12Hebrews 12

1ARI, pweki saunkadede pukat, me ras ong dapok kalaimun eu, me kapil pena kitail, kitail en meui sang katoutou patail o dip, me kin kolekole kitail, ap dadaurata tang ni weir, me mi mo ’tail.Select Hebrews 12:1

2Ududial Iesus, me tapi pan o kaimwisoke pan atail poson, me sota kotin kupukupure peren me moa, ap kotin kanongama ni lopu, mamaleki kanamenokpa, ap kotidi ni pali maun en mol en Kot.Select Hebrews 12:2

3Komail tamanda i, me wonewei ni kaupa ren me dipan akan, pwe komail ender pangada o ngen omail ender luetala.Select Hebrews 12:3

4Pwe komail saikenta kelail ong en palian dip, me kareda kamela.Select Hebrews 12:4

5O komail monokelar kamait pa ’mail, me padaki ong komail ni tiak en seri: Nai ol, koe der rongarongan soreki kapung en Kaun o, o der luetalar ni a pan kotin kapung uk ala.Select Hebrews 12:5

6Pwe Kaun o kin kotin kame, me a kin pok ong o kin kaloke seri karos, me a pan sapwilimaneki.Select Hebrews 12:6

7A ma komail pan kanongama ong kalokolok, nan Kot kin kotin wiai ong komail duen ong sapwilim a kan. Pwe ia seri men, me sam a sota kin kaloke?Select Hebrews 12:7

8A ma komail sota pan kalokolok dueta irail karos, nan kaidin komail seri, pwe sota sam omail.Select Hebrews 12:8

9A ma sam atail en pali uduk kaloke kitail er, o kitail masak irail, iaduen, kitail sota pan peik kaualap ong Sam en ngen akan, pwen memaur kila?Select Hebrews 12:9

10Pwe irail kaloke kitail ran me malaulau, duen insen arail, a i pwen kamaui kitail la, pwe kitail en tungole kisan a saraui.Select Hebrews 12:10

11A kalokolok karos kaidin likamata peren, ni a pan lel ong kitail, pwe insensued, a mur a pan kareda wan pung o popol ong ir me anlar.Select Hebrews 12:11

12Komail ari kakelada pa o pukie omail luet akan.Select Hebrews 12:12

13O kakeki wei nä omail, pwe me sikilikil ender pirokala sang al o, a ren kelailada.Select Hebrews 12:13

14Nantiong popol ong amen amen o saraui; a ma so, sota me pan kak kilang Kaun o.Select Hebrews 12:14

15O kalaka, pwe amen depa sota konodi mak en Kot, pwe karepen me sued ende pwaida, kawe komail, o me toto pan samin kila.Select Hebrews 12:15

16Pwe sota me pan nenek, de me sued amen due Esau, me netikila a soso ni kisin manga ta ieu.Select Hebrews 12:16

17Pwe komail asa, duen muri, ni a men ale pai, a lokidokilar, pwe a sota kak diar ansaun kalula, me a roporopeki pil en mas a.Select Hebrews 12:17

18Pwe komail sota lel nana, me aramas kak doke, o me ingkingkon, o pil sota lel wasa rotorot, o wasa pong, o melimel.Select Hebrews 12:18

19Pil sota lel ngil laud en koronete, de maod en lokaia, me irail, me rongadar, poeki, ender pur ong.Select Hebrews 12:19

20Pwe re sota kak ong rong: O pil man amen, ma a pan sair nana o, a pan pakasuk.Select Hebrews 12:20

21Iduen kasansal a kamasak melel, pwe Moses masanier: I ap lomwineki o rerer.Select Hebrews 12:21

22A komail leler nana Sion, o kanim en Kot ieias, Ierusalem en lang, o pokon en tounlang ngederenia,Select Hebrews 12:22

23O momodisou meseni, me mar arail kileledier nanlang, o ren Kot saunkapung en karos, o ren ngen en me pung kan me unsokelar.Select Hebrews 12:23

24O ren Iesus sauntom en inau kap o ntan usup, me mau sang en Apel.Select Hebrews 12:24

25Komail kalaka, pwe komail depa sikinwei, me kin mamasani. Pwe ma irail sota kak pitila, me sikin wei i, me kotin padapadak ong irail nin sappa, nan melel, kitail sota pan kak pitila, ma kitail pan sikin wei i, me masan dong kitail sang nanlang.Select Hebrews 12:25

26I ansau o kapitie kamokidada sappa. A met a kotin inauki masani: I pan pil kamokidada kaidin sappa eta, pwe pil nanlang.Select Hebrews 12:26

27A iet wewe en: I pan pil: Me mokidadar pan kawukila, pwe iei dipisou me wiauier, pwen ir, me sota kamokidada, en mimieta.Select Hebrews 12:27

28Kitail pan ale wei eu, me sota pan kak mokidada, i me kitail en dodok ong Kot duen me kon ong i, ni makelekel o masak.Select Hebrews 12:28

29Pwe atail Kot kisiniai ngkon.Select Hebrews 12:29