27Acts 27

1A LAO kileledier, me se pan serokelang Italien, re kasilaki Paulus, o akai me salidi, kaun en saunpei amen, me ad a Iulius, kisan pwin en Aukustus.Select Acts 27:1

2Kit ari kereda pon sop en Adramitien pot, me pan supi ong kanim en Asien akan, me mi pon oror, ap tang wei. Ari, Aristarkus, men Masetonien amen sang Tesalonik iang kit.Select Acts 27:2

3Mandan ran o se leler Sidon. A Iulius me kadek ong Paulus, ap mueid ong i, en kotila ren kompokepa ko pwen kasarloleit.Select Acts 27:3

4Kit ari maselar sang wasa o, ap tangatang panangen Sipern, aki ang me u dong kit.Select Acts 27:4

5Kit tangatang kotela lepen sed en Silisia o Pampilien, se ap lel ong Mira en Lisia,Select Acts 27:5

6I wasa kaun en saunpei o diarada sop en Aleksandrien pot, me pan maselang Italien, i ari kasau ong kit poa.Select Acts 27:6

7A kit pwapwand kokola, pong toto meid apwal ong kit lel ong Knidus, pwe ang me kawela; kit ari tangatang panangen Kreta, tang wong Salmone.Select Acts 27:7

8A meid apwal at dauli wasa o; kit ari lel ong sap eu, me ad a Kapitau mau koren iong kanim Lasäa.Select Acts 27:8

9A ansau lao daulier o a apwalar ong sailok sili, aki ran en kaisesol daulier, Paulus ap kotin panaui oSelect Acts 27:9

10Masani ong irail: Ol oko, i asaer me sailok wet pan suedela a pan apwal kaualap, kaidin ong audepan sop o sop eta, pwe pil ong maur atail.Select Acts 27:10

11A kaun en saunpei o liki saunilil o saumas en sop o sang masan en Paulus.Select Acts 27:11

12A kapitau me sota non mau ong sop en mimieta ni ansaun kapau. Koren iong karos ari men samala sang wasa o, o re song, ma re sota kak ong lel Pöniks, pwen mimita wasa o ni ansaun kapau, i kapitau en Kreta eu, me mi ni pali air o pali apang.Select Acts 27:12

13A ang lao udo sang pali air, re ap kiki ong, me re pan pwaida, ap apiada paipung ko tangala liman Kreta.Select Acts 27:13

14A madang melimel udo sang Kreta, me ad a alepip en kisiniang.Select Acts 27:14

15A ang lao kapeila sop o, o sop solar kak ong, kit ap nenenla o peila.Select Acts 27:15

16Ni at tangala panangen dake tikitik eu, me ad a Klauda, me tar kis, a se solar kak ong koledi pot o.Select Acts 27:16

17Irail apiada i, pwen kak piradi ong ni sop o, ap lilidi, pwe re masak re de serada nan Sirte, ap pungipungidok sili.Select Acts 27:17

18Kit lao pungipungidok sili kaualap, manda ap kamararadar sop o.Select Acts 27:18

19A ni ran kasilu irail kase kila pein pa arail kapwa en sop o.Select Acts 27:19

20Kadekadeo ran totola sota katipin o sota usu, o melimel kalaimun u dong kit, ap solar at kaporopor en pitila.Select Acts 27:20

21A kit lao kaisesol warailar, Paulus ap pwarada nan pung arail masani: Ol oko mak eta, komail en peiki ong ia er o so masel sang Kreta, pwe kitail ender lel dong kaupatail.Select Acts 27:21

22A met i panaui komail, en kaporopor mau, pwe sota me pan mela, sop eta me pan ola.Select Acts 27:22

23Pwe tounlang en Kot, me sapwilim a ngai, o me i kin papa, me kotida imp ai pong,Select Acts 27:23

24Kotin masani: Paulus, koe der masak, koe pan wisike wong ren Sisa. A kilang, Kot me kotiki ong uk er karos me iang uk.Select Acts 27:24

25Ari ol oko komail kaporopor mau, pwe i kin poson Kot, me a masan pan pwaida.Select Acts 27:25

26A kitail pan serada nin dake eu.Select Acts 27:26

27A lao pong ngaul pa pong lar, kit peipei sili nan sed Adria. Ni ailep en pong toun sop o kasauiada, me se koren iong sap eu.Select Acts 27:27

28A irail lao kasedi men song, re ap diaradar, me ngap rieisok, o re kaila ekis wasa o kasedi men song, re ap diaradar, me ngap eisoklimau.Select Acts 27:28

29A re masak, se de serada pon mat, rap kasedi paipong paieu sang ni murin sop, ap mauki en ran pasang,Select Acts 27:29

30A toun sop o lao men pitila sang nin sop o, o re apiedi pot apot nan sed, dene re pan kasedi paipong kai ni mon sop o,Select Acts 27:30

31Paulus ap masani ong kaun o saunpei kan: Ma mepukat sota pan mimieta pon sop o, komail sota pan kak dorela.Select Acts 27:31

32Saunpei kan ap leke sang pot o kasela o ari.Select Acts 27:32

33A lao pan ran pasang, Paulus ap panaui irail, ren manga, masani: Nan a pong ngaul pa pong lar, me komail kin auiaui o kaisesol o sota manga.Select Acts 27:33

34Ngai ari panauki komail, en manga, pwe i me komail pil pan piti kila. Pwe sota pit en mong pit pan pupedi sang amen komail.Select Acts 27:34

35A lao masanier met, ap ale prot, danke Kot mo ’rail karos. I lao pilitiki pasang ap sak.Select Acts 27:35

36Irail karos ap kaporopor maular o pil manga.Select Acts 27:36

37A kit karos me mi nan sop o, me riepuki isiakan wonumen.Select Acts 27:37

38Irail lao medier, rap kamararadar sop o, kasedi ong nan madau korn.Select Acts 27:38

39A lao wasa ran pasang, re sasa sap o, A re diaradar kapitau eu, me mad mia; i wasa re lamedar en walang sop ia, ma re pan kak ong.Select Acts 27:39

40Irail lao leke sang paipong ko, rap kase ir ala nan madau, o lapwada padil akan, o apiadar serok en moa ni ang o, ap tangala ni oror.Select Acts 27:40

41Irail lao lel ong mad eu, sop o serada o solar mokid. Mon sop o tengela, a muri ola nan iluk kan.Select Acts 27:41

42Saunpei ko ap men kamela me salidi kan, pwe amen de pan pitila sang.Select Acts 27:42

43A kaun en saunpei o men dorela Paulus, ap sota mueid ong irail me re men wia o masani: Me asa pampap, en lusedi ong nan madau pap wong sap o.Select Acts 27:43

44A me tei kan pon tenap de kisan sop o. A ap pwaida, me irail karos dorelar o lel ong sap o.Select Acts 27:44