal.Select Acts 20:13

14A lao tu ong kit nan Asos, se ap uk i, tangalang Mitelene.Select Acts 20:14

15Kit tangatang kodo sang wasa o, a manda se lel ong likin Kios, o manda se lele dong Samos, o se mondi Trokilion, a manda se pwara dong Miletus.Select Acts 20:15

16Pwe Paulus kileledier en dauli Episus, pwe a der pwapwand nan Asien, pwe a kotin karawaru, ma a pan kak, a pan lel ong Ierusalem ni ran en Pentikos.Select Acts 20:16

17A sang Miletus a kotin ilakilang Episus molipe saunkoa en momodisou kan.Select Acts 20:17

18Irail lao pwara dong i, a kotin masani ong irail: Komail asa duen ai wiawia re omail ansau karos sang ni tapin ran o, me i lel Asien,Select Acts 20:18

19Duen i papa Kaun o ni aktikitik, o sangesang, o kamekam nan pung en Sus oko, ni ar rukiruki ia di.Select Acts 20:19

20O duen i sota oki sanger meakot me katepan, pwe i kaireki komail karos, o padapadaki komail sansal o nan im akan.Select Acts 20:20

21O i kadede ong men Sus o pil men Krik kalula ong Kot o poson atail Kaun Iesus Kristus.Select Acts 20:21

22A kilang, i ap kokodalang Ierusalem, ngen i salidi o i sasa, da me pan pid ia wasa o.Select Acts 20:22

23A Ngen saraui kin kotin kadede ong ia nan kanim karos, me sal akan o kamekam kin auiaui ia.Select Acts 20:23

24Ari so, i sota kin insenoki mepukat, i pil sota kasampwaleki maur i, pwe i en kaimwisokela ai koa dodok, me i aleer sang ren Kaun Iesus, en kadede rongamau en mak en Kot.Select Acts 20:24

25A kilang, i ap asaer, me komail karos, me i padapadaki onger wein Kot, pan solar udial mas ai.Select Acts 20:25

26I me i kadede ong komail ran wet, me i makelekel sang ntan komail karos.Select Acts 20:26

27Pwe i padaki ong komail duen kupur en Kot, o sota man meakot me i okisang komail.Select Acts 20:27

28Komail ari kalaka komail o momodisou karos wasa, me Ngen saraui kotin kasapwil komail dang silepa ko, pwen apapwali momodisou en Kot me a kotin pwainiki pein nta.Select Acts 20:28

29Pwe i asaer, me murin ai samalar kidi komad akai pan pwara dong komail, me sota pan kasampwaleki pwin o.Select Acts 20:29

30A ol akai pan uda sang nan pein komail, me pan padak sapung, pwen wiaki tounpadak kan pein ar warok kan.Select Acts 20:30

31Komail ari masamasan o tamanda, me i sota dukedi, panaui amen amen, sangesang ni ran ni pong saunpar silu.Select Acts 20:31

32Ari, i pan mueid ong komail Kot o masan en kupur a, me manaman ong kapwai komail ada, o kotiki ong komail soso eu ren me saraui kan.Select Acts 20:32

33I sota noroke en amen a silper, de kold, de likau.Select Acts 20:33

34Pein komail asa, me pa i kat kin papa ia o ai warok kan.Select Acts 20:34

35I kasale ong komail er meakan duen komail en dodok, pwen sauasa me luet akan o tamatamanda masan en Kaun Iesus akan, duen a pein kotin masani: Kiki wei me kaperen sang ale.Select Acts 20:35

36A lao kotin masanier mepukat, a kelepuki iang irail karos kapakap.Select Acts 20:36

37Irail ari sangesang kaualap o polodi tapin wor en Paulus o metik i.Select Acts 20:37

38Re insensuedekier kaualap a masan, me dene re solar pan udial silang i. Irail ari likid i koti ong pon sop o.Select Acts 20:38