13Hebrews 13

1KOMAIL tengedi ong limpok en saulang!Select Hebrews 13:1

2Komail der monokela, en apwali men kairu kan. Pwe i me akai kasamoki tounlang kai, ap sasa.Select Hebrews 13:2

3Komail tamanda me salidi kan, due pein komail salidier, o irail me kaankamekam, due pein komail, me memaureki pali war.Select Hebrews 13:3

4Karos en wauneki inau en papaud o los en sosamin, a me nenek o kamal akan Kot me pan kotin kadeik ong irada.Select Hebrews 13:4

5Komail der norok moni, a komail insenemauki me mi re omail. Pwe a kotin masanier: I sota pan muei sang uk de kase uk ala.Select Hebrews 13:5

6Ari, kitail ap aima ong indinda: Kaun o sauas pa i, i sota pan masak, pwe da me aramas amen pan kak wiai ong ia?Select Hebrews 13:6

7Tamatamanda omail saunpadak kan, me kawewe ong komail er masan en Kot, alale sang arail poson, o madamadaua imwin arail wiawia.Select Hebrews 13:7

8Iesus Kristus me duedueta, aio, ran wet, o kokolata.Select Hebrews 13:8

9Komail ender wukiwukki sili padak likam akai; pwe pai kasampwal eu, mongiong atail en tengetengela, me kin wiauiki mak, a kaidin ni kisin manga, me so kadepa ong, me kin apapwali.Select Hebrews 13:9

10Atail pei saraui mia, me sota mau ong, irail en tungole sang, me kin papa nan im likau.Select Hebrews 13:10

11Pwe war en man akan, me ntar wisikilong ong nan pera saraui ren samero lapalap aki dip, isiser likin kanim.Select Hebrews 13:11

12Iduen Iesus, pwen kasarauiala aramas akan ki nta, kamekamela likin kanim.Select Hebrews 13:12

13Kitail ari en koie lang re a likin kanim o iang i kankaururla.Select Hebrews 13:13

14Pwe sota atail kanim potopot met, a kitail raparapaki eu, me mi mo ’tail.Select Hebrews 13:14

15Kitail ari poden mairongki kaping ong Kot ren (Iesus); iei wan kilin aua, me kadededa mar a.Select Hebrews 13:15

16Wiawia mau o kisakis, komail der monokela, pwe i mairong me Kot kotin kupura.Select Hebrews 13:16

17Peiki ong omail kaun akan o duki ong irail! Pwe re kin tauli kin ngen omail, duen me pan pakasaui ren Kot, pwe ren wiawia mepukat ni peren, a so ni insensued, pwe i me sapai ong komail.Select Hebrews 13:17

18Kapakapa kin kit. Se kin peren kida atail insen mau, o se kin nantiong wiawia mau ren aramas karos.Select Hebrews 13:18

19I panaui komail en porisok wia met, pwe i en kak pitipit pwaralang komail.Select Hebrews 13:19

20A Kot en popol, me kotin kaiasadar Silepan sip lapalap, iei atail Kaun Iesus sang ren me melar akan, ki ntan inau soutuk,Select Hebrews 13:20

21I en kotin kamaui komail en kapwaiada kupur a o song en wiawia mau ren Iesus Kristus. I me udan lingan kokolata! Amen.Select Hebrews 13:21

22Ri ai kan, i panaui komail, peiki ong ai panau wet. Pwe i inting wong komail er motomot.Select Hebrews 13:22

23Komail asa, ri atail Timoteus saladokelar; ma a pan madang dong ia, i pan iang i kilang komail.Select Hebrews 13:23

24Ranamau ong omail kaun akan karos o me saraui kan karos. Men Italien kan ar ranamau wong komail.Select Hebrews 13:24

25Mak en mi re omail karos!Select Hebrews 13:25