5Galatians 5

1KOMAIL ari dadaurata en Kristus a kotin kamaioda kitail, komail ari kalaka pein komail, pwe komail der pur ong ni omail kanaudok.Select Galatians 5:1

2Kilang, ngai Paulus indai ong komail, ma komail pan iang sirkomsais, nan Kristus sota pan katepai ong komail.Select Galatians 5:2

3I pil kadede ong aramas karos, me pan sirkomsaisela, i en kapwaiada kapung pokon.Select Galatians 5:3

4Komail, me men pung kila kapung o, muei sanger Kristus o pup wei sanger mak.Select Galatians 5:4

5A kit kin auiaui ren Ngen ki poson kaporopor en pung.Select Galatians 5:5

6Pwe ren Kristus Iesus sirkomsais de sosirkomsais sota meakot, pwe poson ta, me kin sansaleki dodok en limpok.Select Galatians 5:6

7Komail tanger mau, is me karompwa komail, pwe ender peiki ong melel?Select Galatians 5:7

8I song en kaweid sota kin tapi sang me molipe komail er.Select Galatians 5:8

9Kalap kis kin kamutala dolepa karos;Select Galatians 5:9

10I kaporoporeki ren Kaun o me komail sota pan wia eu lamalam toror. A me kin kaping komail da, pan lodi ong kapung o, sota lipilipil is i.Select Galatians 5:10

11A ngai, ri ai kan, ma i poden padaki duen sirkomsais, menda i kankangerangirla? Pwe ma iduen, a solar men kamakar pan lopu.Select Galatians 5:11

12I men irail me kin kawe komail la, ren pil kawela pein irail.Select Galatians 5:12

13A ri ai kan, komail paeker ong maio, komail der men maio, pwe tiak en pali uduk en pwaida, a komail papa amen amen ni limpok.Select Galatians 5:13

14Pwe kapung pon kapwai pan masan ta ieu: Koe en pok ong men imp om due pein uk.Select Galatians 5:14

15A ma komail pakolok kaokaoe amen o amen, kalaka, pwe komail de momela.Select Galatians 5:15

16A ngai inda: Aluki Ngen komail ap sota pan kapwaiada inong sued en uduk.Select Galatians 5:16

17Pwe uduk kin inong iong me toror sang Ngen, a Ngen kin kotin inong iong me toror sang uduk, a ira parongarong pena, iei me komail sota wia kida, me komail kin men wia.Select Galatians 5:17

18A ma Ngen pan kotin kalua komail, komail sota mimi pan kapung.Select Galatians 5:18

19Wiawia kan en uduk me sansal. Iet akan: Nenek, samin, monepil,Select Galatians 5:19

20Pongi ong ani mal, wun ani, kailuk, akatat, luak, makar, akamai, kamauouo, padak likam.Select Galatians 5:20

21Peirin, kamom soko, kaped en manga ape. Iran mepukat i padaki ong komail er mas o, me irail, me kin kapwaiada mepukat, sota pan sosoki wein Kot.Select Galatians 5:21

22A iet akan wa en Ngen: Limpok, peren, popol, kanongama, kadek, kamau, poson, opampap liki sang me sued.Select Galatians 5:22

23Sota kapung pan mepukat.Select Galatians 5:23

24A me sapwilim en Kristus, kalopuelar uduk iangaki tiak sued o inong sued akan.Select Galatians 5:24

25Ma kitail memaureki Ngen, kitail en pil alualuki Ngen o.Select Galatians 5:25

26Kitail der inong iong wau ren aramas, o der kamorongada ong amen amen, o der peipeirin amen amen.Select Galatians 5:26