4Galatians 4

1A iet me i men inda: Soso men arain a seri, a so toror sang ladu men, ari so, a kaun en meakaros.Select Galatians 4:1

2A kin upa ong saunpadak o saunkoa kan lao lel ansau me sam a kileledier.Select Galatians 4:2

3Iduen kitail ni atail kisin seri, kitail kin upai ong padak en sappa kan.Select Galatians 4:3

4A ansau lao leler, Kot ap kotin poronedo sapwilim a Ol, me ipwidi sang ren li amen, ap mi pan kapung o.Select Galatians 4:4

5Pwen kasaledoka ir ala, me mi pan kapung, pwe kitail en wiala sapwilim a seri.Select Galatians 4:5

6Komail ari seri kan, i me Kot ap kotin poronedo Ngen en sapwilim a Ol nan mongiong atail, me kin likelikwir: Apa Sam!Select Galatians 4:6

7Ari, solar ladu men, pwe seri ta; a ma seri nan pil seri soso en Kot.Select Galatians 4:7

8A ni ansau o me komail sasa Kot, komail papaer me kaidin udan kot akan.Select Galatians 4:8

9A metet komail asalar Kot, o Kot me kotin mangi komail melel, menda komail pil sapal lang lamalam sued o sakanekan, me komail men pur ong papa?Select Galatians 4:9

10Komail kin kasarauiela ran akai, o saunipong kai, o ansau kai, o saunpar kai.Select Galatians 4:10

11I ngong kin komail, pwe ele ai dodok ong komail sota pan kadepa.Select Galatians 4:11

12Ri ai kan, i ngidingidi kin komail, en dueta ngai, pwe ngai kin dueta komail, pwe sota me sued kot, me komail wiai ong ia er.Select Galatians 4:12

13A komail asa due i mas o, me i padaki ong komail er rongamau ni ai luet en pali uduk.Select Galatians 4:13

14O komail sota mamaleki ai songesong ni uduk ai o tata kin ia; a komail apwali ia la dueta ngai tounlang en Kot amen, de dueta Iesus Kristus.Select Galatians 4:14

15Iaduen wan omail pai ni ansau o! Pwe i kadede duen komail, ma a kak pa omail, komail pan pwadika sang por en mas omail ap ki ong ia.Select Galatians 4:15

16Iaduen, i wiala omail imwintiti, pweki ai lokaia melel ong komail.Select Galatians 4:16

17Arail nanantiong rapaki komail me sota mau; irail men kamueit kitail pasang, pwe komail en id idauen irail.Select Galatians 4:17

18Me mau ansau karos en nantiong me mau kan, a kaidin ta ni ai mi re omail.Select Galatians 4:18

19Nai seri kan! I naitik sapal komail ki madak, lao Kristus kawuk komail la ong pein mom a.Select Galatians 4:19

20I men mi re omail ansau wet o men kawukila ngil ai, pwe i sasalar ir omail.Select Galatians 4:20

21Komail, me kin men mi pan kapung o, indang ia, ma komail sota kin rong kapung o?Select Galatians 4:21

22Pwe a intingidier, me nain Apraam putak riamen mia, amen sang ren na lidu, a amen sang ren me maioda.Select Galatians 4:22

23A me song ren lidu ipwiki uduk, a me sang ren me maioda, ipwiki inau en Kot.Select Galatians 4:23

24Mepukat karasepa eu, pwe met inau riau, eu sang ni nana Sinai, me kin naitiki ong na kan papa, i me Akar.Select Galatians 4:24

25Pwe Akar nana Sinai nan Arapien, me rasong Ierusalem en met, o kin lidilidui iang na seri kan.Select Galatians 4:25

26A Ierusalem, me mi poa, me maioda iei in atail.Select Galatians 4:26

27Pwe a intingidier: Pereperen koe me li dapwan, me sota kin naitik, kadailong o werida koe, me so kaipwi ong, pwe nain li dapwan seri kan me toto sang me a warok mia.Select Galatians 4:27

28A komail ri ai ol akan, me rasong Isaak, me seri en inau kan.Select Galatians 4:28

29A duen mas o, me ipwiki uduk, me kailongki me ipwiki Ngen o, iduen ansau wet.Select Galatians 4:29

30A da me kisin likau o masani? Kasela li lidu o na putak! Pwe putak en lidu sota pan iang nain li me maioda sosoki.Select Galatians 4:30

31Ari ri ai kan, kitail sota seri en lidu, pwe nain me maioda.Select Galatians 4:31