7Hebrews 7

1IEI Melkisedek nanmarki en Salem o samero en Kot lapalap amen, me kotilan tu ong Apraam, ni a pure do sang a kaloedi nanmarki kai, ap kapaida i;Select Hebrews 7:1

2Me Apraam pil kotiki ong eisok kis eu sang ni a dipisou karos. Iet wewe kaieu en mar a: Nanmarki en pung; ap pil: Nanmarki en Salem, iet wewe: Nanmarki en popol;Select Hebrews 7:2

3Me sota sam a, sota in a, sota a kainok, sota tapin a ran akan, pil sota imwin maur. A a ras ong Sapwilim en Kot, o a pan samero kokolata.Select Hebrews 7:3

4Komail kilang ol lapalap men et, me sam atail Apraam kotiki ong eisok kis eu en a dipisou, me lodier.Select Hebrews 7:4

5Melel eta kadaudok en Lewi, me kasapwiladang dodok en samero, arail kusoned mia, me ren ale sang ren aramas akan, iei ri arail akan, eisok kis eu, duen kapung, a ir pil kisan kadaudok en Apraam.Select Hebrews 7:5

6A i, me sota kisan irail, ale eisok kis eu sang ren Apraam o kapaiada i, me aleer inau o.Select Hebrews 7:6

7Nan melel kaualap me tikitik o kin paida sang ren me lapalap.Select Hebrews 7:7

8Ari met, aramas akan me udan mela, kin ale eisok kis eu, a mo amen, me kadedepa mia, duen a ieiasata.Select Hebrews 7:8

9Ari melel, pil kadaudok en Lewi me kin ale eisok kis eu, kida eisok kis eu ong (Melkisedek) ki Apraam.Select Hebrews 7:9

10Pwe a mimieta nan longelong en sam a, ni ansau Melkisedek kotilan tu ong i.Select Hebrews 7:10

11Ari, ma dodok en samero Lewi unsokela — pwe i ansau irail aleer kapung o — da katepan amen samero en pwarado ni al en Melkisedek, a kaidin ni al en Aron?Select Hebrews 7:11

12Pwe ma dodok en samero wukila, nan kapung pan pil wukila.Select Hebrews 7:12

13A i, me se indinda, i kisan eu kainok, a sota amen sang nan kadaudok wet apwalier pei saraui.Select Hebrews 7:13

14Pwe meid sansal, me Kaun patail tapi sang Iuda. Ari, iran sau wet Moses sota katitiki meakot duen samero.Select Hebrews 7:14

15Mepukat sansal melel, ma amen samero pan kotido ni al en Melkisedek,Select Hebrews 7:15

16Me sota kasapwiladar pan tiak en kusoned uduken, pwe pan manaman en maur soutuk.Select Hebrews 7:16

17Pwe iet kadedepa: Komui samero soutuk amen duen al en Melkisedek.Select Hebrews 7:17

18Pwe i me kusoned en mas nikier, pwe me luet o sota katepa,Select Hebrews 7:18

19Pwe kapung sota kak kaunsokala meakot, a kaporopor me mau sang men mas, pan id pwarado, me kitail kak tuki ong Kot.Select Hebrews 7:19

20O iet pil eu kasampwal: Pwe a kasapwil kida kaula — a irail wiala samero ni sota kaula.Select Hebrews 7:20

21A men et sapwilikida kaula ren i, me kotin masani ong i: Kaun o kaular, a ap sota pan kalu kila: Komui samero soutuk amen duen al en Melkisedek.Select Hebrews 7:21

22Iei me Iesus pil wiala kapung pan inau, me mau sang men mas.Select Hebrews 7:22

23A irail me toto, me wialar samero, pweki ar matalar, kareda, me irail sota kak mimieta.Select Hebrews 7:23

24A i me potopoteta, pwe a kotin aleer dodok en samero soutuk.Select Hebrews 7:24

25Ari, i me a kotin kak kamaureda melel ir karos, me kai ki ong Kot i, pwe a kotin ieiasata, pwen laolao kin ir.Select Hebrews 7:25

26Pwe iduen samero lapalap me mau ong kitail, me saraui, o so sapung, o so samin, o me liki sang me dipan akan, o ileila sang nanlang.Select Hebrews 7:26

27Me sota rasong samero lapalap akan, me kin kida mas mairong pweki pein dip arail ap pweki en aramas akan ni ran karos. Pwe i me a kotin wiadar pan pak ta ieu, ni a kotin mueid ong Kot pein i.Select Hebrews 7:27

28Pwe kapung kin kasapwiladang samero aramas luet akan, a masan en kaula, me wiauier murin kapung, kasapwiladar Sapwilim a, me unsokalar soutuk.Select Hebrews 7:28