3Acts 3

1A PETRUS o Ioanes wiaki eu kotidalang nan im en kaudok ni auer en kapakap, auer kaduau.Select Acts 3:1

2A ol amen me tikida nä a dangidang, me kin wisikedo pwiledi liman wanim en im en kaudok, me ad a lingan, ni ran karos, pwen wia poekipoeki ren me kin kolong ong nan im en kaudok.Select Acts 3:2

3A lao kilanger Petrus i Ioanes, ni ara pan kotilong ong nan im en kaudok, ap poeki, pwen ale meakot.Select Acts 3:3

4A Petrus i Ioanes masani i, ap masani ong: Saradang kit!Select Acts 3:4

5I ari saradang ira, kasikasiki, me a pan tungole meakot re ’ra.Select Acts 3:5

6Petrus ap kotin masani: Sota ai silper de kold, a meakot mi re i, me i pan ki ong uk: Ukida mar en Iesus Kristus en Nasaret o alu!Select Acts 3:6

7I ari koledi pa a maun o kauada i, a nä a o tikil en nä ap madang kelailadar.Select Acts 3:7

8Ap lusada o alu iang ira lang nan im en kaudok, masimasiok sili, kapikapinga Kot.Select Acts 3:8

9O aramas karos kilang a alialu sili o kapikapinga Kot.Select Acts 3:9

10A irail asa, me i, me kin poekipoeki liman wanim lingan en im en kaudok, irail pingkidar o poneponeki duen me wiaui ong i er.Select Acts 3:10

11A ni a iang Petrus, o Ioanes, aramas karos puriamuiki, ap tang penang irail nan palank, me ad a palank en Salomo.Select Acts 3:11

12Petrus lao masani mepukat, ap kotin masani ong pokon o: Ol en Israel, da me komail puriamui kila met? De da me komail kilekilang kin kit, likamata kit me kakelada i ni pein at kel de lelapok?Select Acts 3:12

13Kot en Apraam, o Isaak, o Iakop, Kot en sam atail akan kalinganada sapwilim a ladu Iesus, me komail pangala o likidmaliela ren Pilatus ni a kileledier, me a pan lapwada i.Select Acts 3:13

14A komail likidmaliela me Saraui o, o me Pung, ap poeki lolap amen, en lapwa dong komail.Select Acts 3:14

15A komail kamatalar tapin maur, me Kot kotin kaiasadar sang ren me melar akan, kit kin saunkadede en mepukat.Select Acts 3:15

16Aki poson mar a, mar a ap kakelada men et, me komail kin kilang o asa, o a poson kare ong i kelail melel wet mo omail karos.Select Acts 3:16

17Ari ri ai kan, i asaer, me omail sasa, me komail wiaki met, pil dueta omail saumas akan.Select Acts 3:17

18A ni mepukat Kot kotin kapwaiadar, me a kotin masanier ren saukop akan karos, me Kristus pan kalokolok.Select Acts 3:18

19Komail ari kalula o wukila, pwe dip omail akan en soredi sang, pwe muein kamaur en pwaida sang wasailen Kaun o.Select Acts 3:19

20A lao kotin poronedo, me loki ong komail er: Iesus Kristus,Select Acts 3:20

21Me pan kotikot nanlang lao lel ansau, me meakaros pan pungala, duen me Kot kotin masanier ren sapwilim a saukop saraui kan sang mas kokodo.Select Acts 3:21

22Pwe pil Moses kotin masanier: Kaun omail Kot pan kaipwi ong komail Saukop amen, ipwin ri omail akan dueta ngai, i me komail en ronga sang meakaros, me a pan kotin masani ong komail.Select Acts 3:22

23A iet me pan wiaui: Aramas karos, me kang peiki ong saukop o, pan kasapokela sang ren aramas.Select Acts 3:23

24A saukop karos irerokedo sang Samuel, karos me padapadak pil kokoper duen ran pukat.Select Acts 3:24

25Komail sapwilim en saukop akan o en inau, me Kot kotin wiai ong sam atail akan ni a kotin masani ong Apraam: Kainok karos nan sappa pan paieki amen kadaudok om.Select Acts 3:25

26Kot kotin porone dong komail sapwilim a ladu mas ni a kotin molipe i; pwen kapaia kida komail, en kawuki sang komail kuros dip omail akan.Select Acts 3:26