9Acts 9

1A SAULUS dadaurata a lingarangaraki tounpadak en Kaun akan, ap pan kame ir ala, o kola ren samero lapalap o,Select Acts 9:1

2Poeki re a kisin likau ong sinakoke en Damaskus akan, pwe ma a pan diar meamen, me iangala lamalam, ol de li i en sali irail edi o kalualang Ierusalem.Select Acts 9:2

3A ni a sapasapal kokola koren iong Damaskus, marain eu kodido sang nanlang, sereda i.Select Acts 9:3

4Ni a pupedi nani pwel, ap rongada ngil eu, me masani ong i: Saul, Saul, da me koe kame kin ia?Select Acts 9:4

5A ap inda: Is komui Maing? A kotin masani: Ngai Iesus, me koe kin kame.Select Acts 9:5

6Paurida, kolang nan kanim en, nan a pan loki ong uk, me koe en wiada.Select Acts 9:6

7A ol oko, me iang i kokola, sapaimokid, pwe re rongadar ngil o, ap sota amen me re kilangadar.Select Acts 9:7

8Saulus paurida sang nan pwel, mas a papad eta, ap sota kilang meamen. A re kolokol pa a, kalualang i Damaskus.Select Acts 9:8

9I ari sota kilang wasa pong sili pong. A so kang de nim meakot.Select Acts 9:9

10A tounpadak amen mi Damaskus, ad a Ananias me Kaun o kotin masani ong ni kasansal eu: Ananias! I ari potoan ong: Iet ngai Maing!Select Acts 9:10

11Kaun o ap kotin masani ong i: Paurida kowei ong nani al o, me ad a Inen, ap idok nan im en Iudas amen, me mar a Saulus en Tarsus. Pwe kilang, a kapakapSelect Acts 9:11

12A kilanger ol amen ni kasansal eu, me ad a Ananias, me ko dong i o pwil poa pa a kan, pwe a en kilangki wasa.Select Acts 9:12

13A Ananias potoan ong: Maing, i rongadar ren aramas toto duen ol men et, duen a kin kaokaoe sapwilim ar saraui kan, me mi Ierusalem.Select Acts 9:13

14O a aleer sang ren samero lapalap akan manaman, en saliedi karos, me kin likwir ong mar omui.Select Acts 9:14

15A Kaun o kotin masani ong i: U kowei, pwe iei ol o, me I piladar, en wala mar ai ren men liki o nanmarki kan o men Israel.Select Acts 9:15

16Pwe I pan kasansale ong i duen won a pan kamekameki mar ai.Select Acts 9:16

17Ananias ari kola, pedelong ong nan im o, pwil poa pa a pokon, indada: Ri (ai) Saul, Kaun o me kotin porone ia do; iei Iesus, me kotin pwara dong komui nani al o ni omui kokodo, pwe komui en kilangada wasa o dire kila Ngen saraui.Select Acts 9:17

18A madang likamata un en mam akai, me pupedi sang ni mas a, i ari kilangadar wasa o udar paptaiselar.Select Acts 9:18

19I lao mangaer, ap kelailadar, ap mimieta ren tounpadak en Damaskus akan ran akai.Select Acts 9:19

20A madang padapadak nan sinakoke kan duen Iesus, me i sapwilim en Kot.Select Acts 9:20

21A karos, me rongerong i, puriamui kila indada: Kaidin i, me kin kaokaoe ir, me kin likwir ong mar wet nan Ierusalem o kodo wasa et, pwen sali ir edi, kalua ren samero lapalap akan?Select Acts 9:21

22A Saulus me manaman kokoda o kapingada Sus oko, me kauson Damaskus ni a kawewedar, me i me Kristus.Select Acts 9:22

23Kadekadeo murin ran toto Sus oko kapung pena en kamela i.Select Acts 9:23

24A Saulus ronger, me re masamasan i; irail pil masamasan wanim akan ni ran o ni pong, pwen kamela i.Select Acts 9:24

25A tounpadak kan ale i ni pong apiekidi kopou eu sang pon kel o.Select Acts 9:25

26A Saulus lao pwara dong Ierusalem a sosong waroki ong tounpadak kan, irail karos masak i, pwe irail sota kamelele, me i tounpadak amen.Select Acts 9:26

27A Parnapas ale i o kare dong i ren wanporon akan, o katiti ong irail, duen a kilangadar Kaun o nani al o, o me a kotin masani ong i, o duen a so masak padapadaki ni mar en Iesus nan Damaskus.Select Acts 9:27

28I ari iang irail er kotin pedepedoi sang o pedepedelong ong nan Ierusalem o padaki aima ni mar en Kaun o.Select Acts 9:28

29I o men Krik kai masan o akamai pena, a re song kamela i.Select Acts 9:29

30Saulang kan lao asaer, ap iang i kolang Säsarea, ap kadaralang i Taris.Select Acts 9:30

31A momodisou kan ap popol o pwaidar nan Iudäa, o Kaliläa, o Samaria, o re weweid ni masak en Kaun o, o toto kilar popol en Ngen saraui.Select Acts 9:31

32A Petrus lao kakan sili nan sap akan, a pil kotila ren me saraui kan, me kaukauson Lida.Select Acts 9:32

33A diaradar aramas amen wasa o, me ad a Äneas, me wonon par walu, pwe me kokon dangidang.Select Acts 9:33

34Petrus ari masani ong i: Äneas. Iesus Kristus kakel uk ada. Paurida, pein lim pena ki om! I ari paurida madang.Select Acts 9:34

35A karos me kaukauson Lida o Saron, kilangada i, re ap wuki ong Kaun o.Select Acts 9:35

36A tounpadak li amen mi Ioppe, me ad a Tapea (iet wewe: Torkas), i me dir en wiawia mau kan o kisakis wei.Select Acts 9:36

37A kadekadeo ni ran oko a somaudar o melar. Irail lao duper i, ap nekidala nan pera poa.Select Acts 9:37

38A Lida me koren iong Iope. Tounpadak kan lao ronger, me Petrus kotikot wasa o, rap kadarala ol riamen re a, poekipoeki: Kom der peikasal, koti dong kit!Select Acts 9:38

39Petrus ari kotida iang ir ala. I lao pwarado, re ap ukadala i pera poa, o li odi karos u impa, sangesang o kapwareda sakit o likau kan, me Torkas wiadar ni a mimi re ’rail.Select Acts 9:39

40A Petrus kiiei sang ir karos, ap kelepuki kapakap, ap saupei ong kalep o masani: Tapea, paurida! I ari pad pasang, kilangada Petrus, ap modadar.Select Acts 9:40

41I ari koledi pa a, kauada i. A lao eker pena me saraui o li odi kan, ap kasale ong irail i a maureda.Select Acts 9:41

42Ari a loki sili nan Iope, o me toto posonla Kaun o.Select Acts 9:42

43I ari kotikoteta Iope ran toto ren saun me wiada kil en man amen, me ad a Simon.Select Acts 9:43