3Colossians 3

1ARI, ma komail iang Kristus iasadar, en rapaki me pali poa kan, wasa Kristus kotikot ia ni pali maun en Kot.Select Colossians 3:1

2Inong iong me mi pali poa a kaidin me mi nin sappa.Select Colossians 3:2

3Pwe komail melar, o maur omail rirlong Kristus ren Kot.Select Colossians 3:3

4Kristus, iei maur atail, lao pwarado, kitail pan pil iang i pwarado ni lingan o.Select Colossians 3:4

5Komail ari kamela kokon omail, me mi sappa: Nenek, samin, tiak sued, inong sued, norok kapwa, pwe iei kaudok sued.Select Colossians 3:5

6Pweki mepukan ongiong en Kot kin lel ong seri sopeik kan.Select Colossians 3:6

7Me komail pil kekeideki mas o, ansaun omail akmemaurki.Select Colossians 3:7

8A metet komail pwilikidier meakaros: Makar, lingarangar, katantat, lalaue, kasoi kasaut nan au omail;Select Colossians 3:8

9Ender likam nan pung omail, pwe komail pwilikidier aramas maring iangaki a wiawia kan,Select Colossians 3:9

10Ap aleer me kap, me wilikapadang lolekong duen mom en me kausedar i.Select Colossians 3:10

11Wasan sota men Krik, sota Sus, sota sirkomsais, pil sota sosirkomsais, sota men liki, sota Site, sota ladu o sota me maioda men, a Kristus eta me kotikot ni karos.Select Colossians 3:11

12Pwil po omail duen en Kot a pilidar akan, me saraui o kompok, limpok en nan mongiong, o kadek, o karakarak, o opampap, o kanongama,Select Colossians 3:12

13Apwali amen amen, o mak pena, ma amen kainsensuedi amen, duen Kristus kotin mak ong komail er, iduen komail.Select Colossians 3:13

14O moneki limpok, me ora pena kamau pokon.Select Colossians 3:14

15O popol en Kristus en kaunda nan mongiong omail, me komail pil paeker pena ni war ta ieu, o komail danke.Select Colossians 3:15

16Komail nantiong dodokiki masan en Kristus nan pung omail ni lolekong karos; padapadaki o panapanaui komail pena, ki psalm, o kaul en kaping, o kaul ngenin, o kakaul ong Kot nan mongiong omail ki mak.Select Colossians 3:16

17O karos, me komail kin wia ni lokaia, o wiawia kan, en wiada ni mar en Kaun Iesus, o danke Kot o Sam pweki i.Select Colossians 3:17

18Komail li akan udi ong omail warok kan ni Kaun o, duen me kon ong.Select Colossians 3:18

19Komail ol akan, pok ong omail warok kan o der makar pa ’rail.Select Colossians 3:19

20Komail seri kan, peiki ong me wia komail da ni meakaros, pwe i me kon ong Kaun o.Select Colossians 3:20

21Komail sam akan, der kamakar mal noumail seri kan, pwe ren der sang komail la.Select Colossians 3:21

22Komail ladu kan, peiki ong omail saumas ni uduk ni meakaros kaidin ni dodok mon aramas, pwen konekon ren aramas, a ni impimpai en mongiong o, o lan Kaun o.Select Colossians 3:22

23O karos, me komail wiada en lolm ong wiada, dueta ong Kaun o a kaidin ong aramas akan.Select Colossians 3:23

24Ap asa, me komail pan ale kating en soso ren Kaun o, pwe komail kin papa Kaun Kristus.Select Colossians 3:24

25A me wia sapung, pan pein pukoki sapung me a wiadar pwe Kot sota kin lipilipil aramas amen.Select Colossians 3:25