1Hebrews 1

1MURIN masan toto, me Kot kotin kadedeki saukop akan ni tapin kaua ong sam atail akan,Select Hebrews 1:1

2A ni imwin kaua o ran pukat, a kotin masan kidong kitail Na, me a kotin kasapwilada, pwen sosoki meakan karos, o me a kotin wia kida wei pokon,Select Hebrews 1:2

3Me kisan a lingan o wewe mau ong mom a, o kotin kaun kida meakaros a masan manaman, a lao kotin kamakelekele ki sang dip atail ki pein i, ap kaipokedi ni pali maun en Kaun lapalap poa.Select Hebrews 1:3

4I me a lapalapalar kaulap sang tounlang kan, pwe a aleer mar eu, me lap sang mar arail.Select Hebrews 1:4

5Pwe is ren tounlang kan, me a kotin masani ong: Koe nai Ol, ran wet I kaipwi ukadar? O pil eu: I pan wiala Sam a, o a pan wiala nai Ol?Select Hebrews 1:5

6O pil eu: A lao pan pil kare dong sappa Meseni o, a kotin masani: Tounlang en Kot karos pan pongi i.Select Hebrews 1:6

7A duen tounlang kan a kotin masani: A wiaki sapwilim a tounlang kan man en kadar o a papa kan umpul en kisiniai.Select Hebrews 1:7

8A duen Sapwilim a a kotin masani: Mol omui, Maing Kot, pan potopot eta. O sokon en pung, iei sokon en wei omui.Select Hebrews 1:8

9Komui pok onger me pung, ap kailongki tiak sapung; iei me omui Kot keie kin komui Maing Kot, potik kaperen, pwen lapa sang nanmarki kan karos.Select Hebrews 1:9

10O pil eu: Komui Maing pasonedier sappa nin tapi o, o lang akan wiawia en lim omui kan.Select Hebrews 1:10

11Irail pan momela, a komui pan kotikot eta, o irail karos pan maringalar dueta likau eu,Select Hebrews 1:11

12Komui pan kotin wilitik ir pena dueta likau eu, o irail pan wukila, dueta likau eu; a komui pan duedueta o omui par akan sota pan rosela.Select Hebrews 1:12

13A is ren tounlang kan, me a kotin masani ong: Mondi ong ni pali maun i, I lao kaloedi om imwintiti kan pan nä om?Select Hebrews 1:13

14Kaidin irail karos ngen en men papa me kin pakadarala pwen papa irail, me pan sosoki maur soutuk?Select Hebrews 1:14