1Colossians 1

1PAULUS wanporon en Kristus Iesus amen pan kupur en Kot o ri atail Timoteus,Select Colossians 1:1

2Ong ri at saraui o lelapok ren Krisus akan, me mi Kolose; mak o popol sang ren Kot Sam atail o Kaun Iesus Kristus!Select Colossians 1:2

3Kit kin danke Kot o Sam en atail Kaun Iesus Kristus o kapakapa kin komail kaukaule.Select Colossians 1:3

4Kit lao rongadar duen omail poson Kristus Iesus, o omail limpok ong saraui kan karos,Select Colossians 1:4

5Pweki kaporopor eu, me nekineki ong komail nanlang, duen me komail rongadar mas o ni padak melel en rongamau,Select Colossians 1:5

6Me lel wong komail o pil sap akan karos, o a kin wada o kakairida dueta re omail sang ni ran o, me komail rongadar o dedekier melel mak en Kot;Select Colossians 1:6

7Duen omail padakki sang ren Epapras at warok kompok amen, me papa lelapok en Kristus ong komail amen,Select Colossians 1:7

8Me pil kaireki dong kit duen omail limpok pena ni Ngen.Select Colossians 1:8

9I me se sota kin dukedi sang at kapakapa kin komail o poekipoeki sang ni ran en at rongadar, pwe komail en direki erpit en kupur a, o komail en lolekong o koiok ngenin,Select Colossians 1:9

10O kekeid wei duen me kon ong Kaun o, o kapareda wan wiawia mau karos, o kakairida ki asa Kot,Select Colossians 1:10

11O keleki kel karos duen manaman en a lingan pwen dadaurata o kanongama ki peren,Select Colossians 1:11

12Danke Sam o, me kotin kamau kitail lar, en iang pwaisaneki soso en me saraui kan nan marain.Select Colossians 1:12

13Me kotin kapiti sang kitail manaman en rotorot, ap kotin kasau kitail dong nan wein Na kompokepa,Select Colossians 1:13

14Me kotin dore kitail la iei lapwan dip atail,Select Colossians 1:14

15I me kasale pan Kot, me so sansal, me meseni en audepa karos.Select Colossians 1:15

16Pwe karos wiauiki i, karos me mi nanlang o sappa, me sansal o me so sansal, ma me poe kan, de saumas akan, de wei kan, de manaman akan, meakaros wiauiki i o ong i.Select Colossians 1:16

17O i me kotikot mon meakaros o meakaros memaureki i.Select Colossians 1:17

18O i tapwin war a, iei momodisou, o i me tapi o meseni en me iasadar sang ren me melar akan, pwe i en mon meakaros.Select Colossians 1:18

19Pwe Kot kotin kileledier me mau kan karos en mi re a.Select Colossians 1:19

20I ari kalolamau penang pein i meakan karos, ma ni sappa de nanlang, ni a kotin wiada muei mau ki ntan a lopu.Select Colossians 1:20

21O komail, me doo wei sang o imwintiti mas o ni omail lamelame o wiawia sued akan,Select Colossians 1:21

22A kotin kalolamau komail lar ki war a uduk ni a matala, pwen kapware kin komail da saraui o pung o so kadeik pa omail mo a.Select Colossians 1:22

23Ma komail dadaurata poson o tengeteng o so mokid wei sang ni kaporopor ki rongamau, me komail rongadar, o me lolok ong audepa karos me mi pan lang, me ngai Paulus wialar papa men.Select Colossians 1:23

24I ap perenki ai kalokolok ki komail o men kaimwisok kila uduk ai me luedi ni kamekam en Kristus, pweki war a, iei momodisou,Select Colossians 1:24

25Me i wialar papa men duen koa dodok en Kot, me i aleer pweki komail pwen usela masan en Kot.Select Colossians 1:25

26Iei me rir kot, me rir sang nin tapin kaua o men kaua, a met a kadiarok ong sapwilim a saraui kan,Select Colossians 1:26

27Me Kot men kasansaleda kapwapwa en lingan en rir wet ong men liki kan, iei Kristus me kotikot lol omail, i kaporopor en lingan.Select Colossians 1:27

28I me kit kin padaki o panepanaui aramas karos, o padapadaki aramas karos ni lolekong karos, pwe kit en kapwareda aramas karos ni unsoki ong Kristus.Select Colossians 1:28

29I me i pil dodok kelail, duen wiawia en i me kin dodok kelail lol i.Select Colossians 1:29