21Acts 21

1KADEKADEO kit lao maselwei sang murin at kamurimuri ong irail se tangatang inen wong Kus, a manda lel ong Rodus, a sang wasa o se tangalang Patara.Select Acts 21:1

2Kit lao diaradar sop pot, me pan kola Pönisien, se ap keredang poa maselwei.Select Acts 21:2

3Kit lao kilanger Sipern, se dauli ni pali maun, tangatang kolang Sirien ap supi ong Tirus, pwe i wasa audepan sop o pan pwilidi ia.Select Acts 21:3

4Se lao diaradar tounpadak kan, kit ap mimieta wasa o ran isu. Irail ap masanki Ngen, Paulus ender kodalang Ierusalem.Select Acts 21:4

5Kadekadeo kit lao kaimwisokila ran oko, se ap masel kokola. Irail karos me likid kit lel likin kanim, li o seri kan pil iang; kit ap kelepuki ni oror, o kapakap.Select Acts 21:5

6Kit lao kamurimur pena, se ap kereda pon sop o, a irail purelang deu ’rail.Select Acts 21:6

7Kit tangatang kodo sang Tirus ap ko dong Ptolomais; kit ap ranamaui saulang kan o kairu re ’rail ran eu.Select Acts 21:7

8A mandan ran o se maseler, ap lel ong Säsarea, kit ap pedelong ong nan im en saunpadak Pilipus, me kisan isimen oko, o mimieta re a.Select Acts 21:8

9A men et na seripein makelekel pamen mia, me kin deideikop.Select Acts 21:9

10A ni at kaukauson wasa o ran toto, saukop amen ap kodido sang Iudäa, me ad a Akapus.Select Acts 21:10

11A lao pwara dong kit, ap ale sapwilim en Paulus pirapir pira pena pein pa a o nä a kan, katitiki: Iet me Ngen saraui kotin masani: Iet duen men Sus oko, me mi Ierusalem, pan saliedi ol o, me a pirapir wet, o pangalang i nan pa en men liki kan.Select Acts 21:11

12Kit lao rongada mepukat, kit o pil irail karos toun wasa o ap poekipoeki a ender kotidalang Ierusalem.Select Acts 21:12

13A Paulus kotin sapeng: Da me komail sangesangki o kawekila nan mongiong i? Pwe kaidin salidi eta, me i kak ong, pwe pil mela nan Ierusalem pweki mar en Kaun Iesus.Select Acts 21:13

14A lao sota duki ong, kit ap nenenla indada: Kupur en Kaun o en pwaida.Select Acts 21:14

15Murin ran pukat se ki pena at kapwa kan o daululang Ierusalem.Select Acts 21:15

16A tounpadak en Säsarea kai pil iang kit, o re ukado Mnason men Sipern, tounpadak ma amen, me se pan kairu re a.Select Acts 21:16

17Kit lao lel Ierusalem, saulang kan kasamo kit popol.Select Acts 21:17

18A mandan ran o Paulus iang kit kotila ren Iakopus o saunkoa karos pokon pena wasa o.Select Acts 21:18

19A lao ranmaui irail, ap kotin kasokasoia meakan, me Kot kotin wiai ong men liki kan ki a dodok.Select Acts 21:19

20Irail lao rongadar mepukat, re ap kapingaki Kot indai ong i: Ri at, kilang men Sus me totoia me iang posonlar, o irail karos kin kasampwaleki kapung o.Select Acts 21:20

21Nan a loki ong irail duen komui, me dene komui kin kaukawewe men Sus, me dondole men liki kan, ren kasela Moses o padapadaki, re ender sirkomsais seri kan, o pil der dadaur tiak kan.Select Acts 21:21

22A iaduen, pokon pan wiaui, o re pan rongada, me komui samador.Select Acts 21:22

23Ari, komui pan wiada met, me se pan indai ong komui: Ol pamen mi re at, me ar inau mia.Select Acts 21:23

24Uk irail ada o kamakelekel komui da iangaki irail, o pwain irail pwe mong arail en seisei, o karos pan kilang, me likam pot, me re ronger duen komui, o me komui pil kin kapwaiada kapung o.Select Acts 21:24

25A duen me posonlar sang ren men liki kan, se intingiedier o kusoned edar, me ren der kapwaiada mepukat. A iet eta: Ren liki sang uduk me mairong ong kot likam, o nta, o man mopelar, o nenek.Select Acts 21:25

26Paulus ap kotin ukada ol oko, a manda a kamakelekelada pein i ap iang irail kotilong ong nan im en kaudok o kotin kasaledar ran en arail kamakelekel, lel mairong en amen amen wiauier.Select Acts 21:26

27A ran isu lao koren iong nikier, men Sus en Asien ap kilanger i nan im en kaudok o, rap kamoromoroda aramas karos o saikidi i,Select Acts 21:27

28Weriwerada indada: Ol en Israel, komail sauasa, iet aramas o me kin kaukawewe ong karos wasa karos, ren palian Sus akan, o kapung, o wasa kis et, o a pil kalua dong nan im en kaudok men Krik kai, o kasaminela wasa saraui wet.Select Acts 21:28

29Pwe mas o re kilangadar, me Tropimus men Episus iang i nan kanim o, re ap kiki ong, me Paulus kalualong ong i nan im en kaudok.Select Acts 21:29

30A kanim o moromorongada kaualap o aramas akan tang pena. Re ap saikidi Paulus o waike sang i nan im en kaudok o, a wanim ko ap madang ritidi.Select Acts 21:30

31Irail pan kamela i, a rong ap lel ong saumas en saunpei kan, me Ierusalem moromorongda.Select Acts 21:31

32I ari madang ukada saunpei o saumas akai ap tangadi wong irail. Ir lao kilang saumas o saunpei ko, re ap solar woki Paulus.Select Acts 21:32

33Saumas o ap kai ong, koledi i masani, i en salikidi sal mata riapot, o idok: Is i, o da me a wiadar?Select Acts 21:33

34A akai sang nan pokon o weriwer wiada eu song en lokaia a akai eu. A ni a sota kak weweki, me re moromorongki, ap masani, a en wisikelang nan im en saunpei.Select Acts 21:34

35A lao lel ong kandake o, saunpei ap wewa i, pweki pokon o koiden pena i.Select Acts 21:35

36Pwe pokon o, me idauen, weriwer indada: Siken wei i!Select Acts 21:36

37A ni en Paulus a pan wisikelong ong nan im en saunpei, a ap masani ong kaun lapalap o: A sota muei ong ia, en indang komui meakot? A ap masani: Komui asa lokaia en Krik?Select Acts 21:37

38Ari, kaidin komui ol en Äkipten, me kapeida aramas oko mon ran akai, ap kalualang sap tan ol lolap pakid?Select Acts 21:38

39A Paulus masani: Ngai ol en Sus amen, men Tarsus, kanim indand en Silisia eu, i men poeki re omui, en mueid ong ia, en kapakaparok ong aramas pukat.Select Acts 21:39

40I ari mueid ong i. Paulus ap kotida pon kandake o olol ong aramas akan. A lao molelar kaualap, Paulus ap kaparok ong irail ni ngor en Ipru masani:Select Acts 21:40