20John 20

1NI ran kaieu en wik Maria men Makdala pwara dong sousou o nin soran, a saikenta ran pasang, ap diaradar, me takai o katapur sanger mon sousou o.Select John 20:1

2I ap tanga wei, ko dong Simon Petrus o tounpadak teio, me Iesus kotin kupura mauki, indai ong ira: Irail wa sanger Kaun o nan sousou o, a se sasa, wasa re kidi ong ia i.Select John 20:2

3Petrus ari koieila o tounpadak teio ap ko dong sousou o.Select John 20:3

4Ira wiaki eu tanga wei, a tounpadak teio me madang mon Petrus lel sousou mas.Select John 20:4

5A lao itiokidi, ap kilangada likau linen wonon, ap sota pedelong ong lole.Select John 20:5

6Simon Petrus ap kokodo idauen i, ap pedelong ong nan sousou o, diarada likau linen ko wonon.Select John 20:6

7O lim en pudo me pira a kadokenmai, me sota iang likau linen ko; a lim pena wasa toror.Select John 20:7

8A tounpadak teio me tiong dong sousou o, ap pil ko ong lole; i ari diarada o posonla.Select John 20:8

9Pwe ira kaikenta weweki kisin likau, me a en iasada sang a matala,Select John 20:9

10Tounpadak ko ap pur onger nan deu ’ra.Select John 20:10

11A Maria u liki sal ong sousou o sangesang. O ni a sangesang a poridi, kilanglong ong nan sousou o,Select John 20:11

12Kilangada tounlang riamen momod ia, kapwateki likau pwetepwet, amen liman kadokenmai a amen liman aluwilu a kan, wasa kalep en Iesus kotikot iaer,Select John 20:12

13Ira ari masani ong i: Li, da me koe sangesangki? A indai ong ira: Aki irail wa sanger ai Kaun, a i sasa, wasa re kidi ong ia i.Select John 20:13

14A lao indada met, ap soupei wei kilanger Iesus kotia u o sasa, me i Iesus.Select John 20:14

15Iesus kotin masani ong i: Li, da me koe sangesangki? Is me koe kin raparapaki? A kiki ong, me i me saumat o, ap indang i: Maing, ma komui wa sanger i, indai ong ia, wasa komui kidi ong ia i, i ap pan wala sang i.Select John 20:15

16Iesus ap kotin masani ong i: Maria! I ari soupei ong, potoan ong i: Rapuni! Iet wewe: Saunpadak.Select John 20:16

17Iesus kotin masani ong i: Der sair ia, pwe I kaikenta pwarala ren Sam ai, a kola ren ri ai kan, kaire kin irail, I kokodala ren Sam ai o Sam omail, ren ai Kot o omail Kot,Select John 20:17

18Maria men Makdala kodo kaireki tounpadak kan, me a kilangadar Kaun o, o me a kotin masani ong i mepukat.Select John 20:18

19Lao nin sautik en ran ota, ni ran kaieu en wik, ni wanim ko me ritidier, wasa tounpadak kan pokon pena ia, pweki ar masak Sus oko, Iesus ap kotido u nan pung arail, masani ong irail: Komail popol!Select John 20:19

20A lao masaniada met, ap kasale ong irail lim a kan o pangepang a. Tounpadak kan ap perenda ni ar kilangada Kaun o.Select John 20:20

21Iesus ap pil kotin masani ong irail: Komail popol! Duen Sam o kadar ia do, iduen I kadar komail la.Select John 20:21

22A lao masanier met, ap ngidi ong irail masani: Komail ale Ngen saraui!Select John 20:22

23Me komail pan lapwada dip ar akan, re lapwadar; o me komail katengedie dip ar akan, pan tengedier.Select John 20:23

24A Tomas amen ekriamen, me adaneki Didimos, sota iang irail, ni Iesus kotin pwarador.Select John 20:24

25Tounpadak teio ap indai ong i: Se kilanger Kaun o. A i me indai ong irail: Ma i sota pan kilang lip en mata nan lim a kan, o kilong ong nan lip en mata sondi en pa i, o kilong ong pa ni pangepang a, i sota pan poson.Select John 20:25

26Murin ran walu sapwilim a tounpadak kan pil pokon pena, o Tomas iang irail. Wanim ko lao ritidier, Iesus ap kotido, u nan pung arail masani: Komail popol!Select John 20:26

27Ap kotin masani ong Tomas: Kido sondin pa om o kilang pa i kat, o kido pa om, kilong ong nan pangepang ai, o der soposon, a poson ta!Select John 20:27

28A Tomas sapeng indang i: Ai Kaun o ai Kot!Select John 20:28

29Iesus kotin masani ong i: Pweki om kilang ia er, koe poson kilar, a meid pai, me kaikenta kilang ap poson.Select John 20:29

30Kilel toto me so intingidier nan puk wet, me Iesus kotin wiadar nan pung en sapwilim a tounpadak kan.Select John 20:30

31A mepukat me intingidier, pwe komail en poson, me Iesus me Kristus sapwilim en Kot Ol. O komail en poson ap aneki maur pweki mar a.Select John 20:31